Bera Bera - Berriak

18 Abendua 2014

Atzo Danimarkaren aurka lortutako garaipen handiak Hungaria eta Kroaziako Eurokopako dominak eskuratze aldera uzten ditu Bera Berako Patricia Elorza, María Núñez, Eli Pinedo eta Ana Temprano jokalariak. Era berean, Bera Bera Eskubaloia da finalerdietan jokalari gehien dituen taldeen artean, Buducnost - Espainiako biharko aurkaria Montenegrokoa- eta Suediako Sävehof taldeak bakarrik gaindituta.
Montenegroko txapeldunak bederatzi jokalari bidali ditu selekzioara, bost Sävehof taldeak Suediara eta Bera Berak bezala, lau Larvikek Norvegiara, Danimarkako Team Tvis Holstebro eta Team Esbjerg taldeak eta Frantziako Fleury ere bai, azken honek Espainian lau jokalari dituena Bea Fernández, Marta Mangué, Barbosa eta Marta López.
Hortaz, Champiosneko azken azpitxapeldun Buducnost da Montenegroko zutabe nagusiena, Mazedoniako Vardar taldeko Radicevic eta Klikovac indartuta, Bera Berak ezagutzen dituen jokalariak, izan ere, iaz txapelketa gorenean aurren izan zituen. Era berean, Larvikeko hiru jokalari Breivang, Nora Mörk eta Riegelhuth Koren Championsen aurkari izan zituzten donostiarrek.
Team Tvis Holstebro eta Team Esbjerg Danimarkari ezezik bi selekzioei ere utzi die jokalariak. Aurreneko taldeak bat Norvegiari eta hiru Suediari eta Team Esbjerg taldeak kontrakoa, hau da, hiru Norvegiari eta bakarra Suediari.
Finalerdietan ordezkaritza zabala dituen beste taldea da Frantziako Issy Paris, Norvegian bi aritzen baitira eta Montenegron bakarra, arestian aipaturiko Vardarreko bi, Montenegroko Danilovgrad eta Errusiako Rostov taldeak Espainiako aurkariarekin bina eta Danimarkako FC Midtjylland Norvegian eta Suedian bana.
Buducnost, Larvik, Sävehof eta Vardar taldeak Champions League jokatzen ari dira; Frantziako Issy, Team Esbjerg, Team Tvis Holstebro, Rostov eta Bera Bera, EHF eta Danimarkako FC Midtjylland, Cup Winners Cup.

17 Abendua 2014

Asteburuko emaitzen artean azpimarragarrienak dira kadete, jubenil eta senior taldeen garaipenak. Azken hauek Urnieta London School gainditu zuten 27-13 eta Urdaibain, jubenilek 19-29 eta kadeteak, 14-30. Infantil mailako taldeek aise galdu zuten, neskak 6-40 Ereintza A taldearen aurka eta mutilek, 16-35 Ereintza B taldearen aurrean. Bestetik, lurralde mailako kadete taldeak jokatu behar zuen partida bertan behera gelditu zen. Juan Antonio Garaikoetxearen argazkian, euskal ligako kadete taldea.

12 Abendua 2014

Oraingo honetan, euskal ligako taldeek irekiko dute asteburua. Senior taldeak bihar arratsaldeko 16etan Urnietako hartuko du Bidebietan eta kadete nahiz jubenil taldeek Urdaibaira egingo dute bidaia; aurrenekoek 16etan jokatuko dute partida eta bigarrenek, 17,30etan. Bestetik, lurralde mailako kadete taldea Pasai Donibanen arituko da bihar 18,30etan Usurbil B taldearen aurka. Eta igandean, infantil taldeen eguna. Yoldin, 9,20etan mutilek Ereintza B hartuko dute eta 10,45etan neskak Ereintza A izango dute aurrean. Juan Antonio Garaikoetxearen argazkian, Ander Santos.

11 Abendua 2014

Gesalaga enpresaren babeslegoaren aurkezpenean, denboraldiko herena beteta balorazioa egin du Bera Bera Eskubaloiko ardurandun Tati Garmendiak. Komunikabideen galderei erantzunda, Tati Garmendiak gogorarazi du “bi urte zoragarriak bete ditugu, triplete delakoa eta aurten plantillako oinarria mantendu badugu ere, jokalari gaztean etorri dira eta beste entrenatzaile” Aitor Etxaburuk Imanol Álvarezen hutsunea bete zuelako. “Hortaz, adaptazio prozesua burutu behar da nahitaez, halere, duela bi urte bezala gaude, okerrena da puntuak Bidebietan galdu ditugula” adierazi du. Aurreneko liga eskuratu zuen denboraldian, Bera Berak puntu bat utzi zuen A Guardan eta bi Elxen etenaldia baino lehen, hau da, aurten bezala berdinketa eta porrot bat aurkari berdinen aurrean baina okerrena da puntuak Bidebietatik ihes egin dutela. 2012ko etenaldian ondorioz, donostiarrak hirugarrenak ziren Rocasa liderrak baino bi puntu gutxiago eta Elche Mustang, aldiz, puntu bakarra zegoen. Tati Garmendiak ohartarazi du “urtarrila eta otsaila erabakiorrak, politak eta ilusio handia sortzen dituztenak” eta ondorioz ziur dago “Bera Beraren bertsiorik onena iristear dagoela”. Horretarako “mundo guztiak lanari ekin behar dio serio bi hilabete hauei heltzeko, Europako lehiaketari, Kopako kanporaketa berriari (urtarrilaren 11n Adesal Córdoba etxetik kanpo gainditu beharko du final-laurdenetan egon ahal izateko) eta Rocasa liderrari ondo baino hobeto ekiteko”, hau da, “lana” eskatu du “intentsitate handiko hilabeteak izango direlako”. Hiru lehiaketak nola ikusten dituen galdeturik, Bera Berako arduradunak Kopan Adesal Córdobaren aurka “faboritismoa” onartu du, EHFn “kanporaketa parekatsua ikusten dut, Muratpasa Turkiako txapelduna da eta atzerriko jokalari indartsuak ditu, zaila, alegia” eta Ligan “ezinbestekoa da Bidebieta gaindiezina bihurtzea berriro ere”. Ondorioz, “lanari ekiteko deia” berretsi du Garmendiak “egutegia kontra dugu, izan ere, bigarren itzulian pista zailenetan arituko garelako”.

10 Abendua 2014

Bera Bera Eskubaloiak Gesalaga denboraldi amaierarako babesle berria aurkeztu du gaur goizean Bidebietan, aurrez prestatutako jakiak ditu ardatz nagusi gisa (kroketak, bakailoa pil pilean…). Zarautzen kokaturik, 33 urte daramazkin familia enpresa da eta txarkuteria eta haragikia era lantzen du Gesalagak.
Bera Bera Eskubaloiko arduradun Tati Garmendiak poza agerian utzi du azpimarratuz “bi erakunde gara antzeko baloreak zabaltzen dituztenak, besteak beste, lana, esfortzua, arazoen aurrean onena ematea eta horrez gain, gure lurraldera lotura estua dugu eta kalitate handiko produktua”.
Bera Berak esker besoan Gesalagaren irudia zabalduko du Ligan, Kopan eta EHFn. Bi erakundeen arteko lotura denboraldi amaieran bukatuko badaere bi aldeek hitzarmena luzatzeko saiakera egingo dute.
Bestetik, enpresako gerente José Luis Gesalagak onartu du “bien arteko harremana ilusio handia piztu digula” azpimarratuz “gure gizartetik jasotzen duguna gizarteari itzultzeko modua da”. “Gesalagan %55a emakumea da, gaitasun handiko taldea, hau da, Bera Bera bezala”.
José Luis Gesalaga aprobetxatu “enpresa pribatuari dei bat egiteko, horrelako ekarpenak egite aldera, krisi egoeratan egon arren. Bera Berak –jarraitu du- nazioarte mailan ordezkari dugu eta zailtasun handiak ditu Europako maila gorenetan jokatu ahal izateko, hortaz, gutxikin asko egiten dugu”.
Aurkezpenean, Matxalen Ziarsolo kapitaina bigarren ekipazioarekin agertu da eta Alba Menéndez ohiko urdinarekin.