Infantil mutilen taldea izan ezik, harrobiko guztiek partidak jokatuko dituzte asteburu honetan. Euskal Ligan Bera Bera senior taldeak Askartza hartuko du Bidebietan larunbatean. Aldez aurretik Herrería Bidebieta Bera Bera jubenil taldeak Bidasoa izango du aurrean 16etan eta 18,10etan Lacturale Bera Bera kadeteak, Orio. Beraz, hiru partida Bidebietan. Jubenil neskek Basaurin izango dute hitzordua eta kadete mutilek, goizean Gascan Barakaldorekin.
Gipuzkoako txapelketan, infantil taldeek etxetik at jokatuko dute, Zumaian eta Bergaran eta alebinek, Yoldin, igande goizean Zarautzekin.
Lara Gonzálezen lesioa dela eta, José Ignacio Prades Espainiako hautatzaileak June Loidi deitu du Guerreras selekzioaren deialdia osatze aldera, Portugalen Batalha izeneko txapelketan parte hartzeko. Streaming
Asteburuan Bera Bera Eskubaloi taldeak jokaturiko bederatzi partidetatik garaipen bakarra eskuratu du, senior taldeak Egian lortu zuena, hain zuzen (26-32). Amaia Zolezzi eta Olaia Lizeaga izan ziren protagonistak, hamarna gol sartu zituztelako.
Harrobiko taldeek bederatzi partida jokatuko dituzte asteburu honetan, horietatik, Bidebietatik hiru, Yoldin eta Egian bana, Zumaian bi Orion eta Errenterian.
Malagako udaletxean egindako Kopako zozketan kadete mailako multzoak osatu ziren. A multzoan kokatu da Lacturale Bera Bera, Mecalia Atlético Guardés, KH7 BM Granollers eta Rocasa taldeekin batera. Lau talde hauek ligaxka bat jokatuko dute, Apirilak 21 ostiralean bi partida jokatuko ditute eta larunbatean, bakarra.
Multzoko irabazleek igandean jokatuko dute finala Malagako Martin Carpena kiroldegian.
