04 Azaroa 2013

Champions Leaguen jarraitzeko aukera gutxi zituen Bera Berak eta larunbatean guztiz galdu zituen Larviken. Zentzu horretan multzoa erabakita dago Vardarrek aise nagusitu baitzen Kroazian (17-35), ondorioz, norvegiarrak eta mazedoniarrak Main Round delakoan izango dira Györi egungo txapelduna bezala.
Taldea osatu eta gero antzeman zenean, lau partida hauetan lidergoan diren bi taldearen nagusitasuna nabarian gelditu da. Hurrengo jardunaldian -bostgarrena-, Bera Berak Vardar bisitatuko du, gol bakar batez líder dena; Prodavka Vegetak aldiz Larvik hartuko du, igandean, hilak 10, arratsaldeko 6etan izango dira bi partidak.
Ondorioz, Europan jarraitzeko, kasu honetan Cup Winners’ Cup delakoan 2014ko otsailean, pentsa daiteke Bera Berak Prodavka Vegeta 12 golez gainditu beharko du Gaskan azaroaren 17an, igande honetan bi taldeek emaitza bera lortuz gero.
Etxean bi partida jokatu ostean eta beste horrenbeste etxetik at, gipuzkoarren zenbakiak defentsak eta atepean azpimarragarriak dira. D multzoan aritu arren, Larvik eta Vardar talde indartsuekin batera, eta birritan Europako azpitxapeldunen aurka jokatu ostean, lau norgehiagoketan ez da aurkaririk 30 goletara iritsi.
Partidako bataz beste, 27 golekoa da, hau da, 108 gol jasota, donostiarrek sei taldeen zenbakiak hobetzen dituzte: Thüringer, Baia Mare, Lublin, Savehof, Leipzig eta Prodavka Vegeta; Hyporekin berdinduta eta ez oso urruti Hungariako FTC (106) edo Frantziako Metz (102). Erreferentzia jartzekotan, Kroaziako Prodavkak Larviken aurrean 34 gol jaso zituen eta Vardarren aurka, 39 eta 35.
Halere, Europako goreneko lehiaketa jokatzea antzematen da eta asko eraso jokoan. Aurkariek jarritako oztopoaz gain, Bera Beraren baliabide urriak azalean gelditu dira eta, ezin ukatu, area batea edo bestean epailean irizpide ezberdinak jasan izan dituzte. Horrela, Bera Bera da Championsen gol gutxien sartu duen taldea, partidako 19 gol baino gutxiago. Matxalen Ziarsolo (19), Eli Pinedo (17), Patri Elorza (12) eta Alba Menéndez (11) dira golegile nagusienak.

03 Azaroa 2013

Europako federazioko www.eurohandball.com eko web orrialdean partida atarian, Bera Berak zalego neutralaren sinpatia bereganatu duela jartzen duen arimagatik, gaur arratsaldean Larviken berriro ere erakutsi duena nahiz eta egungo azpitxapeldunaren aurka 29-21 galdu. Izan ere erronka oso zaila zen eta are eta gehiago donostiarren bajak kontutan izanda. Bera Bera konzentraturik irten da partidara eta ez dio jokatzeari uko egin amaiera arte. Larvikek lehenengo zati amaieran baino ez du tartea ireki, izan ere, Gro Hammerseng, Koren Riegelhuth eta Sulland jokalariei esker 6-2 aurreratu dira baina Castro, Elorza eta Pinedok markagailuari eutsi diote. Alba Menéndezen gol batek 9-6 ezarri du baina hortik aurrera Larvikek abantaila haunditu du Mörk jokalarien bitartez, Nora eta Thea, atsedenaldira 15-9 iritsi direlarik. Lehenengo zati honetan Gipuzkoarren 6-0 defentsa ondo aritu da eta are gehiago Ana Temprano atezaina. Erasoan gehiago kostatu zaio Norvegiarren 6-0 defentsak hutsuneak aurkitzea. Bigarren zatian, Bera Bera ez da kokildu. Pinedo lehenengo lerrora pasatu da eta Maitane Etxeberriak Championsen lehenengo gola sartu du. Bera Bera tarteari eutsi dio eta Matxalen Ziarsolok bi kontraeraso gauzatu ditu. Halere, Larvikek sei metroetako lerroa bilatu du bost penalti ia jarraian lortuz, Sulland jokalariak gauzatu dituenak, kanpoko jaurtiketan ere oso fin ibili da eskuin albokoa. Azken hamar minutuetan, Imanol Álvarezek Pinedo eseri du, Maitane Etxeberria eskuin albokoan jarri du eta gipuzkoarrek Patri Elorza eta Alba Menéndez aurkitu dituzte eraso jokoan, halere, ez du abantaila gutxitzeko aukerarik izan Champions League irabazteko faborito baten aurka. Fitxa: Larvik 29, Bera Bera 21 Larvik 29 (15+14): Hasanic, Koren Riegelhuth (4), Sulland (11, 6p), Breivang (3), J Kristiansen, Gro Hammerseng (4) y Loke (2) - titular- Thea Mörk (2), Nora Mörk (3), Johansen, T. Kristiansen, Stange, Bjaaland, Lund. Bera Bera 21 (9+12): Temprano, Castro (1), Elorza (8, 3p), Menéndez (5), Núñez (1), Pinedo (2) eta Ziarsolo (3, 1p) –titular-, Etxeberria (1), Ederra, Arizaga, Dunay eta Arrojeria. Deialdian ziren Uxue Ezkurdia eta María Akuña. Epaileak: Bojan Lah eta David Sok, Eslovenia Kanporatuak: Thea Mörk, Loke eta Johansen Larviketik eta Núñez (2), Pinedo eta Elorza Bera Beratik. Partzialak: 2-2, 4-2, 7-3, 7-5, 11-7, 15-9 –atsedenaldia- 17-11, 20-13, 24-15, 26-17, 27-20 eta 29-21.

01 Azaroa 2013

Norvegiako Larvik Champions Leagueko ohiko taldea eta 2009an inauguratu zen Arena Larvik jokalari guztiak egon nahi duten xarma berezietako pista. Larvikek aurtengo edizioa kontutan harturik 15 urte daramazki Championsen –bederatzi jarraian-. Eta azkeneko lau denboraldietan gutxienez finalerdietara iritsi da –guztira bederatzi aldiz-, 2010-11ko edizioko txapelduna –Itxako gaindituz- eta iazko finala Hungariako Györi taldearen aurka galdu zuena (43-47).
2011tik Ole Gustav Gjekstadek zuzentzen duen taldeak Champions League du helburu, bere Liga aise menperatzen duelako. Halere, datorren asteazkenean egun Byasen liderra hartuko du Arena Larviken. Izan ere, 15 urtez Norvegiako txapelduna izan da Larvik, 2000. urtez geroztik behin baino ez dio liga ihes egin eta hurrengo denboraldian, hau da, 2004-05ean Cup Winners’ Cup delakoa irabazi zuen.

Aktibazioa

Larvikera egindako bidaia ostean, hiru orduko hegaldia Bartzelona-Oslo eta beste bi autobusez, Bera Bera 19,30etan iritsi da bertara eta afaldu aurretik hotelaren inguruan bueltatxo bat egin du taldeak eta aktibazio ariketak. Imanol Álvarezek bihar goizean hitzaldia emango du eta eguardian entrenatuko dira Arena Larviken Europako azpitxapeldunaren aurkako partida prestatze aldera, 19,30etan (Bojan Lah eta David Sok, Eslovenia) hasiko dena eta EHF TVren bitartez ikusterik izango dena.

Castelldefelsen landu zuen garaipena ostean iritsi da Bera Bera eta lehiaketa hau eta bereziki partida hau ikasgai bezala hartzeko asmoarekin.

31 Urria 2013

Autocares Davideko autobusean abiatu da gaur goizean Bera Bera Eskubaloiko gaztetu den plantilla Castelldefels helburu, Can Vinader kiroldegian non gaur 20etan Ligako zazpigarren jardunaldiari ekingo dion (Jordi Ausas y Miquel Florenza, Catalunya) Esportiu Castelldefelsen aurka.
Bera Bera Ligara itzuliko da 15 egun ostean. Azken partidan Adesal Córdoba gainditu zuen (28-23) Championsen Larviken aurka jokatu aurretik. Orain Castelldefelsen jokatuko du Norvegiara bidaiatu aurretik, berriro lehiaketako egungo azpitxapeldunaren aurka aritzeko.
Ligan gipuzkoarrak lidergoan bakarrik daude jokaturiko sei partidak irabazi ostean eta historiako hasiera onenak berdinduz, 94-95 eta 2002-03 denboraldikoak, alegia. Ondorioz, Bera Berak gaur marka berri bat ezartzeko aukera du, aurreneko aldiz Liga hasieran zazpi garaipen arraskadan lortzea, hain zuzen ere.
Partida zuzenean castelldefelstv.org web orrialdean ikus daiteke.