Super amara Bera Berak Gurpea Beti Onak Azparren Gestión hartuko du bihar Gascan (18etan) Guerreras Iberdrola Ligako 17. jardunaldiari dagokion partida, helburu kontrajarriak dituzten bi taldeen artean, hain zuzen, gipuzkoarrek lehen postua berretsi nahi dute eta nafarrak puntuak pilatu play-down delakoa saiheste aldera.
Bera Bera Eskubaloiko harrobiko taldeek Yoldin, Artalekun, Gascan, Bilbon, Bergaran, Zumaian eta Bidebietan izango dituzte hitzorduak asteburu honetan.
Euskal Ligan, senior taldeak Andoaingo Leizaran taldea hartuko du Bidebietan 18,10etan; Herrería Bidebieta Bera Bera jubenil mutilak Zumaian arituko dira, kadete mutilak San Adrian izango dute aurkari Bilboko Recalde El Fango kiroldegian eta Lacturale Bera Bera kadete taldeak Bergaran jokatuko du larunbat eguardian.
Asteburuko emaitzei erreparatuta, Euskal Ligan, senior taldea aurreneko bi postuetan sailkatzeko borrokan jarraitzen du. 15 gol sartu zituen Amaia Zolezziren gidaritzapean Askartza taldea gainditu zuten Bidebietan. Bestetik, Lacturale Bera Bera jubenil taldeari partida azken minutuetan ihes egin zuen eta Herrería Bidebieta Bera Bera kadete mutilak puntu bat urratzeko zorian izan ziren.
Realeko entrenatzaile Natalia Arroyo +Kirola Topaketen bigarren protagonita izango da. Bera Bera Eskubaloiak abian jarri duen egitasmoak emakumezkoen kirolaren inguruan hausnarketa egitea du helburu. Hitzaldia Kirol Etxeko Atano III aretoan izango da martxoaren 13an, 19etan.
Garaiari dagokion eguraldia egiten ez duenean erabiltzen da esaera hau. Edo espero ez denean hotza egiten denean. Eskubaloiari lotuta, hiru hilabete falta dira lehiaketak amaitzeko edo beste modu batera esanda, denboraldiko mamitsuena dator segituan martxoan sartu bezain pronto eta esamoldeari erreperatuz, super amara Bera Berak ez du oraindik maiatzean kokatu nahi du bere burua, garaiko partidei helduz baizik, izan ere, martxoan lidergoa berresteko aukera izango luke eta Europa ziurtatuz.
