Bera Berak jokatu du bere entrenatzaileak aldarrikatu zuen bezala, hau da, lehiakor eta defentsa sutsu batekin. Partida hasiera berdintsua izan da baina 8. minutuaz geroztik, Menéndezen lehenengo kanporaketa jasan arren, donostiarrek aurreneko tarteak zabaldu ditu Castro eta Pinedok kontraerasoan gauzatutako golei esker. Arabarra 5-1 defentsan aurreratuena zen eta madrildarren baloi galduak ondo baino hobeto aprobetxatu ditu. Pinedoren atzean Núñez, Menéndez eta Martínez ziren, Arrojeria eta Castro hegaletan zirela.
Helvetia Alcobendas 12 minutu golik sartu gabe egon da eta Bera Berak etekina atera du (5-6 tik 5-12ra pasatuz 19. min). Gainera, Imanol Álvarezek eserlekua mugitu du pabilioian egiten zuen beroa kaltegarria ez izateko. Dunay (2), Pinedo –zortzi lehenengo zatian- eta Martinezen bidez Bera Bera 12-16 aurretik iritsi da atsedenaldira. Okerrena, Menéndezen bigarren kanporatzea.
Bigarren zati hasiera erabakiorra izan da. Defentsa, gaindiezina eta erasoan, Ziarsolok hartu du Pinedok utzitako lekukoa. Ondorioz, 0-6 partizala eta Helvetia Alcobendasen lehenengo gol zati honetan Paula Garcíak 10. minutua igarota.
Halere, gipuzkoarrak gehiegi erlaxatu dira orduan. 12-22tik (40. min) 17-22ra pasatu dira bost minutuetan eta Menéndezen txartel gorria. Pinedo pistara itzuli da eta bi gol sartu ditu. Ez hori bakarrik Martínez, Ederra eta Cuña gehitu dira eta partida guztiz hautsi da bederatzi minutuen faltan (17-27).
Silvia Arderiusek lau gol sartu ditu amaieran eta Bera Berako jokalari guztiek gola sartzeko aukera izan dute. Minutuak izan ditu baita ere Yamiley Rodríguezek oso geldiketa ona egin duena kontraeraso batean.
Ondorioz, oso garaipen garrantzitsua, puntu bakarra lortzeko bi aukera ditu orain taldeak hirugarren titulua bereganatzeko. Datorren larunbatean Bidebietan du lehenengo giltza.
Fitxa: Helvetia Alcobendas 23, Bera Bera 31
Helvetia Alcobendas: Carrera, Teresa Francés (4), Iglesias (3), Ausas (1), Paula García (3), Arderius (9), Aramendia (1), Alba García, Nora Azurmendi, Prieto (1), Cardador (1), María Francés, Bartolomé eta Zugarrondo (o.a.).
Bera Bera 31 (16+15): Temprano, Castro (2), Menéndez (2), Núñez (2), Arrojeria (1), Martínez (3) eta Pinedo (11, 5p) –titular- Dunay (3), Ederra (1), Ziarsolo (3), Cuña (1), Etxeberria (1), Arizaga (1) eta Yamiley (o.a.).
Epaileak: Fernando Fernández Pérez eta Alberto García Rodríguez (Andaluzia)
Kanporaketak: Paula García, Helvetia Alcobendasetik eta Menéndez (3, gorria 44., min), Arrojeria eta Cuña.
Partzialak: 4-4, 5-7, 5-10, 6-12, 10-14, 12-16 –atsedenaldian- 12-18, 12-22, 17-22, 17-27, 18-29 eta 23-31.
2008. urtean madrildarrak ohorezko mailara igo zirenetik, Bera Berak jokaturiko bost partidatan lau garaipen eta berdinketa bat eskuratu ditu. Eta garaipen esanguratsuak, batez ere azken biak. 2012ko apirilaren 21ean Pabellón de los Sueñosen Bera Berak sailkapenean bigarren postua ziurtatu zuen, lehenengo aldiz Championseko txartela eskuratuz. Tati Garmendiak belaunean ebakuntza egin zioten Reyes Carrere ordezkatu zuen eserlekuan eta Bera Berak partida irauli egin zuen azken minutuetan. Lau golego desabantaila zeraman eta 25-26 irabazi zuen defentsari esker eta Melinda Beta eta Eli Pinedoren golei esker. Lau goletatik hiru azken minutuetan gauzatu zituen arabarrak, Helvetia Alcobendasen aurrean partida bikainak betetzen duena. Aurtengo denboraldian, joaneko norgehiagokan 11 gol egin zituen eta iaz, zortzi Pabellón de los Sueñosen eta zazpi Bidebietan.
Iaz, Liga irabazi zen denboraldian, Bera Berak mezua helarazi zien aurkariei. A Guardan berdindu eta Elxen galdu ostean, donostiarrek guztia irabazita zuen Rocasa liderrak tartea gehiegi zabaltzeko arriskua zuten. 2012ko azaro hasiera zen eta Bera Bera 28-35 nagusitu zen madrildarrak aurreratuz eta lidergora gerturatuz.
Partida hauen aurretik, 2008ko azaroan Bera Berak 26-31 irabazi zuen (Eider Rubiok, zazpi gol), hurrengo urtean berdindu zuen (26-26) eta 2011ko apirilean 20-29 gainditu zuen Alcobendas (Vero Cuñak, zazpi gol).
Eta gertuena, Kopako XXXV. edizioa, Amaya Valdemoro Pabilioian ospatu zena, Bera Berak orduan Zuazo Barakaldo, Mecalia Guardés eta finalean Rocasa gainditu zituen Alcobendasen.
