20 Azaroa 2013

Azkeneko urtetan Bera Bera Eskubaloiak etengabeko hobekuntzaren alde egin duen apustuaren baitan, BAT Basque Team Fundazioak koordinaturik, plantilla osatzen duten jokalariei zuzenduta, atzo arratsaldekan Olatz Legarza psikologoak coaching izeneko saioei ekin zion. Egitasmo honen bitartez egun taldearen diagnostiko zehatza burutuko da, hobetzeko plana ahalik eta ondoen definitzeko. Bi orduko hiru saioetan, taldean eta psikologoaren aurrean jokalariek galderei eta hainbat hausnarketari erantzun behar diete, besteak beste norberaren autodefinizioa eta bakoitzaren papera taldean azaltzeko. Erronka da taldearen sinismenak identifikatzea, arrakasta eta garapena mugatzen duten arloak aldatzea, jokalari bakoitzaren ardura sustatzea, interdependentzia eta indarguneen jabe egin eta hauek indartu. Lehenengo saioan elkarrekiko ezagutza sustatu zen, parekotasunak eta ezberdintasunak azaleratuz, eta horietakoak taldearen errendimentua hobetuko diuztenak identifikatu. Hurrengo saioetan erantzunkidetasun landuko dute eta norberaren gaitasuna taldeko egoerei aurrean erabaki zuzenak aurkitze aldera. Kirol arlotik haratago Bera Bera Eskubaloia hainbat ekintza burutu ari da aspalditik. Harrobiko jokalariei begira Osasun Eskola osatu zuen eta bertan nutrizioa, elikadura, garbitasuna izan dira hizpide. Gorputzaren gantz-ehunaren zehazteko neurri antropometrikoak egin dituzte eta, era berean, gurasoei ere aholkuak eman diziete partida baten aurretik eta ostean elikadura egokienaren inguruan. Horrez gain, kudeaketari begira, Grupo Gismaren aholkularitzan, martxotik hona kudeaketa sistema garatzen ari da eskubaloi sekzioa prozesuak identifikatzeko eta eraginkortasuna lortze aldera. ISO 9001 nazioarteko arauak ezartzen dituen baldintzak erreparatzen die Bera Berak eta urte hasieran zertifikazioa eskatuko du.

19 Azaroa 2013

Euskal Ligan larunbatean Bera Berak eta Zuazo Barakaldo elkarren artean jokaturiko norgehiagoketan, kadete mailako taldeak 15-23 galdu zuen eta jubenil taldeak merito handiko berdinketa eskuratu zuen (25-25). Larunbatean ere bai, eguardian, lurralde mailako kadete taldea 20-13 nagusitu zen Leizaran eskubaloiaren aurrean. Eta igandean, Zumaian, aise gainditu zuen Bera Bera senior taldeak (12-31) Asador Basusta Pulpo.

19 Azaroa 2013

Bera Bera Eskubaloiko entrenatzale Imanol Álvarezek Euskadiko Federazioak egindako proposema onartu du eta Euskal selekzioa zuzenduko du Txileren aurkako partida batean.
Norgehiagoka Elgoibarren ospatuko da abenduaren 14ean, larunbata. Serbiako Mundialak ligan etenaldia eragingo duenez Euskal Federazioaren asmoa izan da data hauetan horrelako partidarik berreskuratzea nazioarteko selekzio baten aurka.
Ondorioz, Imanol Álvarezek ezin izango du Eli Pinedo eta Patri Elorza deitu Mundialean bete-betean egongo direlako. Halere, Ermuko entrenatzailearen asmoa da ahalik eta selekzio onena osatzea.

18 Azaroa 2013

Europako txapelketa goreneko multzoen fasean debuta egitea ez da batere erraza, are gehiago Larvik eta Podravka bezalako eskarmentu handiko taldearen aurka aritu behar bada eta Vardar bezalako talde handi baten aurrean.
Azkeneko bost denboraldietan Championsen debuta egin dutenen taldeen ibilbideari erreparatu ostean, Bera Bera ondo moldatu da. Taldearen sensatzioa da guztia eman duela, batez ere defentsako zereginetan bikain aritu dela, izan ere, fase honetako talde erdiak –zortzi- Bera Berak baino gol gehiago jaso dituzte. Eta atzoko Podravkaren aurkako partidak zapore ona utzi du lehiaketa hau uzterakoan.
Mazedoniako Vardar, Errumaiako Baia Mare, Poloniako MKS Selgros Lublin eta Bera Bera izan dira aurten debuta egin duten taldeak. Vardar indartsu zela frogatu zuen Donostian, multzoko liderra, partidarik galdu ez duena eta azken jardunaldian Larvik gainditu duena Norvegian. Azkeneko bost denboraldietan debuta egin dutenen artean Main Round delakora pasa den taldea bakarra da Mazedoniakoa.
Gainontzeko taldeak Europatik at gelditu dira. Baia Marek gertu ibili arren. Bi garaipen lortu ditu Hypo eta Thüringerren aurrean, gol bakar batez, eta austriarrak eta alemaniarrekin batera launa puntu eskuratu arren laugarren gelditu dira errumaniarrak. Poloniarrak, aldiz, ez dute punturik urratu eta donostiarrei hiru gol falta izan zaie.
Izan ere, debuta egiten duten taldeentzako ez da batera erraza punturik lortzea. 2012-13 denboraldian, Errumaniako Universidad Jolidon Cluj taldeak ez zuen punturik eskuratu, ezta Buxtehuder alemaniarrak 11-12 denboraldian, non Thüringerrek –bihar Main Round zozketan- berdinketa bakarra lortu zuen Championseko multzoen fase honetan.
Frantziako Toulon Saint Cyr Var Handball taldea da azkeneko bost denboraldietan, Vardarrekin batera, Europan jarraitzea lortu zuen bakarra, Cup Winners Cup delakoan, hirugarrena gelditu baitzen. Denboraldi berean hungariako Debrecen hiriko DUSC Korvex taldeak Hypo baino ez zuen gainditu.
Eta Itxakok multzoen fasean egin zuen debutean, 09-10 denboraldian, hiru puntu eskuratu arren, Europatik kanpo gelditu zen.
Ondorioz, atzoko garaipena ondo baino hobeto baloratu behar da eta orokorrean gipuzkoarrek Championsen egindako ibilbidea.