Zilarrezko mailan, Bera Berak zazpigarren garaipena eskuratu zuen larunbatean Bidebietan (29-22), Cajaviva Blendio Sinfín Santander taldea gaindituta. Lehenego zatian bideratu zuen norgehiagoka Maialen Pescador entrenatzaileak zuzentzen duen taldea (19-9), sailkapenean laugarren kokatu delarik.
Europako Eskubaloi Federazioak (EHF) gaur goizean jakinarazi ditu multzoen faseko ligaxkako datak eta ordutegiak. Aldaketak funtsezkoak dira, izan ere, etxetik kanpo hasi eta bukatu beharrean, super amara Bera Berak Gascan egingo du debuta, urtarrilaren 11n (18etan) Paris 92ren aurka, eta Donostian ere itxiko du fasea, otsailaren 23an (igandean 18etan) HSG Bensheim/Auerbach Flames alemaniarraren aurka.
Bera Bera Eskubaloiko taldeek harrobiko hamar partida jokatuko dituzte asteburu honetan, horietako asko etxean. Zilarrezkoan, Bera Berak Cajaviva Blendio Sinfín Santander hartuko du Bidebietan larunbatean 20,15etan. Aurretik, Euskal ligako bi partida interesgarri, izan ere, puntuen premia duen Lacturale Bera Berak Pulpo hartuko ditu. Kadeteen partida 16,30etan hasiko da; jubenilak, berriz, 18,15etan.
super amara Bera Berako jokalariek Ambros Martin hautatzailea konbentzitu dute eta ondorioz bihar 18 jokalariak Baseleruntz abiaturko dira, non debutari izango dira Portugalekin azaroaren 28an. Eta laurarentzat ere Europako goreneko txapelketan estrenaldia izango da: Lyndie Tchaptchet, Anne Erauskin, Carmen Arroyo eta Elba Álvarez.
Eskubaloiko euskal selekzioak lagunartekoa jokatuko du igandean Andoainen (12,30etan) Britainia Handia aurkari. Bera Berako jokalari Eider Tapia ageri da Joseba Rodriguezen zerrendan.
