2015a ez du ondo hasi Zuazok. Valentziaren aurkako kopako kanporaketan, bidaian ez ezik partidan ere arazoak izan zituen eta ondorioz, bi urte eta gero ez ditugu Kopan ikusiko bizkaitarrak. Ligan, Leonen berdinketa baino ez zuen lortu (33-33) erritmo handiko partidan.
Bestetik, Bera Berak defentsan eta atepean dituen baliabideak ustiatu nahi ditu, kontraerasora irten eta erasoko joku geldian izan duen hobekuntzan sakondu.
Maitane Etxeberria, baja
Bera Berak beste ezbeharbat izan du. Urteko lehen partida jokatu denetik, Aitor Etxaburuk ez du bere talde osoa prest izan. Kordobako kopako kanporaketan baja izan ziren Eli Pinedo oinean duen faszitis delakoagatik eta Maialen Múgica, belaunean bihurritua izan zuena eta oraindik bueltarik eman ez diona. Internazionalak Rocasaren aurkako partida garrantzitsua jokatu zuen eta lehengo asteartean EPI© delako tratamendua hasi zuen. Guztia ondo joanez gero, EHFko joaneko partidan izango da Pinedo.
Aste honetan, Maitane Etxeberria ez du entrenaldi saiorik burutu, antza, aduktorean zuntz haustura txikia duelakoan. Etxaburuk ez du zerrendan sartu, hortaz, Rocasa gainditu eta lider kokatu kanariar taldearekin 19na punturekin izan zen deialditik baja izango dira Pinedo eta Etxeberria, ondorioz, gazteak ezingo du jokatu duela 16 hilabete ohorezko mailan debuta egin zuen lekuan.
Barakaldon garaipena lortzekotan zerrendaburu izatea ziurtatuko luke Bera Berak. Lehenengo itzuliari amaiera jarriko baitiote urtarrilaren 31n Cleba León Bidebietan hartuta.
Lasesarrekoa ez da jardunaldiko derbi bakarra izango; hiru baitira. Euskaldunaz gain, A Guardan Mecalia Atlético Guardések BM Porriño (18,45etan) hartuko du eta Málaga Clínicas Ríncón Costa del Sol Adesal Córdoba (20etan) izango du aurrean jaitsiera postuak saihesteko, bi taldeek launa puntu besterik ez baitute. Jardunaldian azpimarragarrienak dira Elche Mustang vs Helvetia Alcobendas partida eta Rocasak Telden KH7 Granollers hartuko du.
18 urte bete berri den jokalaria ohikoa da ohorezko mailako taldearekin ikustea, teorian, jubenil mailako lizentzia duenean. Halere, 2013ko irailaren 28an debuta egin zuenetik, Maitane Etxeberriak lehen taldean jarraitu du.
Izan ere, Libe Altuna eskubaloia uztea erabaki zuenean klubak aukera eman zion berehala. 2013-14ko denboraldiko aurreneko partida ofizialean deialdian izan zen, baita ere ligakoetan baina hirugarren jardunaldira arte ez zuen pistara salto eman. Iazko denboraldia partida bakar batean egin zuen huts, euskal ligan jarraitzea jokoan zuen jubenil mailako taldearekin aritu zelako.
Hortaz, 50 deialdietan izan da eta 46 aldiz jokatu du. 16 urte eta 255 egun zituela egin zuen debuta ohorezko mailan, arrakastatsua izan zena. Bigarren zatia zen, markagailua estu (18-19) eta bi gol sartu zituen, bat oso garrantzitsua (18-20) eta partidako azkena (20-25).
Iazko denboraldiko entrenatzaile Imanol Álvarez eta Martin Larrañagak jarraipena eman zioten eta Bidebietan debuta egin zuen handik hiru egunetara. Porriñori sei gol egin zizkion bigarren zatian eta lau egun pasa ostean Champions Leaguen! Zegoen Maitane. Taldekide gehienak bezala goreneko lehiaketan debuta egin zuen Mazedoniako Vardar taldearen aurka, Budapesteko lau finalean egon zen talde handia, alegia. Championsen Larviken gol bat sartu zuen, Podravka Vegetaren aurka azken segunduan sartutakoa ontzat ez baitzuten eman.
16 hilabeteetan, hegalekoak bost lehiaketa ezberdinak jokatu ditu Bera Berarekin: Liga, Champions, Kopa, EHF eta Supercopa.
Maitane Etxeberriak protagonismo handia izan zuen Alcobendaseko Kopako final laurdenetan, bost gol sartu zizkion Zuazori eta jokalari onena izendatu izan zen.
46 partidetan, 91 gol sartu ditu. Ligan, 54 gol 2013-14 denboraldian; 22, orain; Championsen, bat; Superkopan (Guadalajara), bat; Alcobendaseko Kopan zazpi eta Kordobako kanporaketan, bi eta Italian EHFko bi partidetan, bost.
2014 urte oparoa izan zuen Maitane Etxeberriak, Euskadiko selekzioarekin estatuko txapelketa jokatu zuelako, junior mailako selekzioarekin ere debuta egin zuelako –Esther Arrojeria bezala-, junior mailako Mundiala jokatzeko txartelarik ez zuten lortu eta udan juvenil mailako selekzioarekin ere konzentraturik egon zen.
Senior taldeak berdindu zuen Usurbilen aurka Bidebietan (20-20), ondorioz, usurbiltarrek lidergoan jarraitzen dute donostiarrak puntu bakar batera.
Gasteizen, lurralde mailako kadete taldeak 26-15 galdu zuen Carpinteria Baskongadasesn aurka, Hondarribian infantil mutilek 27-17 galdu zuten Ama Guadalupekoa taldearen aurrean eta errendimenduko ligako debutean Bera Berak 4-5 galdu zuen Hernaniren aurka.
Ikus sailkapenak
Eider Lizarbe, Juan Antonio Garaikoetxearen argazkian
