11 Urria 2011

Aurreneko lau jardunaldiak bete ostean, ez da harrritzekoa Itxako, Sagunto eta Bera Bera Eskubaloia sailkapeneko goiko aldean ikustea. Ucam Murcia eta BM Alcobendas ondo hasi dira, Elda Prestigiok arazo larriak ditu eta beraiekin batera launa puntukin daude Porriño –oso hasiera ona- Castro eta Rocasa. Mar Alicantek ez du egutegiarekin zorterik izan, Elchek etxean berdindu ditu bi partidak, Cleba Leonek hiru puntu ditu eta Kukullagak eta Gijonek oraindik ez dute punturik lortu.

Kukullaga, Itxako, Gijon eta Mar Alicante taldeen aurka jokatu ostean, Bera Bera Eskubaloia da gol average delakoa onena duena. Donostiarrak gol gutxien jaso duen taldea da eta Itxakorekin batera golegile nagusienak ohorezko mailan, nafarrak baino bi gol gutxiago sartu dituztelarik.

Bera Bera Eskubaloiak 83 gol jaso ditu, partidako 21 gol baino gutxiago. Reyes Carrere entrenatzaileak etengabe eskatzen ari zaiena jokalariei, hau da, defentsa sendoa izatea, hain zuzen. Darly Zoqbi atezaina bermatzen du berau.

Bestetik, Eider Rubio da taldeko golegi nagusiena 19 golekin; Bertak 17 sartu ditu; Carvalhok, 16; Bea Fernández eta Eli Pinedok, 15 eta Punkok, 14.

Goiz-arratsaldez entrenatu dira gaur Carvalho eta Mena piboterik gabe, izan ere, Brasilgo eta Argentinako selekzioekin daude Joku Panamerikarretan parte hartzeko. Bera Bera Eskubaloiko jokalariek jai izango dute bihar eta ostegunean nahiz ostiralean lanera itzuliko dira Leongo partida prestatze aldera.

10 Urria 2011

Kadete mailako bigarren jardunaldia ospatu zen pasa den larunbatean, Bera Bera Egia taldeko bi kadeteek Zumaian eta Eibarren irabazi zituzten partidak. Horrela, Kadete 1 taldeak 12-16 irabazi zio Eibar Eskubaloiari Ipuruan eta Kadete 2 taldeak 24-30 Lubaki kiroldegian Zumaiako Taberna Zalla Pulpo KE taldearen aurka. Asteazkenean, urriak 12, izango da hurrengo jardunaldia. Bidebieta udal kiroldegian, Bera Bera Kadete 1 taldeak goizeko 10etan jokatuko du bi partidak irabazi dituen Ereintza Aguaplast taldearen aurka eta goizeko 12etan, aldiz, Bera Bera Kadete 2 taldeak Eibar Eskubaloia jasoko du. Bestalde, infantil mailako bi taldeek galdu zituzten larunbatean jokatutako lagunartekoak. Datorren asteburuan ligari ekingo diote.

10 Urria 2011

Taldeko Iker Fernandez prestatzaile fisikoak eta Fadurako Hobekuntza Teknikorako Zentroko (CPT) Mar Garcíak eta Idoia Eskurzak zuzenduta, test fisikoak bete dituzte gaur goizean Bera Bera Eskubaloi taldeko jokalariek.

BAT Basque Team babeslea izanik, Eusko Jaurlaritzako Kultura Sailako Kiroletako Zuzendaritzapean dagoen eta Faduran kokatzen den zentroak eskaintzen dituen zerbitzuak erabiltzen ditu Bera Bera Eskubaloiak.

Horrela, denboraldiaurrea beteta eta lehiaketan hilabetea eman ondoren, Bera Bera Eskubaloiak hainbat adierazle fisikoak neurtu egin nahi izan ditu, jokalarien errendimendua hobetze aldera.

Ariketa ezberdinen bidez neurketak jaso dituzte: abiadura lasteketan, abiadura eta norabide aldaketa, jaurtiketako abiadura eta salto andana, “beheko enborrean lesioak saihesteko” azaltzen du Iker Fernándezek.

Horrelako testak urtean bizpahiru aldiz egiten ohi dira, oso baliagarriak dira banan-banan balorazioak egiteko eta jokalarien entrenamendu saioak neurrira egiteko. Horrez gain, denbora batez jarraipena egiten da eta Bera Bera Eskubaloi taldeko teknikariek eskura dituzte jokalarien egoera fisikori buruzko datuak.

Emaitzen zain, gustora atera dira egindako frogekin.

08 Urria 2011

Partida bukatzeko bost minutu falta zirela ikusi du alde Bera Bera Eskubaloiak Mar Alicante arerio zuzenaren aurkako norgehiagoka, izan ere, alancatarrak aurretik izan dira ordurarte. Lehenengo zatian, Bera Bera Eskubaloi taldeko defentsak ezin izan du Alacanteko erasoa kontrolatu, Eli Pinedok Isabel Ortuño estu hartu arren. Donostiarrak ez dira erasoan fin ibili, 11-13 partzialarekin amaitu da lehenengo zatia eta Bera Berak partida irabazteko sufritu beharko zuela itxura hartu dio Bidebietak. Horregatik, Bera Bera Eskubaloiak defentsa estutu du Mar Alicante taldearen eraso jokoa geldituz. Kanporatzeak eta Castellanos atezainaren geldiketak Bera Bera gehiago estutu du. Eta erantzuna iritsi da partida amaitzeko 15 minutu falta zirela, defentsa ezin hobe aritu da, Darly Zoqbi esnatu egin da orduan eta Bea Fernandezek erasoan erantzukizuna beregain hartu du. Bera Bera Eskubaloiak 45. minutuan 18-20 galtzen zihoan eta hamar minutu ostean 23-20 irabazten. Mar Alicantek 9 gol sartu ditu bigarren zatian eta azkeneko bi golak azken minutuan iritsi ziren. Ondorioz, Reyes Carrerek zuzentzen dituen jokalarien garaipena izan da, defentsari esker lorturikoa, alegia. Bera Bera 24 – Mar Alicante 22 Bera Bera (11+13): Zoqbi, Berta, Punko (1), Rubio (2), Bea Fernández (6), Carvalho (6), Pinedo (4), Yamiley, Altuna (2), Cuña (3), Ziarsolo y Campa. Mar Alicante (13+9): Castellanos, Amorós (3), Barrios (1), Nuñez (3), Popovic (2), Krnic (2), Nuria (3), Isabel Ortuño (5), Maestro, Manaut, Tobiasen (3), Laura Ortuño,. Epaileak: David Monjo eta Fernando San Pedro. Partziialak: 2-3, 5-5, 5-7, 9-8, 10-10, 11-13 –descanso- 15-16, 17-18, 18-20, 20-20, 23-20, 24-22 Kanporatzeak: Carvalho, Rubio, Pinedo y Bea Fernádez por Bera Bera; Isabel Ortuño eta Popovicek txartel gorria ikusi du.