Sagrario Santana hautatzailearen taldean dira Bera Berako Maitane Etxeberria eta Andrea Zaldua. Helburuen artean, lehenengo fasean aurreneko bi postuetan sailkatzea da, Main Round delakoa jokatu ahal izateko eta hemen finalerdietarako txartela nahiz eta jakin oso zaila izango dela.
Jokaturik lagunartekoetan faborito nagusi bat den Errusiaren aurka galdu zuen 32-30 eta, aldiz, Kroaziari irabazi 20-15.
Portugalez gain, Espainiak Norvegia izango du aurrean uztailaren 24ean eta Bielorrusia, igandean. Partida guztiak, 19etan Valentziako Universitario Arenan.
Bera Berak jakin badaki joaneko partida etxetik at jokatuko duela azaroaren 14 edo 15ean eta aste osoa izango du itzulera prestatzeko azaroaren 22 edo 23an, izan ere, ez da liga jardunaldirik, bai ordea Kopako aurreneko kanporaketa eta Bera Bera zozketa horretatik kanpo dago.
Antza, eslovakiarren eta luxenburgoko taldeen arteko kanporaketak favorito nagusia du, dagoeneko martxan dagoen Iuventa Michalovce, hain zuzen. HC Standard taldeak ez du Europan debuta egin, Iuventa Michalovce aldiz ohiko taldea da Europako lehiaketetan2003-04 denboraldiaz geroztik, aurreneko aldiz Liga irabazi zuenetik. Guztira zortzi liga ditu, horietatik, azkeneno bostak.
Bost aldiz saiatu da Champions Leagueko multzon fasea jokatzen baina atarikoetan gelditu da. Aurten Eslovakiako ligak ez duen plazarik goreneko txapelketan. Hortaz, zortzi aldiz aritu da EHFn eta lau aldiz Cup Winners’ Cupen. Final-zortzirenak iritsi da urrutien baina zozketetan ez du zorte ona izan. Iazko EHFn Errumaniako Brasov taldearen aurka galdu zuen eta duela bi urte Alemaniako Bayer Leverkusenen aurka etxetik kanpo gol gutxiago sartuta kanporatua izan zen. Errekopan, 12-13an Rostov handia izan zuen aurrean eta 11-12an, Suediako Savehöf.
Atezain espainiarra
Iuventa Michalovce taldeko jokalari garrantsitsuenak Eslovakiako internazionalak dira. Ekainean Espainaren aurka Mundiala jokatzeko txartela eskuratzeko kanporaketan izan ziren Lucia Gubiková atezaina, Hornaková pibotea, lehenego lerroko Rebicová eta esker hegaleko Trehubová golegilea. Horrez gain, lau ukraniar ditu, Levcenko hegaleako internazionala dena eta datorren denboraldiari begira Nantesetik Raquel Álvarez Lafuente atezain espainiarra eta Julia Cernovová pibote errusiarra fitxatu ditu.
2009az geroztik aurreneko aldia da Liga eta Kopako txapeldunek elkar ikusiko dutela Superkopan. Hau da, azkeneko bost urteetan Ligako txapelduna Kopakoa ere bazen, Itxakok hiru aldiz eta Bera Bera, birritan. Orduan, gipuzkoarrak eta nafarrak aritu ziren Bidebietan, Itxako garaile 23-24.
Bera Berarentzat Superkopako zazpigarren finala izango da –laugarrena jarraian-. 2007an, Kopa irabazi eta handik egun gutxira Torrenten Superkopa galdu zuen Cementos Ribarrojaren aurka (25-22). Hurrengo urtean, otsailean, Bidebietan hartu zuten mendekua donostiarrek Ligako txapelduna gaindituz eta aurreneko Superkopa bereganatuz (21-18).
Izan ere, abuztuko 29koa bosgarren aldia izango da Donostiak Superkopa hartuko duela, hiru Bidebietan eta bi Gaskan. 2008 eta 2009koaz gain, eta Itxakoren garaipenak ostean –Logroñon Mar Alicanteren aurka eta Eldan bertako taldearen aurrean-, nafarrek Bidebietan aise galdu zuten 42-18, kluba eta plantilla erabat aldatu eta gero.
Azken hiru edizioetan, Superkopak bi izen ditu: Bera Bera eta Rocasa. Gasca hartu zuen aurrena, 2013ko irailean, donostiarrak gol bakar batez nagusitu zirelarik (25-24) eta iazkoa Guadalajaran, gipuzkoarren pozarako (23-20).
