18 urterekin iritsi zaio Udane Rodríguezi aukera partida ofizialean deialdian sartzeko, Maite Zugarrondok azken partidan Bidebietan, Vivelafruta Castelldefelsen aurka sorbaldan mina hartu zuelako. Atezain nafarrak atsedena hartuko du eta antza Canyamelar Valencia taldearen aurkako norgehiagokan, martxoaren 28an itzuliko da. Bestetik, Uxue Ezkurdia Donostian geldituko da.
Bera Bera Eskubaloaik etxetik kanpo partida zailei boladari hasiera emango dio bihar, izan ere, sailkapenean atzean dituen taldeak bisitatu behar ditu: Alcobendas (5.), Elx (4., apirilaren 11n), Guardés (3., maiatzaren 2an) eta Rocasa (2. maiatzaren 16an).
Astean zehar, Tati Garmendia, Montse Puche lagun izango duena Alcobendasen, taktikari heldu dio Helvetia Alcobendasek egin ditzakeen defentsak gainditze aldera. Garmendiak badaki Pabellón de los Sueñosen irabazten entrenatzaile gisa. 2012ko apirilean izan zen, ebakuntzari egin zioten Reyes Carrere ordezkatuz. Bera Berak 25-26 irabazi zuen asko sufrituta eta matematikoki bigarren postuaren jabe egiteaz gain, orduan Champions Leagueko atarikoa jokatzeko txartela eskuratu zuen.
Oraingo lanbideak taldea apirilera arte hartzea galeraziko dion arren, Montse Puchek zuzenean ikusi ahal izan zuen lehengo larunbatean Bidebietan Bera Beraren garaipena Vivelafruta Castelldefels (37-23) taldearen aurrean. Ia egunero Tati Garmendiarekin hitz egiten du, Alcobendaseko Pabellón de los Sueñoseko aulkian lagun izango duena, izan ere, Bera Berak partida zaila izango du larubatean (17etan) Félix Garcíaren Helvetia Alcobendas taldea sasoiko baitago.
Ondorioz, Tati Garmendiak Alcobendasen izango du taldeko gidaritza eta Canyamelar Valenciaren aurkako martxoaren 28ko partidan (datorren astean ez dago jardunaldirik eta apirilaren 4an Aste Santua dela eta ezta ere).
“Arima utziko dut”
44 urteko madrildarra, Valentzian bizi dena, “ilusio handia eta taldea hartzeko irrikan nago” dio. Izan ere, ez zuen zalantzarik izan Valentziatik Donostiara etortzeko Castelldefelsen aurkako partida ikusteko. “30 urtetan eskubaloi jokalari izan naiz –gainera Akaba Bera Beran zegoela utzi zuen 2008an- eta asko maite dudan kirol honi lotuta jarraitu dut” adierazi du. Puchek dio “ohorezko mailan entrenatzea ametsa betetzea da” eta horretarako argi du “arima ez ezik burua eta bihotza ere utziko ditut” bere ustez “funtzio berri honi ekarpenak egiteko gaitasuna dudalako”.
Jokalari gisa, Espainiako emakumezkoen eskubaloiko erreferentzia izan zen Montse Puche. Bi hamarkada egin zituen ohorezko mailan, 10 liga eskuratu zituen (Mar Valenciarekin bederatzi eta Eldarekin, bat), sei Kopa eta Europako Txapelketa Mar Valenciarekin, Espainiako talde bakarrak lortu zuena. Horrez gain, 196 aldiz internazionala izan zen eta besteak beste birritan joku olinpikoetan parte hartu zuen.
Denboraldia joan ahala, bi aldeek proiektuan jarraitze aldera iritziak elkar trukatuko dituzte.
