Komunikabideen aurrean egindako agerraldian, Bera Bera Eskubaloiko arduradun Tati Garmendiak adierazi du probisionalki berak hartuko duela taldea zuzentzeko ardura, Aitor Etxaburu ordezkatuz, eta era berean onartu du Montse Pucherekin hitz egin duela aurtengo denboraldia amaiatu baino lehen taldea zuzentze aldera.
Etxaburu kargutik kentzeko emandako argudioetan Garmendiak onartu du “erabakia zaila izan dela baina taldean antzeman dugu norabidea aldatu behar zela lehen bezala jokatzen ez duelako”. “Taldeak aldaketa behar zuen eta orain ala denboraldi amaiera zen unea” adierazi du. “Ziur aski errezena zen horrela jarraitzea maiatzaren 31ra arte eta hutsetik beste proiektu bati ekitea baina gure ustez falta diren erronkei heltzeko erabarik onena izan da; gure helburua ez da Liga irabaztea, lehian egotea baizik”. “Ligako heren bat baino gehiago falta da, hamar partida, egutegia oso gogorra da epe motzean eta batez ere apirilean eta maiatzan: Elx, Guardés, Rocasa…”.
Era berean Tati Garmendiak adierazi du ez duela Etxabururengan jarrerarik “Bera Berako proiektua lantzeko”, hau da, ohorezko mailako taldearekin egin behar den lanaz aparte, “Bera Bera lehen taldea baino gehiago delako”.
2006-07 denboraldian bete zuen entrenatzaile-jokalari lanak Tati Garmendiak, Bera Beraren aurreneko titulua, Kopa, alegia lortu zuena. Atzo bere aurreneko saioa aurkeztu zuen eta galdetuta zer hobetu behar duen taldeak, Garmendiak onartu du “defentsan oso ondo daude baina erasoan ahuleziak ikusten ditut eta, besteak beste, kontraerasoa berreskuratu bigarren boladan”.
Astroc Sagunto, Mar Valencia y Elda Prestigio eta 2007-08 denboraldian Akaba Bera Beran egondako Montse Puche zentral handiaren inguruan, Tati Garmendiak adierazi du oraindik gauzak lotzeko daudela, besteak beste, egungo lan egoera.
Bera Bera Eskubaloiak gaur arratsaldean Aitor Etxabururi adierazi dio kargutik kenduko duela, ondorioz, ohorezko mailako taldeko entrenatzailea izateari utziko dio.
Bera Bera Eskubaloiaren iritziz, lehen taldeak etorkizunean heldu behar dien erronkei heltzeko aldaketa behar du.
Era berean, Bera Berak eskertu nahi dio Aitor Etxabururi profesionaltasuna eta zortzerik onena opa dio etorkizunean burutuko dituen proiektuetan.
Bera Bera Eskubaloiko arduradun Tati Garmendiak azalpen guztiak emango ditu bihar Bidebieta kiroldegian eguardiko 12etan.
Lehengo larunbatean Porriñon jokaturiko partidak hainbat bolada izan zituen. Bera Berak zortzi gol jaso zituen aurreneko ordu laurden bat; atsedenaldian aurretik zihoan (11-12), hamar minutuen galtan 21-25 nagusi eta azken unean tarteari eutsi zion bi puntu poltsikoratuz 27-28. Izan ere, 2012az geroztik ez zuela partidarik irabazten 27 gol jasota. Alcobendasen izan zen, 2012ko azaroaren 3an, 28-35, Reyes Carrere orduan entrenatzaileen taldeak ligan gola egiteko gaitasuna erakutsi zuena.
Partida horren ostean, 32 norgehiagoka jokatu zituzten donostiarrek ligan 27 gol jasotzeko. Telden izan zen, Rocasaren aurka, Bera Beraz 27-24 ez ezik gol average delako ere galdu zuen. Eta denboraldiko azken partidan Leonen, jokuan ezer ez, Clebak eta Bera Berak 29-29 berdindu zuten.
Alcobendaseko partida aurretik, 2011-12 denboraldian, azpitxapelduna izan zen Bera Bera eta lau bider jaso zituen 27 gol: Itxakoren aurka Lizarrerian eta Bidebietan emaitza berarekin (27-26 eta 26-27); Elche Mustang taldearen aurka Carrusean (27-24) eta Eldan irabazitako (27-32), garrantzi gutxiko partida.
Hau da, ligako azken 94 partidetan -2011-12 denboraldik aurtengo 16 jardunaldiak kontutan hartuta- aurkariak zortzi alditan 27 edo gol gehiago lortu ditu. Kopuru horietan, Bera Berak hiru partida irabazi ditu, bat berdindu eta lau galdu.
Antza Bera Berak partiden amaiera estua gustoko ditu, oraingo honetan, sufrimendu handiarekin bada ere, Porriñotik bi puntuak poltsikoratu ditu (27-28), lau goleko aldea irauliz eta azken minutuetan sufritzen jakin.
Kopak eragiten duen ajeak antzeman du taldeak hasieratik. Porriño bi aste jokatu gabe zeraman eta nabaritu da, partidari erritmo altua jarriz. Bera Berak lehiatzeko garaian erritmoari eutsi behar zion EHFko kanporaketa eta Kopako hiru norgehiagoka jokaturik, hau da, galiziarrak baino bost partida gehiago.
Anabel Mateo izan da hasieran tartea ireki duena hiru golekin (4-2), Bera Beran Matxalen Ziarsolok bereganatu du ardura hiru golekin (6-4). Defentsan 6-0 Elorza eta Núñez erdian kokaturik eta Ederrak kanariarrak ordezkatu du erasoan. Nekane Teres piboteak 8-4 ezarri du markagailuan Etxaburuk partida gelditu duenean.
Hurrengo minutuetan, Ziarsolok berriro hiru goleko boladari heldu dio eta Zugarrondo atepean, Elorza eta Martínez lagun, Bera Berak partida berdindu du (10-10) 24. Minutuan. Gipuzkoarrak sendo, Elorzak (10-11) eta ondoren Martínezek aurretik jarri dute taldea 11-12 atsedenaldian jokua bertakoek jarri badute ere.
Bigarren zatian donostiarrek tartea irekiko dute Pinedo eta Elorza medio (11-14). Porriñok partidari heldu nahi zion Cacheda eta Teres bitartez (13-14), baina Bera Berak 0-3 partziala lortu du Pinedo, Núñez eta Menéndezi esker (13-17), halere, Porriñok ez du amore eman.
Ana Martínezen hiru golak taldea aurretik mantendu dute (17-21, min 40). Teres eta Rivas jokalariak Porriño berriro partidan sartu dute baina Pinedo eta Núñez eta ondoren Menéndez eta Etxeberria (21-25, min 48) erantzun dute. Núñezek bost goletara utzi du galiziarrak baina Porriñok 3-0 partziala lortu du. Orduan erasoan arazoak azaldu dira. Azken hamar minutuetan bi gol, baloiak galduz eta kontraerasoetara gaizki irteten. Hortaz, Porriño gol bakar batera jarri da azken minutuan baina Bera Berak baloiari eutsi dio.
Kopa osteko jardunaldia oso arriskutsua da. Gainera, aurreneko hiru sailkatuek oso irteera zailak zituzten eta nabarian gelditu da gaur. Donostiarrak gol bakar batez nagusi izan dira, Guardesek 26-28 Elxen eta Rocasak 26-22 galdu egin du Alcobendasen, Bera Bera lidergoan bakarrik utziz.
Fitxa: BM Porriño 27; Bera Bera 28
BM Porriño 27 (11+16): Susi Sánchez, Cerqueira, Samartin (5), Andrea Dapena (3), Alba Dapena (1), Teres (6), Rivas (4), Cacheda (2), Mateo (4), Simón (2) eta Sanjuan (o.a.).
Bera Bera 28 (12+16): Temprano, Etxeberria (1), Menéndez (3), Elorza (4), Núñez (3), Pinedo (4), Martínez (6), Ziarsolo (6), Arrojeria, Azanza, Ederra (1), Arizaga eta Zugarrondo (o.a.)
Epaileak: Daniel Portela eta Martín Rodríguez (Galizarrak)
Kanporatuak: Mateo eta Samartin BM Porriñotik eta Menéndez Bera Beratik.
Partzialak: 3-1, 6-3, 8-4, 9-7, 10-10, 11-12 –atsedenaldia- 13-17, 17-20, 20-23, 21-25, 24-26 eta 27-28
Autocares Davidekin irten da gaur goizean Bera Bera Vigoruntz, non gaua pasatuko duen bihar ligako partidari ahalik eta ondoen heltzeko. Donostiarrek Porriño taldea izango dute aurrean larubatean 18etan (Daniel Portela eta Martín Rodríguez, Galiza).
Maitane Etxeberria sendatuta dagoenez, azken bidaiekin konparatuz gero Uxue Ezkurdia da baja, hortaz, 13 jokalari eraman ditu Etxaburuk. Etxeberria eta Andrea Zaldua –Aialan, utzita- junior mailako selekzioarekin Portugalen txapelketa bat jokatuko dute martxoko zubian.
Ligan 16 eguneko etenealdia izan ostean, Bera Berak garaipen berria nahi du sailkapenean líder jarraitzeko eta Rocasarekin –bi puntura partida bat gutxiago duela- eta Mecalia Atlético Guardéseki daraman lehian ezinbestekoak direnak.
16. jardunaldia oso interesgarria da, kanariarrek Alcobendaseko Pabellon de los Sueños izeneko pistan jokatuko du Kopako final-laurdenetan gol batez gainditu zuen Helvetiaren aurka eta, bestetik, Mecalia Atlético Guardések beste talde zailari egingo dio bisita Carrusera, Ivet Musons jokalariaren lesio larria gaindituko beharko duen Elche Mustangi alegia.
