Asteburuak uzta gutxi ekarri du harrobiarentzat. Euskal Ligan, Bera Berak amore eman zuen Zuazoren aurka, eta mutiletan, Herrería Bidebietak galdu zituen bi partidak. Hortaz, Lacturale Bera Berak baino ez zituen puntuak lortu, jubenilek Oñatin berdindu zuten eta kadeteek garaipena eskuratu zuten Bidebietan.
Imanol Alvarezek zioen kezka sortzen ziotela etenaldi baten ondoren iristen diren partidek, eta nahiz eta intentsitate handiarekin hasi, super amara Bera Berak sufritu egin du KH7 BM Granollers gainditzeko (29-26).
Hilabete bat etxean jokatu gabe egon ondoren, super amara Bera Berak KH7 BM Granollers hartuko du larunbatean (18etan) Josean Gasca kiroldegian. Rober Cuesta entrenatzaileak Rocasan kargua utzi eta Dolores Martinen ordez arituko da. Gainera, Rocasa zuzentzen Cuesta izan zen azken entrenatzaile bisitari Gascan.
Euskal ligako bigarren faseari ekingo diote Lacturale Bera Bera kadete eta jubenil nesken taldeak eta Herrería Bidebieta kadete eta jubenil taldeak, kadeteek etxean Bergara eta San Adrian hartuz eta jubenilak, kanpoan, Oñatin eta Irunen. Era berean, seniorretan, Bera Berak Zuazori egingo dio bisita larunbatean.
Hortaz gain, Bera Bera kadete nesken taldeak irekiko du asteburuko jardunaldia larunbatean Bidebieta Hernani hartuz.
Tolosa Eskubaloiaren 50. Urteurrena dela eta, klubaren eskaera onartuz, super amara Bera Berak Usabal kiroldegian hartuko du Grafometal La Rioja, Guerreras Iberdrola ligaren 15. Jardunadiari dagokion partida.
