Partida borobila, SUPER AMARA Bera Berak proposatu duen hori baino hobeto atera zaio beti zaila den Rocasa gainditzeko (33-20, 17-7 atsedenaldia) defentsa bikain bati esker, kanariarren albokoak estutu zituena, Maddi Aalla atezainak %47ko portzentzaiarekin orma bat eraki zuen, erasoan hutsuneak aurkituz Sara Gil protagonista (7 gol).
Errenteria, Eibar, Pasai Donibane, Gasca eta Bidebietan arituko dira Bera Bera Eskubaloiko harrobiko taldeak. Euskal Ligako senior taldeak atsedena du eta datorren asteburuan ekingo dio bigarren faseari. Bestetik, Lacturale Bera Bera jubenil taldeak Gascan jokatuko du, pista berdean Aloña Mendirekin, Guerreras Iberdrola Ligako partida baino lehen. Herrería Bidebieta Jubenilek Bidebietan Deca Elgoibar hartuko dute ostean, 20,10etan. Kadete mutilak etxetik kanpo arituko dira kadete neskak Errenterian, Lacturale Bera Berakoak Pasaian igandean eta infantil neskak, larunbat goizean Galtzarabordan.
Morvedre eta Zonzamas Cicar Lanzarote taldeen aurka lortutako garaipen ostean, SUPER AMARA Bera Bera Josean Gascara itzuliko da bi hilabete pasa eta gero. Larunbatean izango da (18etan) eta aurkari zuzena hartuko du Rocasa Gran Canaria, alegia, bost puntura dituen hiru taldeenetariko bat, teldekoen eta asturiarren arteko norgehiagoka falta bada ere.
Ez da Emakumezkoen Ohorezko Mailan gehien eman den lehia baina bidean da. Teldeko Remudas taldea 1989an elitera igotzea lortu zuen Bidebietan antolatu zen fasean eta hurrengo urtean donostiarrak lortu zuten helburua. Geroztik bi taldeak maila berean dihardute eta, ondorioz, SUPER AMARA Bera Berak eta Rocasak ligan 60. norgehiagoka biziko dute larunbatean Gascan (18etan).
Asteburuan Euskal Ligako lehen faseari amaiera eman dio Bera Bera senior taldeak Errenterian irabazita. Horri esker zortzi puntuekin hasiko du bigarren fasea otsailaren 12an eta bertan Basauri (12 puntu), Eharialdea, Askartza eta Urdaibai (hirurek launa puntu) izango dituzte aurkari. Bera Berarekin batera sailkatu dira Arrate (zortzi puntu) eta Ameztoi Zarautz (lau puntu) eta Kukullaga (2 puntu). Eibartarrei eta zarauztarrei elkarren aurka partida bat falta zaie. Bigarren fasearen amaieran aurreneko bi taldeek igotzeko fasera sailkatuko dira.
