14 Maiatza 2014

Gipuzkoako kopan ere Bera Berak garaipenak lortu zituen pasa den asteburuan. Kadete taldeak Ereintza gainditu zuen 31-8, jubenil taldeak Usurbilen 26-33 irabazi zuen eta senior taldeak Aloña Mendi baino gehiago izan zen Gaskan (29-19). Deialdiak Euskadiko selekzioak deitu ditu: Matxalen Ziarsolo, Patricia Elorza, Esther Arrojeria, Alba Menéndez eta Maitane Etxeberria. Imanol Álvarezek zuzentzen duen selekzioa Basaurin arituko da maiatzaren 24 eta 25ean Lau nazioen txapelketan. Larunbatean Galiza izango dute aurrean 18etan eta txapelketa Valentziak eta Catalunyak irekiko dute 16etan. Igandean, hirugarrena izateko partida 10,30etan eta finala, 12etan. Bestetik, Jubenil mailako Gipuzkoako selekzioak Maitane Etxeberria eta Ainhoa Etxeberria deitu ditu igande honetan, maiatzak 8, Orion 11etatik 12,30etara entrenaldia burutzeko. Eta kadete mailako selekzioak Irati Kamio eta Elene Vázquez deitu ditu entrenaldirako, 9,30etatik 11ak bitartean Orion bertan.

12 Maiatza 2014

Gipuzkoako Foru Jauregian gaur eguardian jasotako harreran, Gipuzkoako Ahaldun nagusi Martin Garitano eta Kultura, Gazteria eta kiroletako foru diputatu Ikerne Badiolak azpimarratu du “gaur egun Gipuzkoako kirolak duen osasuna oparoa da, horrelako arrakastak ikusi besterik ez dago”.
Izan ere, Bera Berarekin batera izan dira harreran Ibarrako sokatira taldea, Munduko txapelketan brontzezko domina lortu zuena; Iñigo Peña piraguista, K4 modalitatean Munduko Kopan urrea eskuratu zuena eta Espainiako judo txapelketako garaile Dasnel González.
Foru Aldundira sartu aurretik kirolariak eta agintariek sokatiran aritu dira. Barruan, ekitaldian Martin Garitano eta Ikerne Badiolak litografia eman diote Matxalen Ziarsolo kapitainari eta honek Ligako kopa jaso ostean Bidebietan egindako ospakizunaren argazki bat.
Agerraldian, klubeko presidente Fernando Diez Mintegik, bertan zirenak zoriontzeaz gain, denboraldiko lorpenak errepasatu ditu, “iazkoa gainditu dugularik, Championsean egindako partaidetzarekin eta lortutako lau txapelketak: Superkopa, Euskadiko kopa, Erreginaren Kopa eta Liga”, lau garaikurrak testigo.
Halere, onartu du “liga ekonomikoan kale egin dugu” eta ondorioz, berriro ere “babeslego pribatuari” egin dio deia “gu bezalako talde batekin elkartzea oso balore positiboak luzatzen dizkiogulako gizarteari eta errentagarritasuna ziurtzat jotzen dugulako”.

10 Maiatza 2014

Bera Bera Eskubaloiak bigarren Liga eskuratu du gaur arratsaldean Bidebietako kiroldegian Mar Alicante 33-18 gaindituz. Bidebieta jendez lepo, oso giro polita eta donostiarrek lehendabiziko aukeran bereganatu dute bigarren Liga.

09 Maiatza 2014

Bera Berarentzako partida historiko baten bezperan gaude. Aurreneko aldiz Bidebietak (19etan) eskura du behar diren puntu lortzeko ohorezko mailako taldeak matematikoki larunbatean Liga txapelketa eskuratzeko (Alberto Ballano, Catalunya eta Juan Jesús Belloso, Nafarroa). Puntu bakar batekin nahiko litzateke. Halere, urduritasuna agertu arren, taldea komentzituta eta mentalizaturik dago. Gaur arratsaldeko entrenaldiaren faltan, ziur aski, Imanol Álvarezek azkeneko deialdia errepikatuko du. Aurrean, Mar Alicante. Esteban Roigek zuzentzen duen taldeak lehengo larunbatean heldu zion mailari matematikoki Castelldefels gol batez gainditurik eta, Rocasarekin batera, Bera Berari irabazi dion bakarra da. Donostiarren eta alancateko taldeen arteko lehiak berdintasuna izan dute hizpide, pistan nahiz sailkapenean. Mar Alicantek Bidebietan lortu duen azken garaipena 2010eko martxoan izan zen (29-35). Halere, Bera Berako entrenatzailearen aburuz “Alacanten erasoan oso gaizki ibili ginen, akatsak ikusi ditugu bideoan eta zuzentzea espero dut”. Horregatik, “erritmo handiko partida” nahi du Imanol Álvarezek. Agintariak Bidebietan jokatuko den partida zalegoen artean ilusioa piztu du eta instituzioen ordezkariak ere bertan izango dira. Horien artean, Donostiako alkate Juan Karlos Izagirre, Kiroletako zinegotzi Josu Ruiz, Gipuzkoako Batzar Nagusietako presidente Lohitzune Txarola; Kultura, Gazteria eta Kiroletako foru diputatu Ikerne Badiola; Eusko Jaurlaritzako Kiroletako Zuzendari Jon Redondo eta Foru Aldundiko kiroletako zuzendari Asier Sarriegi. Eskubaloi federazio aldetik, bertan izango dira Espainiako Federazioko presidente Paco Blázquez, Euskadiko federazioko José Manuel Ruiz Cenzano eta Gipuzkoakoa, José Ángel García Vara. Kluban aldetik izango dira, Bera Bera RTko presidente Fernando Diez Mintegi eta eskubaloi arloko arduradun Tati Garmendia. Bera Berak giroa berotu nahi du Bidebietan eta horretarako Txaranga Pasai bertan izango da, era berean, zalegoen partaidetza ere eskatuko da. Horrez gain, Urkabek eskainita txarkuteriko produktu ezberdinez osaturiko saski ederra zozketatuko da. Oianumen afaria Partida ostean, plantilla, entrenatzaileak eta zuzendaritza Urnietako Oianumen afalduko dute Erreka Laranja Peñarekin batera. Helburua betez gero ospakizuna aparta izango da. Erreka Laranjak plantillarekin urtero afari bat antolatzen du, etxean jokatzen den azken partida egunean. Topaketan, besteak beste, denboraldiko jokalaririk onena izendatzen du, zerrenda hortan dira Eider Rubio, Bea Fernández eta Darly Zoqbi. Aurten nor izango ote da?