Bera Bera - Berriak

26 Otsaila 2016

Bera Bera Eskubaloia ligara itzuliko da bihar larunbata 18etan Bidebietan (Luis Ignacio Colmenero eta Víctor Rollán, Gaztela-Leoi) non KH7 BM Granollers hartuko duen Lotería Ligako 17. jardunaldiari dagokion partidan. Kopako kanporaketa gainditu eta gero, KH7 BM Granollers ez bezala, Helvetia Alcobendasen aurka amore eman eta gero –donostiarren aurkaria Porriñoko final-laurdenetan-, Bera Berak ligan zortzi partida jarraian nagusi izan den boladari eutsi nahi diote kataluniarren aurean, etxetik kanpo urriaz geroztik garaipenik gabe dagoelarik. KH7 BM Granollers taldeak Judith Vizuete du gidari. Ligan Aula Valladoliden aurkako deialdia errepikatuko du Puchek, hau da, lehenengo plantillako prest dituen 13 jokalariena, izan ere, Eider Lizarbe bigarren taldearekin ia orduberean jokatzen baitu partida. Bera Berak Rocasa estutzen jarraitu nahi du eta horretarako bi puntuak behar ditu. Selekzioetako partidak direla eta egingo den azken etenaldia aurretik, kanariarrek Telden Aiaal Zarautz hartuko dute eta Valladolideko Huerta del Reyn jokatuko dute martxoaren 5ean. Bera Berak, aldiz, Elxen izango du bere partida. Partida atarian, Bera Berak Juan Carlos Elorza kazetaria izango du gogoan, minutuko isilunea gordeko da eta jokalari batek lore bat jarriko du bera esertzen zen lekuan.

25 Otsaila 2016

Asteburua infantil mailako Bera Bera Hiru nesken taldeak irekiko du Ordizian 13etan. Bestetik, infantil mailako mutilen taldeak Amenabar E ZKE hartuko du Bidebieta 13,15etan.
Arratsaldean, kadete mailako neska taldeak Legazpiko Bikuñan jokatuko du 17,45etan Untzilla Abokatuak taldearen aurka. 18,15etan Errenterian, euskal ligako senior taldeak Ereintza izango du aurrean Udal kiroldegian eta jubenil mailako taldeak Basaurin jokatu beharreko partida bertan behera gelditu da.
Igandean Bidebietan 10etan Bera Bera Bi infantil mailako nesken taldeak Avia Eibar Eskubaloia hartuko du, ordu berean Gaskan, Bera Bera Bat Elgoibarko G. Cometel taldea izango du aurrean eta mutilen kadeteak Irungo Artalekuan zain izango du Bidasao Irun B goizeko 10etan ere bai, eta alebin mistoan Bera Berak Donostiako La Salleko kiroldegian jokatuko du 11,15etan.

25 Otsaila 2016

O Porriñoko udalean egingo dute bihar ostirala, otsailak 26, XXXVII edizioko Kopako zozketa, Pontevedrako herri honetan bitartean burutuko dena apirilaren 15etik 17ra bitartean. Azkeneko zozketen ez bezala, oraingo honetan zerrendabururik ez dago, hortaz Loterias Ligako aurreneko bi taldeek –Rocasak eta Bera Berak- finalean baino lehenago elkar daitezke. Zozketan bi debutariak daude: Clínicas Rincón Málaga eta Sporting La Rioja, Zilarrezko taldea, Elche Mustang gainditu zuena. Antolatzaile gisa BM Porriño izanik, Prosetecnisa Zuazo Barakaldok sailkapena eskuratu zuen eta 2013tik, Galizan ospatu zen ediziotik, leku finkoa dute Bera Bera, Rocasa, Mecalia Atlético Guardés eta Helvetia Alcobendasek. Castellongo iazko ediziotik baja dira Aula Valladolid, KH7 Granollers, Canyamelar Valencia eta Elche Mustang. Hortaz, zozketan taldeen izenak atera ahala osatuko dira final-laurdenak eta final-erdietarako eskemak. Apirilaren 15ean lau partida ospatuko dira, larunbatean bi finalerdiak eta igandean, finala.

24 Otsaila 2016

Bera Berako jokalari Eli Pinedok gaur arratsaldean infintC erakundeak antolaturiko XI Babeslegoari buruzko hitzaldietan parte hartuko du, Madrileko BBVA hirian gaur eta bihar ospatzen ari direnak. Sektoreko profesionalei zuzenduta, bi egunetan zehar gai ezberdinak jorratuko dira, besteak beste, Microsofteko Marina Boterrek babesterakoan aldaketa digitalak duen eraginaz mintzatu da edo Tekako Marketin eta Komunikazio zuzendari Miguel Robredo marketing estrategian oinarri den babeslegoaz mintzatu da. Gaur, 16,15etatik 17,45ak bitartean, Marcako zuzendari Óscar Campillok gidatuko duen mahai inguruan parte hartuko du Eli Pinedok. ‘Espainiako kirol izarrak: emakumezkoen kirola da protagonista, urte oparoa izan baita’. Bertan Bera Berako jokalariarekin batera Badmintongo txapelduna Carolina Marín; Laia Sanz motorista eta Sara Hurtado patinatzailea izango dira. Bihar gastronomiak garrantzi handia hartuko du jardunaldietan.

24 Otsaila 2016

Bera Bera Eskubaloiko harrobiko talde gehienak badaukate plana Aste Santurako. Izan ere,70 pertsona ‘Ciutat d’Algemesí’ko I Txapelketan parte hartuko dute, Valentzian burutuko dena martxoaren 24tik 27ra bitartean.
Algemesíko Balonmano Maristas taldeak antolaturik, benjamín eta jubenilen arteko gazteei zuzendutako txapelketa da. Bera Berak bost talde eramango ditu: infantil nesken bi talde, infantil mutileena, kadete mutileena eta jubenil neskeena.
Horrela, Bera Berako harrobiak ostegunetik larunbata bitartean jokatuko ditu partidak eta finalak igandean izango dira.
Bidaiak sortzen dituen gastuak ekiditzeko, sekulako otarrea zozketan jarri du Bera Berak, gurasoek eta entitate ezberdinek osaturik. Makina bat produktu daude ez zeharo desberdinak gainera: Hegalaken bi pertsonentzako sarrera, beste bi Termas Oiartzunen, Ontziola Jatetxea bi pertsonentzako bazkariak, Bernardo Etxen mariskada, Euskovazza kafe makina, urdaiazpiko osoa, Distribuciones Cosméticas Julián Lópezeko productuak, Monika Ileapaindegia irudi aldaketa, Moon estilistan ere aukera, Kevin Sporteko Adidas kamiseta, Pelotadendako materiala, Anatol Graphics iberiar produktuak, Alemaniako garagardo sorta, ardoa, likoreak, cava, txakoli,sagardoa, gazta, olioa, atuna, pimientuan, foie, pastak… e.a.
Euro batean salgai dira boletoak eta zozketa larunbateko partidako atsedenaldian egingo da, non Liga Loteriaseko Bera Berak KH7 Granollers taldea hartuko duen Bidebietan (18etan).