Hamar urte baino gehiago dira Bidebieta kiroldegiak 8 eta 11 urte bitarteko neska-mutilak jasotzen dituela. Bera Bera Eskubaloi eskola da, ostiralero ekintza ezberdinak egiten dituzte María Gracia eta Malen Morandeiraren gidaritzapean eta Verónica Valverde, Ramón Frutos edo Begoña Garcíaren laguntzaz.
Urtarrilean Murtzian jokatuko den Estatuko Lurraldeko selekzioen arteko Txapelketa prestatze aldera, Euskadiko hautatzaileek egin dituzten deialdietan Lacturale Bera Berako Maren del Campo jubenila eta Irati Zaldua kadetea ageri dira.
SUPER AMARA Bera Berako jokalari batzu entrenaldietara itzuli ziren atzo Josean Gasca kiroldegian. Euskadirekin aritu direnez hiru egunetan pasa den astean Menéndez, Arrojeria eta Ainhoa Etxeberriak jai izan zuten eta, jakina, bestetik Mundiala prestatzen ari direnak bihar izango dute estrenaldia Torreviejan Espainia eta Argentina (20,30etan) partidarekin inauguratuko baita Munduko txapelketa. Fernandesek ostegunean jarriko da martxan Brasilekin.
Bi garaipen Euskal ligako senior eta jubeniletan eta berdinketa bat kadeteak lortu zuena Zumaian Bera Bera Eskubaloiko harrobiko emaitzen artean. Larunbatean Bidebietan Bera Berak Arrate liderra gainditu zuen, gol-average delakoa ere lortuta, igandean Lacturale Bera Berak jubenil taldeak Pulpori irabazi zion eta kadeteek 27-27 berdindu.
Gipuzkoako Txapelketan Herrería Bidebieta Bera Berak jubeniletan irabazi du bigarren postuari eusteko fase honetako amaieran eta kadeteetan berriro ere gol bakar batez, galdu.
Bera Bera Eskubaloiko harrobiko taldeak Zarautz, Ordizia, Bidebieta, Yoldi eta Zumaian arituko dira asteburuan. Azpimarratzekoak dira larunbatean Bidebietan jubenil mutilen partida eta euskal ligako senior taldearena, Arrate liderra hartuko baitu. Eta kadete eta jubeniletan Lacturale Bera Berako taldeek igandean izango dituzte hitzorduak Zumaian.
