24 Iraila 2006

Gutxienezko galtzea izan da gaur Akaba Bera Berak Elda Prestigioaren kontrako partiduan lortutako emaitza, Bidebietako kiroldegian. Izan ere, Eldak, oso talde sendoa taxutu du oraingo denboraldian. Kanpokoak indartsu hasi dira, eta Tati Garmendia entrenatzaileak 6:0 defentsa plana baztertu, aldatu, eta 5:1ekin, etxeko taldea erabat suspertu egin da, Raphalle Trevel jokalari frantsesa buru zuela. Gora egin du Akabak lehen zatiko azken minutuetan, eta atsedenaldira berdinduak ailegatu dira (15-15). Bigarren zatian, nahiz mantso hasi,denbora aurrera zihoan ehinean jokua eta baloia kontrolatzen hasi dira, trebetasunez erasoan indartuz.Bukaerako emaitza honela, puntu bateko diferentzi eskasa utzi du agerian. Entrenatzaile eta jokalari ohia, Tati Garmenida berak, partiduan parte hartu behar izan du taldeko jokalarien artean zenbait lesio eta zauritu direla medio. Lan Bikaina bereziki, Micaela Ciobano eta Llanos Trigueros atezainak, partidu osoan zehar erakutsi dutena. AKABA: Ciobanu, Pinedo (3), López (3), Tervel (7-5 penaltiz), Agirre (3), Ziarsolo (6), Andersen (1),-lehen taldea- , Trigueros, Arruzazabala, Petrinja (2), Minguez, Garmendia (1), Altuna eta Krnia. ELDA PRESTIGIO: Vendula, Soit (7-3 penaltiz), Fernández (3), Knytlova (4), Dajcman (1), Martynenko(4), Ilic (1)-lehen taldea- Elejaga, García, Rubio, Box (3), Amorós, Rodrígues eta Fraile (4). PARTZIALAK: 1-3, 3-7, 5-10, 7-11, 10-14, 15-15 (atsedenaldia), 15-17, 16-19, 18-22, 18-24, 23-26 eta 16-17 (bukaera). ARBITROAK: Eraso eta Ordoki (naparrak),Akaba Taldetik, Garmendia (2), Pinedo (1), Agirre (1) eta Andersen (1) kanporatu ditu eta Fraile (2), Box (1), fernandez (1) eta Martynenko (1) Elda Prestigio taldetik.

31 Martxoa 2006

ERREDAKZIOA - DONOSTIA Akaba Bera Bera eta Itxako Espainiako Kopako finalerdietan ariko dira bihar Leonen, atzo final-laurdenetan Orsan Elda Prestigio eta Leon kanporatu ondoren. Donostiako taldeak 27-31 irabazi zion Kopako txapeldunari. Lizarrako taldeak, berriz, 22-26 hartu zuen mendean etxeko taldea. Bi euskal taldeek bihar jokatuko dituzte finalerdiak: 16:00etan Akabak, 18:00etan Itxakok. Donostiarrek Astroc Sagunt Ligako txapelduna izango dute aurkari eta lizarratarrek Cementos La Union Ribarroja Ligako lehen sailkatua. Astroc Saguntek eta Cementos La Union Ribarrojak Vicar Goya eta Mar Alacant hartu zituzten mendean atzo final-laurdenetan: 33-17 eta 32-26.

13 Otsaila 2006

Akaba Bera Berak partida handia jokatu zuen atzo Donostian. Hala ere, azken minutuetan ez zuen asmatu Kroaziako Prodavka Vegeta taldearen erasoa eusten. Horregatik, norgehiagokan maiz izan zuen bost goleko aldea hirutan gelditu zen amaieran: 32-29. EHF Kopako final-zortzirenetako itzulikoa Kroazian jokatuko du Akabak gaur zortzi. Ongi hasi zuten partida donostiarrek. Indartsu defentsan zein erasoan. Aurrean izan zuen aurkaria ez zen nolanahikoa. Talde beldurgarria da Prodavka Vegeta. Jokalari indartsu eta handiak ditu, 1,90 inguru neurtzen duen Naukovitx kasu. Horregatik, donostiarrak defentsan lan handia izan zuten. Lehen minutuetan markagailua nahiko parekatua izan zen baina denbora aurrera joan ahala Akaba Bera Berak gora egin zuen. Defentsan ongi eusten zien kroaziarrei eta erasoan ere gol asko sartzen zituen. Zoqby atezain brasildarrak asmatzen zuen geldiketetan eta etxekoen atea zulatzea zaila zen. 25. minutuan sei goleko aldea izan zuen Akaba Bera Berak eta atsenaldira lau goleko aldearekin iritsi zen, 16-12. Taktikoki oso ongi jokatzen ari zen, eta ertzetatik, goitik eta behetik zulatzen zuten kroaziarren atea. Bigarren zatian, aldiz, oso indartsu atera ziren kroaziarrak. Pasicnik eta Naukovitx nor baino nor hasi ziren golak sartzen. Partidan gol gehien sartu zituen jokalaria izan zen Pasicnik: 14 gol sartu zituen. Markagailuan hurbiltzen hasi ziren kroaziarrak(18-15), baina etxekoak ez ziren behera etorri eta bost goleko aldea lortu zuten 20. minutuan. Garmendia eta Kowalska poloniarra oso fin ari ziren, taldekideei pase onak emateaz gain, golak sartzen zituzten: 17 gol sartu zituzten bien artean. Baina azkeneko hamar minutuetan defentsan huts egiten hasi ziren donostiarrak eta Prodavkak aukera baliatu zuen. Epaileek Garmendia eta Kowalska batera kaleratu zituzten bi minuturako eta kroaziarrak markagailua estutu zuten. Zulo gehiegi zeuden defentsan kroaziarren erasoak eusteko. Halare, Prodavkak ez zituen 30 gol baino gehiago sartu. Hiru goleko aldea txikia izan daiteke, baina bada aldea.

22 Urtarrila 2006

Akaba Bera-Berak eta Itxakok 24na berdindu zuten, Ohorezko Mailako bi euskal taldeen arteko derbian. Partida orekatua, borrokatua izan zen, eta nola Akabak hala Itxakok irabazteko aukerak eduki zituzten, baina ezin. Lehen itzulia amaitu ondoren, Itxakok laugarren postuan jarraituko du (19.puntu) eta Akabak bi atzerago (15 p.). Ligan berdintsu ari dira. Bi taldeen plantilak ere antzekoak dira, eta horregatik, atzoko partida ere berdintasun horren isla izan zen. Bidebietako pabiloian bildu ziren zaleek (dezente, esan beharra dago) gozatu ederra hartu zuten. Izan ere, partidak ederra izateko osagai guztiak izan zituen: emozioa, tentsioa, jokalari onak... Lehen zatian bi taldeek markagailuan aurrea hartzea lortu zuten. Baina inor ere ez zegoen amore emateko prest. Itxakoko entrenatzaile Ambros Martin Akabako blokearen beldur zen. Tati, Patri Pinedo, Esme Lopez, Manu Fiedel... baina ondo eutsi zieten. Halere, atsedenaldian etxekoak aurretik (12-10).Bigarren zatian ere aurretik izan ziren ia une oro. Itxakok pixka bat gehiago sufritu zuen eta ezin izan zuen markagailuan aurrea hartu. Lehia amaitzeko zazpi minuturen faltan hirugatik galtzen ari zen. Bost minuturen faltan, berriz, bategatik. Halere, partida behin betiko berdindu zuen azken minutuan. Azken erasoa Akabarena izan zen, baina etekinik gabe. Tati donostiarra izan zen partidako goleatzaile nagusia. Zortzi egin zituen. Datorren astean bi taldeak etxean arituko dira. Itxako Elche-Mustangen aurka, eta Akabak Elda indartsuaren kontra.