29 Iraila 2011

Bera Bera Eskubaloiko infantil mailako bi taldeek jokatuko dituzte lagunarteko partidak larunbat honetan Bidebieta udal kiroldegian. Asteburu honetan ligari helduko dioten kadeteak eta jubenilak ez bezala, infantilek urriaren 15ean hasiko dute lehiaketa.

Horrela, Ainara Lukek zuzentzen duen Bera Bera Egia B taldeak larunbatean, 10,30etatik aurrea, Egia Bera Bera taldearen aurka jokatuko du eta Maria Graciak entrenatzen duen A taldeak Zarautz ZKE izango du aurrean, 12,30etan.

Jubenilak eta kadeteak

Larunbat arratsaldeko 4etan, Bidebietan bertan, Mauge Gezalak zuzentzen duen Bera Bera Egiako jubenilak lehiaketa ofizialari ekingo dio Ereintza Aguaplast taldearen aurka eta Verónica Valverderen Bera Bera Egia kadete 1 taldeak Zalla Taberna Pulpol KE taldearekin irekiko du aurtengo liga, arratsaldeko 5,45etatik aurrera. Igandean, aldiz, Bera Bera Egia kadete 2 taldeak Egia Bera Bera izango du arrean, goizeko 10etan.

29 Iraila 2011

Uda honetan Bera Bera Eskubaloiara etorri aurretik, Yamiley Rodriguezek bi denboraldietan Balonmano Gijon taldean jokatu zuen, datorren larunbatean donostiarrek aurrez aurre izango duten taldea, alegia. “Oso denboraldi ona burutu zuten, Erregina kopa jokatu eta guzti, halere, hurrengo urtean, ni iritsi nintzean, maila galdu genuen” dio atsekabez kanariar atezainak.

Jaitsierak ondorioak izan zituen, izan ere, Balonmano Gijonek taldea gaztetu zuen, azpiko taldearekin bat egin zuen eta emaitza “merezitako igoera izan zen”. Aurten, igoera fase horrentan, Etxebarrin, “Reyes Carrerek deitu ninduen denboraldi honetarako”. Horrela, Yamiley abuztuaren 1ean Bera Berarekin entrenatzen hasi zen. Eta Donostian “poz pozik” dagoela dio. “Kanariak uharteekin ez du zer ikusirik, baina gauzak ikusten ez naiz aspertzen. Lizarran eta Gijonen egon ostean, moldaketa errezagoa da, eguraldi honekin ohituta nago”. “Gainera neskak oso atseginak dira eta entrenamenduak azkar joaten dira” azaltzen du.

Darlyrekin bizi da

23 urteko jubenil mailako internazionala eskarmentua duen Darly Zoqbi brasildar atezainaren ondoan dago. “Darly nire ispilua da eta nire garapenerako lagungarria izango da berarekin lan egitea”. Gainera, Yamiley eta Darly pisu berean bizi dira Donostian “eta oso atsegina da elkarrin bizitzea, Darlyrekin ez dago aspertzerik eta ondo pasatzen dugu” dio barrez. Izan ere, Yamiley ohituta dago etxetik kanpo bizitzen. “Zortzi urte daramat kanpoan eta bost penintsulan –Gijonera iritsi aurretik Vikar Goyan eta Itxakon izan zen-“ azaltzen du arlo sozialean ikasketak egin nahi dituen kanariarrak.

Balonmano Gijon taldearen inguruan, Yamiley “gaztetasuna” azpimarratzen du, gainera, egin dituzten fitxaketak azpiko mailatik egin dituzte, hau da, partidari fisikoki oso ondo helduko diote baina, nik uste dut esperientziak egoera zailak kudeatzeko ematen dizuna faltan dutela”. Ondorioz, bere ustez, “gure maila ematen badugu norgehiagoka irabaziko dugu zalantzarik gabe”.

Abuztuan Bera Berak 11 golez irabazi zuen lagunarteko bezalako partida “ez dut uste izango denik”. “Beraien jokalari berriak taldera egokituagoa egongo dira” dio, halere, entrenatzailearen aldaketak zalantza gehiago jarriko ditu mahai gainean.

28 Iraila 2011

Selekzioekin izandako konpromisoekin bete ostean, Reyes Carrere entrenatzaileak jokalari guztiak izan ditu gaur prest arratsaldeko entrenamenduan. Izan ere, azkeneneko 15 egun honetatik lehenengo aldiz elkartu dira guar Bera Bera Eskubaloiko jokalari guztiak. Antonella Menak Argentinako selekzioarekin Hungariara egin zuen bidaia eta ezin izan zuen Itxakoren aurkako partida jokatu. Norgehiagoka bukatu ondoren, Eli Pinedo eta Bea Fernandez Espainiako selekzioarekin Danimarkara joan ziren eta, bestetik, Darly Zoqbi eta Dara Carvalho Brasilekin Austriara. Egun hauetan jokalari internazioanek entrenamendu gogorrak, partida ugari eta bidaiaren bat sufritu dituzte. Besteak beste, Eli Pinedok eta Bea Fernandezek bost partida jokatu dituzte sei egunetan, atseden egunak luzatuz, ondorioz. Pasa den astean ezagutzera eman zen gainera Bea Fernandezek kirol ibilbidea txalotzen duen brontzezko domina jasoko duela datorren urriaren 5ean. Itxakoren aurkako partidari esker bere lana berretsi duen taldera itzuli dira internazionalak. Orain Reyes Carrerek beste bi saio izango ditu talde osoarekin datorren larunbatean (7etan) Asturiasen Gijon Eskubaloia taldeari aurre egiteko.

27 Iraila 2011

Bera Bera Eskubaloiko kadete eta jubenil mailako taldeek denboraldiari hasiera emango diote asteburu honetan. Bera Bera Egiako jubenilek urriaren 1ean, larunbata, egingo dute debuta, arratsaldeko 4etan Bidebieta udal kiroldegian Ereintza Aquaplast taldearen aurka.

Era berean, Bera Bera Eskubaloiak aurten bi kadete mailako taldeak osatzea lortu du. Horrela, Bera Bera Egia Kadete 1 izeneko taldeak Bidebietan jokatuko du Zalla Taberna Pulpo K.E. taldearen aurka, jubenilen partida ostean, arratsaldeko 5,45tan, hain zuzen ere. Urriaren 2an, igandea, kadete mailako bigarren taldearen txanda izango da, Egia Bera Bera taldea izango dute aurrez aurre, goizeko 10etan, Bidebieta udal kiroldegian bertan.

Bestalde, Bera Bera Egiako infantil mailako bi taldeek ligari hasiera emango diote urriaren 14 eta 15ean.