22 Abendua 2014

Urrea ezin izan zuen eskuratu Espainiak. Norvegiak baliabide guztiak atera behar izan zuten finala irabazteko, Jorge Dueñasen selekzioak lehenengo zatian markagailuan aise nagusitu baitzen (5-10) eta atsedenaldian, 10-12. Norvegiak eraso jokoan erakustaldia eman zuen ondoren (18 gol) Hungaria eta Kroaziako Eurokopa bereganatuz, Espainiak bost minutu falta zirela aukerak izan arren. Zilarrezko domina beraz, egunak pasa ahala gehiago estimatuko dena izan ere Dueñasek osatu duen selekzioa transizioan dagoelako eta gutxik espero zuten finalerdietara iritsiko zenik ere. Zentzu honetan protagonismo handia hartu duen jokalaria, batez ere defentsan, Patri Elorza izan da. Arabarra hiru ordu eta hamar minutu izan da pistan; bestetik, arazo fisikoak gaindituz Eli Pinedok hobera egin du txapelketa pasa ahala. Bost ordu eta berrogei minutu izan da pistan, 19 gol sartuz, %58ko portzentajearekin. Ana Temprano eta María Núñez jokalariek gutxiago jokatu dute baina pistan izan direnean ekarpen handia eman diote taldeari. Ondorioz, laurak arrakastaz beteriko 2014 itxiko dute, Bera Berarekin hiru tituloa eta Eurokopako zilarrezkoa.

20 Abendua 2014

Gol batez Europako txapeldun Montenegro finalerdian gainditu ostean (18-19), Jorge Dueñasen selekzioak non Bera Berako Patri Elorza, María Núñez, Eli Pinedo eta Ana Temprano jokalariak diren Hungaria eta Kroaziako Eurokopako finala jokatuko du. Bigarren finalerdian, Norvegiak Suediari irabazi zion (29-25).
Hortaz, espainiar eta norvegiarrak 2008ko Mazedoniako Eurokopako finala errepikatuko dute, orduan Norvegiak ez zion aukerarik eman Espainiari, egun horretan txapelketa batean inoiz lorturiko domina eskuratu zuela. Azkeneko sei urte hauetan, Espainiak zilarra hori bereganatzeaz gain, brontzezko bi domina irabazi ditu, 2011ko abenduan Brasilgo Mundialean eta bestea Londreseko 2012ko Joku Olinpikoetan. Pinedo guztiak ditu; Elorzak azken biak eta Núñez eta Temprano jokalarientzat lehenengo selekzioarekin aurreneko domina izango da.
Biharko finalean –igandea, 18etan La 1- urrea izango dute helburu Budapest hirian, falta duten domina, alegia. Horrez gain, txapeldunak Rioko 2016ko Joku Olinpikoetan parte hartzeko txartela eskuratuko du. Ez da gutxi!

19 Abendua 2014

Hungaria eta Kroaziako Eurokopan jokatzen diren Bera Bera Eskubaloiko lau jokalariak 2014 urte oparoari amaiera ezinhobea jartzeko moduan daude. Patricia Elorza, María Núñez, Eli Pinedo eta Ana Temprano gaur arratsaldean (18etan, Teledeporte) aurreneko aukera dute dominak ziurtatzeko. Aurreneko finalerdian, Espainiak Montenegro izango du aurrean Budapesten eta bigarrenean Norvegia eta Suedia arituko dira elkarren aurka. Hortaz, Espaina dominen borrokara itzuliko da Londreseko Joku Olinpikoetan brontzezkoa eskuratu ostean. Bertan Jorge Dueñasen selekzioan ziren Elorza eta Eli Pinedo. Espainiako selekzioak ez zuen ondo jokatu Serbiako Eurokopan (2012ko abenduan) eta Mundialean ezta ere, handik urte betera. ,Hamaikagarrena eta bederatzigarrena zalantzarako lekua utzi zuen baina berau aurten desagertu da aurreneko fasean egindako jokoarekin, Norvegiaren aurrean hainbat minutuetan, Errumaniaren aurkako lehenengo zatian eta batez ere Danimarka gaindituta. Espainiak eta Norvegiak 2008ko finala errepikatzeko aukera dute, Espainiak zilarrezko domina eskuratu zuen aurreneko txapelketa izan zen hura. Mazedonian zegoen orduan Tati Garmendia eta egungo taldetik Eli Pinedo, Marta Mangué, Macarena Aguilar, Camen Martín, Eli Chávez eta Noelia Oncina egun delegatu lanak egiten dituena. Bestetik, Txinako Mundialean (2010) Espainiak finalerdietan Frantziaren aurka galdu zuen (27-23) eta brontzezko domina Norvegiarren aurka (26-31). 2011ko abenduan Brasilgo Mundialean brontzea eskuratu zuen eta horren ostean iritsi zen Londreseko domina historiokoa. Eli Pinedoz gain, Patricia Elorza Mundialeko eta Joku Olinpikoetan lortutako dominak ditu. Hortaz, Ana Temprano eta María Núñez jokalarientzat selekzioko lehenengo taldearekin aurreneko dominna izango litzateke. Bera Berako jokalariak protagonismo ezberdina izaten ari dira Eurokopan baina ekarpena esanguratsua da. Sei partidetan pistan lau ordu baino gehiago daramazki Eli Pinedok 13 gol, %59arekin eta Patricia Elorza, berriz, defentsan zutabe nagusi bat da, bi ordu eta 20 minutu eman ditu pistan, bi baloi lapurtu ditu, lau baloi urrundu ditu eta bi gol sartu. Ana Tempranok ordubete eta laurden egon da atepean, Silvia Navarroren berme handiko ordezkoa dela frogatu zuen Norvegiaren aurkako partidan eta, batez ere, Errumaniaren aurkakoan, Espainiarren artean partidako onena izendatu zutelarik. Bestetik, María Núñezek 45 minutu jokatu ditu, defentsan lan handia eginez, edozein momentuan pistara sartzeko prest dagoela adieraziz. Ostirala eta igandea, galdu ezineko hitzorduak 2014. urteari amaiera ezinhobea jartzeko.

19 Abendua 2014

2014 urtean lortutako kirol garaipenengatik Bera Bera eskubaloi taldeak jaso du, gaur, Gipuzkoa Kirolak saria. Aurten berriro lortu baitu, Liga, Kopa eta Superkopa, hirukoitza. Gazteria, kirola eta kultura Diputatu andreak entregatu ditu garaikurra eta sari honekin baterako 3.000 euroak.
2014ko Gipuzkoa Kirolak gala atzo ospatu zen Orona Fundazioan eta bertan izan ziren federazioek saria hori jasotzeko izendatutako 30 izangaiak.
Ekitaldian, proposatu diren sarigai guztien kirol merezimenduen goraipatzea egiteaz gain, zenbait kirolariri omenaldia egin zaio: Pasaia Donibane Koxtapeko tripulazioari, Kontxako Bandera eta Emakumezkoen ligan garaile izan delako, Naroa Agirre atletari, Igor Larrea (Kompak), Ion Areitio (trialsin), Richard Oribe (igeriketa), Imanol Garmendia (arraunketa olinpikoa) eta Maider Gaztañagari (triatloia).
Ikerne Badiolak nabarmen adierazi zuen, beste urte betez, Gipuzkoako kirolak erakutsi duen maila garaia, kirol mota guztietan, emakumezko zein gizonezkoenetan.
Bestetik Matxalen Ziarsolok Diputazioari eskerrak emateaz gain, “emakumezkoen kirolaren aldeko apustua berrestea” eskatu zion “emaitzak begibistan daudelako eta gizartean premiazko baloreak zabaltzen ditugulako”.