23 Urtarrila 2014

Euskal Eskubaloi Federazioko Epaileen Komite Teknikoek antolaturik, Bera Bera Eskubaloiko María Núñez eta Silvia Ederra piboteak, bihar urtarrilak 24, arratsaldeko 20etatik aurrera Errenteriako Xenpelar aretoan bere jokuak dituen berezitasunen inguruan mintzatuko dira.
‘6 metroak eta pibotea. Lerroen arteko jokua’ izeneko hitzaldian, Ederrak eta Núñezek gehien bat eskubaloi epaileez osaturiko entzuleen aurrean pibote posizioan bizi dutena helarazten saiatuko dira, epaileentzat zailtasun handiko posizioa delakoan.
Hilero epaileei eskaintzen zaien hitzaldietan saio hauek Lurraldeko federazioek Euskal Federazioaren laguntzarekin antolatzen dira, 2013-2017 Epaileen Proeiktuaren baitan.
Solasaldian interesaturik dagoena, izena ematea honako posta elektronikoan: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. eskatzen du Epaileen Komite Teknikoak.

21 Urtarrila 2014

Larunbateko partida bukatu ahala, Matxalen Ziarsolok www.deportecienporcien web orrialdeari eskainitako elkarrizketan adierazi zuen “etxetik kanpo 19 gol sartzen baditugu partida gutxi irabaziko ditugu” onartuz.
Eta horrela da. Izan ere ohorezko mailan 24. denboraldia betetzen ari den taldea, hasieran Corteblando Bidebieta eta 98-99tik geroztik Bera Bera bezala, 20 gol baino gutxiago sartuta bederatzi partida bestetik ez ditu irabazi eta hiru berdinketa Donostiatik at. Kapitaina lehen taldean dagoenetik (2001-02) hiru garaipen besterik ez.
Garako kazetariak bildu dituen datuen arabera, gol kopuru horrekin edo antzekoekin lorturiko azken garaipena Mar Alicanteren aurka izan zen 2007-08 denboraldian (18-19). Bitxikeri gisa Matxalen Ziarsolok eta Tati Garmendiak bostna gol sartu zituzten orduan.
1992-93. denboraldian Bera Berari asko kostatu zitzaion gola sartze. Vifirehati taldeari (Arrecife etsa Lanzarote) 17-18 irabazi zien (etxean 18-14) eta 15-17 Leganesen. Horrez gain, Valladolideko Unibertsitateko taldearekin hemezortzina berdindu zuen.
Hernaniren aurkako partidetan gola lorpen preziatua zen. Bera Berak 16-18 irabazi zion 91-92 denboraldian eta 14-18, 93-94ean. Gipuzkoako beste talde baten aurrean, Arrate alegia, 16-19 gainditu zuen 95-96an (hamaseina berdindu zuen handik hilabeteetara).
1997-98 denboraldian Oberenari 17-19 mendean hartu zioten donostiarrek eta 2002-03 denboraldian birritan irabazi zuen (16-18) Granadoko talde bati eta (17-18) Sabadellgo beste bati.
Halere, garrantzitsuena da ez zela denbora asko pasatu “autokritika” onartzeko. Deportecienporcien orrialdeari Imanol Álvarez entrenatzaileak onartu zion “gogoeta egin behar dugu” Mar Alicanteren aurkako partidan gertatutakoaz hausnarketa egiteko, hamabi jardunaldi ostean Ligan taldeak jaso duen lehenengo porrota.

21 Urtarrila 2014

Adriana Cardoso de Castro brasildarra Bera Berako plantillako partaide da berriro ere eta dagoeneko Bidebietan saio fisikoa burutu du gaur goizean. Jokalariak Bera Berarekin kontratua desegitea erabaki zuen familia arazoak argudiaturik, egoeraren larritasuna ulerturik klubak onartu zituenak. Zoritxarrez Adrianaren anaia zendu egin zen eta egun batzuk igarota, klubarekin harremanetan jarri zen bueltatze aldera. Bera Berak interesgarria ikusten du Adrianaren ekarpena, gainera, Helvetia Alcobendas eta Mar Alicante taldeen aurkako partidak galdu ditu bakarrik. Orain eskuin hegalekoak lan fisikoan sakondu beharko du baina Imanol Álvarezek ongietorria emango dio aukera zabaltzen dizkiolako.

20 Urtarrila 2014

Bera Bera Eskubaloiko harrobiko taldeen artean garaipen bakarra lortu zen larunbatean, lurralde mailako kadeteak Urnieta Bosteko Jatetxea taldearen aurka etxetik kanpo (17-18) irabazi ostean. Usurbilen hiru norgehiagoka bizi izan ziren Euskal Ligari dagokionak. Bera Bera kadete taldeak puntu bat urratu zuen (25-25) baina jubenilek (22-14) nahiz senior taldeak (28-25) galdu zituzten eta azken hauek ere lidergotza, orain usurbiltarren eskuetan.