14 Abuztua 2012

Omenaldi xumea eta bihotzez egindakoa. Bera Berak, plantilla eta entrenatzaileak, harrobiko jokalari asko, eskubaloiko eta klubeko zuzendaritza, Euskal Federazioko presidenteordea eta zaletu dexentek txalotu nahi izan dituzte Eli Pinedo eta Patricia Elorza Joku Olinpikoetan brontzezko domina lortzeagatik, euskal eta Estatuko emakumeen eskubaloian inoiz gertatu ez dena ezta Bera Beraren ere. Bidebietaran bost minutuko atzeraturik iritsi dira bikotekideak lagun Eli Pinedo eta Patricia Elorza. Pozik, irribarretsu agertu arren somatu de nekea. Brontzezko dominez galdeturik, lotsati jarri dituzte lepoetan eta zuzenean pistara sartu dira, aurreneko txaloak entzunda. Harrobiko koordinatzaile Veronica Valverde izan da ongietorria eman duena eskubaloiaren mesederako den lorpena eskertuz. Ondoren, hiru gaztek eskaini diete aurreskua, Nora, Uxue eta Anek, azken bi hauek infantil mailako jokalariak. "Zer esan nahi duzue honekin?" Bien bozeramaile, harrera eskertu du Elik. “Esateko asko daukat” adierazi du “baina orain ez dakit nondik hasi” onartu du, azkenik, balentriaren partaide egin ditu bildutakoak “domina hau zuena ere bada” esan du. Frutaz beteriko saskia –Beti Ona frutategiari esker- izan da oparia. Andrea Arellano jubenil mailako jokalariak Eli Pinedori eman dio –betidanik gustoko izan duena- eta Oihane Puertas infantil mailako jokalariak gauza bera egin du Patricia Elorzarekin. Beranduago Elik txantxetan galdetu du “Fruta zer, zaintzeko? Patata tortilla jateko irrikitan nagoenean”. “Bai, hala da irailaren 1erako prest egon behar duzue” aipatu die Valverdek. Gainera, Jokuetako jana izan da Elik eta Patriciak kritikatu duten gauza bakarra. "Klubeko ondare" Opari ostean, taldekideak azkar mugitu dira Eli eta Patricia besarkatzera. Domina erakutsiz, “hau ere zuena da” berretsi dio Elik Darlyri eta prentsaren esanetara jarri ostean iritsi da argazki sorta. Elik eta Patriciaren irriak poza adierazten zuten, gainera, taldekideaz babesturik ziren biak. Jendeak, baina, domina gertutik ikusi eta, nola ez, ikutu nahi zuen ere bai. Uste baino handiago eta sendoa Londreseko brontzea. Bi jokalariek badakite etxean non jarri. Atzo Euskal Herrira iritsi ziren eta abuztuaren 27rarte ez dituzte taldekideak berriro ikusiko. Halere, hainbat galdeta egin dituzte eta denboraldian zehar Ligan eta Europan aurre egin behar duten erronken inguruan hitz egin ere bai. Eta argazki gehiago. Euskal federazioko presidente orde Juan Carlos Carrok pozik zegoen, Bera Berako presidente Fernando Diez Mintegi bezala “hau guztia klubeko ondarea da” zioen harro.

13 Abuztua 2012

Bera Bera Eskubaloiak harrera egingo die bihar, abuztuak 14 asteartea, Bidebietako kiroldegian Eli Pinedo eta Patricia Elorza jokalariei Londreseko Joku Olinpikoetan brontzezko domina lortzeagatik. Omenaldi xumea izango da, Bidebieta kiroldegiak ateak eta harmailak irekiko ditu jendea gerturatu nahi badu Eli Pinedo eta Patricia Elorzari txalotzeko, Joku Olinpikoetan hainbeste lan kostatu zaien brontzezko domina eskartzeagatik. Elik eta Patriciak denboraldi honi amaiera bikaina jarri diote, izan ere, 2011ko abenduan Brasilgo Mundialean brontzezko domina ere lortu zuten.

08 Abuztua 2012

Argi dago Eli Pinedori final-laurdenak gustoko dituela. Brasilgo Mundialean, partida amaitzeko sei segundu falta zirela berak sartutako gol batek Espainia finalerdietan kokatu bazuen ere, atzo Kroaziari sartu zizkion zazpi golei esker Espainiako selekzioa Joku Olinpikoetako dominak eskuratzeko borrokan izango da lehenengo aldiz. Eli Pinedo golegile nagusiena izan zen atzo. Bigarren zatian taldeak gauzatu zituen 12 goleetatik bost egin zituen Bera Bera Eskubaloiko ezker hegalak, horien artean, hiru jarraian (19-16, 45. min) Espainiak tartea zabaldu zuenean eta, berriro ere, sutsu aritu zen defentsan. Aipatzekoa da baita ere Bea Fernandezek sartutako hiru golak. Montenegro Londreseko Joku Olinpikoetan berdintasuna da nagusi. Goizean, bere multzoko txapelduna Brasilek ezin izan zuen Norvegia gainditu; gauean, berriz, Montenegrok Frantziari irabazi zion penalti bat gauzatuz partida amaituta. Horrela, Brasilgo Mundialeko final-zortzirenak bezala Montenegro izango du aurrean Espainiak. Duela bederatzi hilabete Jorge Dueñasen jokalariek 23-19 gainditu zuten Montenegro, Eli Pinedo zazpi gol sartu zituen eta Patricia Elorzak bat. Joku Olinpikoetako finaleko txartela eskuratzeko partida bihar izango da 21,30etan (Euskadin). Errusia gainditu zuen Koreak eta Norvegiak (18etan) jokatuko dute beste final erdia.

01 Abuztua 2012

Bera Bera Eskubaloiko 15 jokalari gaur goizean bildu dira Anoetako miniestadioan ordubeteko saioa burutzeko aurtengo aurredenboraldiari hasiera emanez, hain zuzen.

Erronkaz beteriko urtea burutuko duten jokalariei ongietorria eman die Tati Garmendiak, besteak beste, Champions Leaguen aurreneko aldiz jokatuko baitute donostiarrek.

Taldean falta ziren Eli Pinedo eta Patricia Elozar olinpikoak eta ostiralean etorriko den Silvia Ederra nafarra. Bestetik, hiru fitxaketa berriek taldekideak ezagutu dituzte: María Núñez, ‘Doce’ Cardoso eta Nitsan Dunay; aurredenboraldia beteko dute Olatz Ramón, Uxue Ezkurdia eta Nora Azurmendi jubenilek, iaz Bidebietako entrenaldietan izan zirenak eta senior mailako Esther Arrojeria usurbiltarrak ere bai.

Era berean, Martín Larrañaga izango da Reyes Carrereren laguntzailea eta bai Iker Fernández prestatzaile fisikoak bai Antonio Liberal masajistak taldean jarraitzen dute.

Reyes Carrere: “Irabaztea da gure asmoa”

Reyes Carrere entrenatzailea “Bera Bera berriaz” mintzatu da. “Iaztik hona, plantilla aldatu egin da, gaur egun kirolak eta eskubaloiak bizi duen egoera dela eta, ondorioz, gure jokua ere zedozer aldatuko dugu” adierazi du.

Helburuaz galdeturik, Reyes Carrerek argi du: “irabaztea”. “Eskubaloiaren inguruan zalantza ugari izan arren, gaur egun, gure asmoa pista guztietan lehiatzea da eta irabaztea” dio entrenatzaileak.

Denboraldi berri honen aurrean, Bera Berak Superkopa izango du berriro ere jokoan eta Champions Leaguen debuta egingo du irailaren 22an, Reyes Carrerek “ilusioz” dio “erronka hauei aurre egiteko baliabideak ditugu”.

Gaur arratsaldeko 6etan Venta Berrin beste saio bat burutuko du taldeak. Bihar, gaur bezala, goizean fisikoa eta arratsaldean pista, alegia; ostiral eta larunbatean fisikoa goizean bakarrik.

Lagunartekoak
Bera Berak bost partida jokatuko ditu:
Abuztuak 17, Itxakoren aurka Zumaian
Abuztuak 23, Frantziako Beglais taldearen aurka Bidebietan
Abuztuak 25, Bidebietan arerioa erabakitzeke
Abuztuak 30, Egiako txapelketan Frantziako Míos Biganosen aurrean
Irailak 5, Míosen