04 Otsaila 2016

Bera Bera Eskubaloiak inauteri giroan murgildu nahi du eta Bidebietan arratsaldean ospatuko diren partidetara mozorroturik datorrenak aukera izango du opariak jasotzeko.
Horrela, mozorroturik datorren pertsonak Bidebietan 16etatik aurrera hartu dezake zenbakiak. 16,30etan euskal ligako senior taldeak Aiala ZKE hartuko du eta Loterías Ligan Bera Berak 19etan Canyamelar Valencia izango du aurrean, sasoi onean dagoen taldea.
Partidaren atsedenaldian, Bera Berako produktuak zozketatuko dira: motxila, katilua, aterkia eta bi sarrera.

03 Otsaila 2016

Penalti jaurtiketak ez dira izan azken urteotan Bera Beraren indarguneetariko bat. Halere, aurtengo denboraldian Ligan %82an asmatu du, Superkopa eta EHFko bi partidekin, portzentajea %87a igotzen delarik, izan ere, Montse Puchek badu non aukeratu. Lehengo larunbatean Aritzbatalden bost jokalari gerturatu ziren zazpi metrotan dagoen marrara. Ana Martínez birritan, Eli Pinedo, Tania Yáñez, Bea Fernández eta Alicia Fernández, guztiak asmatu zutelarik. Beste penalti jaurtitzailea Matxalen Ziarsolo da, belaunan izan zuen ebakuntzaz sendatzen jarraitzen duena. Bi datu dira aipagarriak penaltien inguruan, alde batetik, partida garrantzitsuetan lortu duen portzentai altua, Superkopan eta EHFko kanporaketan, %96a, hau da, Bera Berak Gaskan jokatu zuen finalean adierazitako sei penaltiak asmatu zituen eta Iuventa Michalovce taldearen aurka 19tik bakarra huts egin zuen. Abuztuan zazpi metrotara lau jokalari hurbil ziren: Ziarsolo (2), Pinedo (2), Alicia Fernández (1) eta Ana Martínez (1). Beste datu esanguratsua da Loterías Ligan, orain arte, 51 penalti alde adierazi diote Bera Berari, hau da, partidako 3,6; arestian aipaturiko hiru norgehiagoketan (Superkopan eta EHFn) 25 izan ziren, hau da, ligako 14 jardunaldietan baino erdia. Aitzitik, Ligan 69 aldiz zigortu dute, Europan zortzi eta Superkopan bakarra. 78tik, Bera Berako atezainek %37an asmatu dute; Ligan, ia %40an.

03 Otsaila 2016

Asteburuan ospatuko diren ihauteriak, infantil eta kadete mailetako taldeei atsedena eman die, hortaz, larunbatean harrobiko taldeek bi partida baino ez dute jokatuko, Loterias Ligako Bera Bera eta Canyamelar Valencia (19etan) aurretik.
Asteartean burututako zozketa ostean, María Graciak zuzentzen duen euskal ligako jubenil taldeak bigarren faseari ekingo dio. Multzoan Errotabarri, Usurbil eta Basauri izango ditu eta azken talde hau hartuko du Bidebietan larunbatean 10,45etan.
Arratsaldean, euskal ligan senior mailan, Aiala Zarautzen aurka arituko da Bera Bera Bidebietan 16,30etan.

02 Otsaila 2016

Aurtengo ikasturtean eskola kirolako eskubaloi ardura Donostian beregain hartuko du Bera Berak. Azkeneko hilabeteetan Maria Gracia harrobiko entrenatzailearen eskuetan egon da 6. mailako neska-mutilen lehiaketaren kudeaketa. Pasa den larunbat goizean, Zarautzen Loterías Ligako partidara joan aurretik, lehenengo plantillako jokalariek 11 urteko gazteekin aritu ziren jolasean, jardunaldiaren amaieran. Datorren asteburutik maiatzera bitartean, 5. mailako neska-mutilen txanda izango da. Eskola kirolaren ajeak Gaur arratsaldean eskola kirolean egin dituen 25 urteko ibilbideari errepesoa egingo diote Lugaritz Kultur etxean 19etan. Bertan Bera Berako Matxalen Ziarsolo kapitaina izango da, Luki Iriarte, Errealeko harrobiko zuzendaria; Itxaso Amezaga, kirol zuzendarian aditua, Beñat Amenabar, EHUko irakaslea eta kirol zinegotzi ohia; Pablo Murias, kirol teknikaria; Iratxe Aranburu, udal kirol teknikaria eta Gorka Azpeitia, Antiguoko K.E.ko koordinatzaile orokorra.