Asteburuak hiru garaipen eta hiru porrot utzi digu. Euskal Ligan debutatu zuten senior, jubenil eta kadete taldeek, Bidebietan Easygas Berango Urduliz gaindu zuen senior taldeak eta Elgoibarren galdu zuten Lacturale Bera Bera jubenil –gol bategatik- eta kadete taldeek.
Gipuzkoako txapelketan, Usurbilen aurka amore eman zuen Bera Bera Urdina kadete taldeak eta mutilek, bikain, Herrería Bidebieta Bera Bera jubenilak nagusi Oñatin, eta kadetak., Andoainen.
Emaitzak:
Euskal Ligak:
BERA BERA 27-23 EASYGAS BERANGO URDULIZ
Jubenil:
CIMDE ELGOIBAR 26-25 LACTURALE BERA BERA
Kadete:
SALENTO G. ELGOIBAR 26-23 LACTURALE BERA BERA
Gipuzkoako txapelketak:
Jubenil mutilak:
ALOÑA MENDI 38-43 HERRERIA BIDEBIETA BERA BERA
Kadete neskak:
BERA BERA URDINA 17-20 USURBIL K.E.
Kadete mutilak:
LEIZARAN HORIA 16-41 HERRERIA BIDEBIETA BERA BERA
Euskal Kopari ekin ondoren, asteburu honetan martxan jarriko dira Euskal Ligako lehiaketak emakumezkoen senior, jubenil eta kadete mailetan. Hasteko, Euskal Koparako finala jokatzeko txartela lortu ostean, Bera Bera senior taldeak Easygas Berango Urduliz hartuko du Bidebietan larunbatean 20etan eta Lacturale Bera Bera jubenil nahi kadete taldeek Elgoibarren egingo dute debuta larunbatean bertan. Kadeteek Salento Gelati taldearen aurka 16etan eta jubenilek Cimderen aurka 17,45etan.
Gipuzkoako Txapelketan berriz, Bera Bera Urdina kadete nesken taldeak Usurbil hartuko du larunbatean 11etan Bidebietan eta mutilak etxetik at arituko dira: Herrería Bidebieta Bera Bera jubenil taldea Oñatin (larunbatean 16etan) eta kadete taldea, Andoainen (16etan).
Bestetik, infantil mailan, neska eta mutilen taldeek La Sallen jokatuko dituzte lagunartekoak larunbat goizean.
Berriz ere Super Amara Bera Bera defentsan oinarritu da Motive.co Gijón gainditzeko, Europan larunbatean debuta egingo duen taldea, jardunaldia aurreratu delarik. Azken minutuetan, Etxeberriaren lapurreta batekin eta Arrojeriaren beste ekintza azkar batekin, bost goleko tartea jarri du puntuak etxean geldiarazteko (29-25, 15-13 atsedenaldian).
Super Amara Bera Berako Sara Gil de la Vega ezker hegalari ebakuntza egin diote gaur Donostia Ospitalean, bere eskuineko ukondoaren alboko lotailu mediala berrosatzeko. Ebakuntza egin dion medikua, Dr. Iñigo Guisasola pozik agertu da lortutako emaitzarekin.
Selekzioei eskainitako astea amaituta, bost jokalariek iristi eta handik hiru egunetara Guerreras Iberdrola Ligari ekin behar diote, bihar asteazkena 19etan, bosgarren jardunaldiari dagokiona, non Super Amara Bera Berak Motive.co Gijón hartuko duen (Jesús Escudero eta Jorge Escudero, kantabriarrak). Halere, Imanol Álvarezek uste du “batzuk lehiatzeko erritmoarekin jarraituko dute eta besteen entrenaldiekin nahiko izan daiteke bihar ondo lehiatzeko”.
