17 Azaroa 2013

Bigarren zati harrigarri batekin non Bera Berak Kroaziako Podravka Vegeta taldea zortzi goletan utzi duen, Champions Leagueko multzoen fasean egindako ibilbide duina itxi du modu bikain batean. Eta gipuzkoarrek azken minutuetan saltsa pixka bat jarri dute zalegoen artean Europan jarraitzeko, kasu honetan, Cup Winners Cup lehiaketan behar zuten aldera gerturatu baitira. Izan ere, Bera Berari hiru gol falta izan zaizkio baina batez ere minutu batzu, denbora gehiago, alegia, Poloniako Vistal Laczpol Gdynia taldearen aurren lortu zuten iraulketa errepikatzeko. Podravka Vegetan Koprivnican lorturiko 11 goleko aldeak (28-19) kroaziarrak Cup Winners Cup lehiaketan kokatzen ditu eta donostiarrak denboraldi honetan Europatik at. Soseguz egindako balorazio baten faltan, aurreratu daiteke Championsen egindako ibilibide itxurosoa egin duela taldeak Europako goreneko txapelketan jokaturiko maila handiko sei norgehiagoketan. Partida osoan gozatu ondoren, Bera Berak lehiaketari itxiera ezinhobea jarri dio, zalegoari eskaini dizkion azken 13 minutuan gogoratzekoak izan dira. Zivkovic jokalariak –gaur bi gol- 20-19 jarri du markagailuan baina hortik aurrera amaiera arte Podravkak ia ordu laurden bat golik sartu gabe egon da. Bera Beraren defentsa gaindiezina zen, Tempranok neurria hartu dio Havic albokoari, Gavranic zentralari eta Trifunovicek penaltiz ere ez du asturiarra gainditu. Aitzitik, azken 13 minutuetan, Bera Berak 8-0 partziala ezarri dio sei jokalarien golei esker -Pinedo, Ziarsolo (Championseko golegile nagusien artean), Ederra, Menéndez, Castro eta Elorza. Baina segunduak agortzen ziren. Bada Maitane Etxeberriak Koprivnican kendu zioten gola gogoratu duena denbora agortuta zegolakoan, 19. gola izango litzateke Bera Berarentzat Kroazian… Partida bukatu bezala hasi da. Donostiarren defentsak presioari ekin dio Podravkaren harridurarako eta Imanol Álvarezek aurreratu zuen bezala Bera Berak korrika egiteko aukera izanda, mina egingo zuela. Hasi eta berehala 3-0 eta kroaziarren aurreneko gola zazpigarren minutuan. Donostiarren defentsak Zivkovic kontrolpean zuen eta orduan Milanovic pibotea zen arazoa. Bera Berak baloiak galdu ditu erasoan kroaziarren berdinketak baliatuz, 5-6 aurretik ere jarri da Podravka. Orduan Arizagak hartu du gidaritza eta oso jokaldi ederrak ikusi dira Nuñez pibotean amaitu duena edo Andoaingo zentralak eta Menéndezen arteko lotura, esate baterako. Havic albokoak eta Pongrac hegalekoak berdinketa ezarri dute eta atsedenaldian 11-11 pare baina partida irabazteko moduan zegoela sentsazioarekin. Bigarren zatian hasieran ez da partida gehiegi aldatu. Elorza, Pinedo eta Ziarsolok erasoan erantzukizuna hartu dute eta amaieran Bera Berak abiadura handiagoa jarri dio norgehiagokari lehenengo garaipena bereganatzeko eta Championseko multzoen fasea zapore on batekin uzteko jokalari, entrenatzaile, agintari nahiz zalegoak. Baita lortu ere! Fitxa: Bera Bera 28, Podravka Vegeta 19 Bera Bera: 28 (11+17): Temprano, Castro (5), Menéndez (2), Núñez (1), Elorza (5), Pinedo (5) eta Ziarsolo (9, 7p) –titular- Ederra (1), Arizaga y Dunay. Deialdia osatu dute: Arrojeria, Ezkurdia, Etxeberria eta Akuña (o.a.). HC Podravka Vegeta 29 (14+15): Milenkovic, Pongrac (3), Havic (4), Zivkovic (2), Milanovic (3), Trifunovic (3p) eta Vukojevic (2)–titular- Gavranic, Covic (2), Nemaskalo, Dragisic eta Kapitanovic (p.a.). Epaileak: Stevann Pichon eta Laurent Reveret (FRA) EHF Delegatua: Tomo Vodopivec (SLO) Kanporatuak: Pinedo eta Elorza Bera Beratik eta Havic, Zivkovic, Milanovic, Covic (2) eta Gavranic Podravkatik. Partzialak: 3-0, 4-2, 5-4, 7-6, 9-9, 11-11 –atsedenaldia- 13-13, 16-14, 19-17, 21-19, 24-19 eta 28-19

15 Azaroa 2013

Kadete eta jubenil mailako hiru norgehiagoka ospatuko dira bihar Bidebieta kiroldegian. 13etan Bera Bera kadete Leizarán B hartuko du eta Euskal Ligan, aldiz, Zuazo Barakaldo izango da aurkaria, 16etan Bera Bera kadete taldearen txanda izango da eta 18etan jubenilena. Bestetik, senior taldeak Zumaiara egingo du bidaia igandean, 9,45etan Pulporen aurka jokatzeko.

15 Azaroa 2013

Bera Berak Champions Leagueko azken partidari ekingo dio “partida irabazteko itxaropentsu” Imanol Alvarez entrenatzaileen esanetan. “Amaitu dira bidaiak –Kroazia, Norvegia eta Mazedonia- eta ametsa bizitzeko uneak ere bai” aipatzen du. Donostiarrek Kroaziako txapeldun Prodavka Vegeta hartuko du igandean 12,15etan (Stevann Pichon eta Laurent Reveret, Frantzia) Josean Gasca kiroldegian.
Imanol Álvarezek azpimarratzen du helburua “irabaztea dela, ez da gutxi eta ez da erraza izango 11 golez galdu baitgenuen aurkari horren aurrean eta Larvikek gutxigatik gainditu zuen”. Izan ere gol kopuru hori gainditu beharko du Bera Berak kasu honetan, Cup Winners’ Cup lehiaketara pasatu ahal izateko.
Ermuko entrenatzaileak dio “irabaztea komeni zaigu, Champions Leaguen parte hartzeaz gain, partida bat irabaztea Curriculumerako oso positiboa izango litzateke”. Europan jarraitzeko egin behar den balentriaz “ez dugu baztertuko, ez dakit komeni zaigun baina 12 golez irabazteko aukera baldin badugu ez dugu baloia kanpora botako”.
Hala eta guztiz ere, “aurkaria zaila izan arren” Imanol Álvarezek uste du “Larvik edo Vardarren aurka jokatzea baino aukera gehiago ditugu Prodavka gainditzeko eta hori izan behar da gure helburua”.
Jokalarien egoeraz galdeturik, “Championseko azken partida dela, Munduko txapelketa gorenean izan garela eta garaipen batekin utzi nahi dugula da egun pentsatzen duguna”. Partidaren inguruan aipatzen du “defentsa” gako gisa “orain arte egin duguna kanpoko jaurtiketa zainduz –Zivkovicek bederatzi gol egin zituen Koprivnican- baina Milanovic pibotea zainduz”. “Eta erasoan –jarraitzen du- Kroaziarren kontaktuak saihestu, jokuari jarraipena emanez”. Bere ustez “ondo defendatzen badugu, korrika egiteko aukera izango dugu eta mina emango diegu”.
Imanol Álvarezek “oso positibotzat” jotzen du “irabaztea, gol bakar batez bada ere” eta Championsetik “aho zapore on batekin ateratzeko non taldeak ondo erantzun duen” eta horregatik “animatu du Gascara etortzen eskubaloia gustoko duena eta orokorrean kirolzalea”.

14 Azaroa 2013

Pinedo eta Núñezen bina golei esker oso hasiera sutsuak burutu du Bera Berak (4. min, 4-0) Valladolideko Aula Cultural Viveros Herol adieraziz partida serio hartu duela. Donostiarrek baloia azkar mugitzen asmatu dute eta alboko nahiz pibotearekin loturak sortuz eta ostean Elorza eta Dunayrekin lehenengo lerroaren txanda izan da.
Halere, Valladolideko jokalariak hiru gol jarraian lortu dituzte, albokotik, kontraerasoan eta penaltiz eta berriro ere partidan sartu dira minutu batzuk izan badira ere. Donostiarren defentsak intentsitatea irabazi arren Celia Lópezen asmatzen hasi da.
Imanol Alvarezi jokalarien errotazioak ondo atera zaio. Ordu laurden bete denean Arizagak eta Ederrak Elorza eta Núñez ordezkatu dituzte; 20. Minutuan Etxeberriak eta Ziarsolok, Castro eta Pinedo; 23. minutuan Arrojeriak Menéndez eta Bera Berak 6-0 partziala lortu du jokalari hauen guztien golei esker, Aula Culturaleko entrenatzaileak bigarren hutsartea eraginez.
Atsedenaldian, 18-7, partida kontrolpean. Bigarren zatian zazpikote berarekin aritu da Bera Bera. Arizaga, Dunay, Arrojeria eta Menéndezek hutsuneak aurkitu dituzte Valladolideko defentsak eta donostiarrek ez zuten defentsa lanean intentsitatea jaitsi, ondorioz, 42. minutuan, 26-10.
Ezkurdiak Etxeberria ordezkatu du, Egiako jokalariak gola sartuta, parte hartu duten jokalari guztiek gola lortu dute eta zortzi minutu falta zirela, Akuñak atsedena eman dio Tempranori.
Ondorioz, Ligan bederatzigarren garaipena eta 2013an Bidebietan ospatu diren 13 partidaren jabe egin dira gipuzkoarrak.

Fitxa: Bera Bera 32, Aula Cultural 17

Bera Bera 32 (18+14): Temprano, Castro (1), Menéndez (3), Dunay (2), Núñez (5), Elorza (2) eta Pinedo (2) –titular- Ziarsolo (3, 1p), Ederra (3), Arizaga (4), Etxeberria (3), Arrojeria (3), Ezkurdia (1) eta Akuña (o.a.).

Aula Cultural Viveros Herol 17 (7+9): Muñiz, Nieto (1), Cifuentes, de la Cruz (3), Vergara (2), Cossio eta Amaia González (5) –titular- Fernández, Casquero, López (6) y Herranz.

Epaileak: Álvaro Ruiz eta David Zapico, Asturiarrak
Kanporatuak: Menéndez, Arizaga (3) eta Elorza Bera Beratik eta Cifuentes Aula Culturaletik.

Partzialak: 5-1, 6-3, 8-5, 11-6, 15-7, 18-7 -atsedenaldian- 22-9, 24-9, 27-12, 28-15, 31-16 eta 32-17
Gertaerak; Bildutako kazetariek Aulak 16 gol sartu zituela adierazi zuten amaieran.