21 Ekaina 2012

Gaur eguardian, zoritxarrez Asfi Itxakok datorren denboraldiko Champions League jokatzeari muzin egin diola adierazi du web orrialdean zabaldu duen prentsa oharrean. Espainiako ligako txapeldun gisa nafarrek multzoen ligan aritzeko eskubidea zuten; Bera Bera Eskubaloiak, aldiz, irailean kanporaketa bat gainditu beharko du, ‘lauko finala’ antzeko lehiaketa irabazi behar du 16 onenen artean egon ahal izateko. Itxakok uko izana zurumurruak zabaldu ditu Bera Beraren inguruan, nafarren lekua hartzeko aukerak zirelakoan. Gainera, Arvor Frantziako txapeldunak ere hutsunea utzi du multzoen ligan, arazo ekonomikoak direla eta bigarren mailara jaitsi dutelako. Ondorioz Champions Leagueko multzoen fasean bi leku ziren betetzeko. Orduak luzeak izan dira. Espainiako Federazioak ez du Bera Beraren kontsulta erantzuten jakin izan eta EHFra begira jarri dira. Honek @EHFMedia twitterren bidez informazioak zabaltzen hasi ditu, besteak beste, Suediako txapeldun Sävehof zuzenean multzoen fasera pasako zela eta hiru taldek Wild Card osatutako zutela. Arratsaldeko azken orduan zalantzak argitu dira. Bera Bera Eskubaloiak ez du Itxakoren hutsunea beteko eta, horrez gain, bere egoera ez da ia aldatu. Hau da, iragarrita zegoen bezala, irailaren 22-23an ‘lauko final’ bati ekin beharko dio, finalerdia eta ondoren finala irabazi beharko ditu urriaren 13-14tik aurrera Championseko ligaxkan aritzeko. Frantziako txapelketak utzitako bigarren hutsunea Wild Card bidez beteko da, Parisko Issy –azpitxapelduna-, Zvezda –hirugarren errusiarra- edo HC Leipzig –hirugarren alemaniarra- aukera izango dutelari. Zozketa uztailaren 3an Vienan burutuko da .

20 Ekaina 2012

Zazpi denboraldi etxetik kanpo ibili ostean, Levanten, Itxakon eta Danimarkan Odense taldeetan esperientziak bizi ondoren, Eli Pinedo Bera Bera Eskubaloira itzuli zen pasan den abuztuan. Verónica Cuña, Matxalen Ziarsolo eta Bea Fernández taldekideekin batera partida guztiak jokatu ditu baina guztietan gola lortu duen jokalari bakarra izan da, hain zuzen.

Ezker hegal honen denboraldia bikaina izan da, are eta gehiago ia atsedenik ez duelako izan, Brasilgo Mundiala jokatu zuen abenduan –brontzezko domina lortuz- eta Serbian izango den Eurokopa jokatzeko txartela eskuratzeko Espainiako selekzioarekin hainbat partidatan egon behar izan du. Orain Londresen, lehenengo aldiz, Joku Olinpikoetan izango da.

Bera Bera Eskubaloiak 981 gol lortu ditu aurtengo denboraldian, Ligan 761. Eli Pinedo izan da golegile nagusiena, 148 gol sartu ditu guztira, Ligan 115, Europan 22 eta 13 Altean burutu zen Kopan. Ia %80ko portzentajea lortu du ligan, golen %60a kontraerasoak gauzatzen iritsi da, hegala ondo ustiatu duen Eli Pinedok defentsan ere oso maila altua eman du.

Pinedoren ondoan –gol batera- Bea Fernandez laterala agertu da. Ligan 114 gol sartu ditu kantabriarrak –Elik baino bat gutxiago-, Europan 17 eta Kopan 20. Datorren urtean Frantziako Fleury taldean Nely Carla Alberto donostiarraren taldekide izango dena, Ligan taldeko jaurtiketa gehiego egin dituena da, 200 baino gehiago.

Hirugarren golegile nagusiena Eider Rubio zentrala izan da. 107 gol sartu ditu, Ligan 97, Europan 12 eta Kopan 8. Donostiarrak 34 urte izan arren oso denboraldi bikaina burutu du, lunbalgiak jota Castro Urdialeseko partida galdu zuen bakarrik. %70eko portzentajea lortu du eta penaltietan, %80a, zazpi metrotatik, 35 gol sartuz.

Ligako golegile nagusien zerrendari erreperatuta, Bera Berako hiru jokalariak 16 eta 25 onenen artean daude, golak sartzeko ardura sakabanaturik dagoela antzeman.

Hegalak

Matxalen Ziarsolo eta Dara Carvalhok 76 aldiz zulatu dute arerioren atea ligan. Europan ere antzera ibili dira, 13 eta 12 gol eta Kopan, kapitainak 4 eta brasildarrak, 10. Dara Carvalhok 42 gol sartu ditu pibote lanetan eta 31, kontraerasoetan. Ziarsolok, berriz, 42 alditan gauzatu du bide azkarra eta hegaletik, 25 gol sartu ditu.

Beste muturretik, Melinda Bertak 70 gol lortu ditu -34 kontraerasoetan eta 26 hegaletik-, %75ko portzentajearekin. Hungariarrak 85 gol sartu ditu guztira, Kopan 4 eta Europan, 11. Liba Altunak, berriz, 42 sartu ditu ligan –erdia kontraerasoetan- zazpi Kopan eta 11 Europan.

Zentralak eta lateralak

Verónica Cuña zentralak 62 gol lortu ditu ligan -11, penaltiz- 5 Kopan eta 11 Europan. Eskuin laterala Anna Punkok 70 gol sartu ditu, 55 ligan, 11 Kopan eta 4 Europan –Lada Togliattiren aurka kanporaketan lesionaturik zegoen-.

Galera hori dela eta Cuña, Anita Campa eta Alba Menendez jokalariek minutu gehiago izan zituzten. Horrela, serbiarrak 23 gol sartu ditu Ligan, 2 Kopan eta 8 Europan. Lesio larria gaindituz, zarauztarra azaroan itzuli zen pistara Castro Urdialesen aurrean. Alba Menendezek minutuaz gain, 28 gol lortu ditu, Europan, zortzi.

Azkenik, Andoaingo zentrala Nagore Arizagak izan dituen aukerak aprobetxatu egin ditu. 13 gol sartu ditu, horietatik Europan, zazpi. Eta Antonella Menak ligan lortutako sei golekin, Bera Bera 761 goleko markara iritsi da, iaz baino 27 gol gehiago. Aitzitik, benetako aldea atzean etorri da, 147 gol gutxiago jasoz.

18 Ekaina 2012

Pasa den larunbatean Guadalajan, Espainiako Eskubaloi Federazioko Asanbladak onartu zuen arabera, datorren denboraldiko aurreneko tituloa, Supekopa, alegia, irailaren 1 edo 2an jokatuko da. Liga eta Kopako txapeldun Grupo Asfi Itxako eta, Kopako azpitxapeldun Bera Bera elkarren aurka izango dira bertan.

Era berean, ligari irailaren 8tik aurrera ekingo diote, egutegia iazko antzera delarik, ia bi hilabeteko etenaldia izango baitu azaroaren 17tik aurrea Eurokopa dela eta (Holandak antolatzeari uko egin zion eta Serbian izango da) eta urtarrilaren 9an berriro martxan jarriko da. Kopa, berriz, otsailaren 21etik 24ra bitartean izango da.

Entrenatzaileen ordezkari gisa Reyes Carrerek parte hartu zuen Asanbladan murrizketak izango dituen aurrekoantu onartu zen. Era berean, 2013-14 denboraldirako taldeak gutxitzeko proposamena baztertu egin zuten eta, jokalariekin hartutako konpromisoak bete ez arren, klubek formazio eskubideak eska ditzakete. Juan de Dios Roman presidenteak berriro ere ez dela aurkeztuko adierazi zuen saioan.

Horrela, nahiz eta berrikuntza gehiegirik ez izan, hasiera hasieratik denboraldi interesgarriari ekingo dio Bera Berak irailean, izan ere, bigarren Superkopa lortzeko aukera izango du eta ondoren emakumeen eskubaloiko ligako hiru jardunaldi jokatuko ditu –irailaren 8an, 15ean eta astean zehar- izan ere, kontrakorik esaten ez badute irailaren 22 eta 23an ‘lauko finalean’ izango baita Championseko multzoen fasera lortzeko txartela.

18 Ekaina 2012

Pasa den larunbat arratsaldean, Bidebieta kiroldegiak alebin eta benjamin mailan dauden 70 gazte bildu zituen, eskubaloiaz gozatu zutenek Bera Bera Eskubaloiko harrobiko arduradun Veronica Valverdek, kolaboratzaileak lagun, antolatutako festarekin.

Horrela, Bidebietako pista zabalean partida ugari jokatu ziren. Gazteak bikain pasatu zuten, guztiek jaso zituzten opariak, Imanol Reformasek babestutako bizikleta bat ere zozketatu zen. Eider Rubio jokalaria etorri zen saria banatzea.

Eta merienda batekin amaitu zen festa, partehartzaileek eta antolatzaileek elkarrekin ederki gozatu zuten bertan.