01 Abuztua 2014

Ohorezko mailarekin harrobiko sei jokalarik egingo dute aurredenboraldia: Uxue Ezkurdia hegalekoak; María Akuña eta Udane Rodríguez atezainek; lehenengo lerroko Lur Errekondo eta Eider Lizarbek eta Olatz Ramon piboteak. Sei jokalari hauek astelehenean (9,30etan) Josean Gasca kiroldegian izango dira aurredenboraldia lehenengo taldearekin prestatu eta lagunartekoetan minutuak jokatu helburuarekin.
Ezkurdia eta Akuña pasa den denboraldian partida bat baino gehiagoetan izan ziren. Egiako hegalekoak protagonismoa izan zuen hasieran, Ligan 11 gol sarturik eta Champions Leaguen ere minutu gutxi batzuk izan zituen Gascan Larvik handiaren aurka. Ostean Kopan debutan egiteko aukera izan zuen. Bere lanak lehenengo taldetik gertu kokatzen du Ezkurdia.
Bestetik, María Akuña, atezain hernaniarrak irailaren amaieratik eta Alcobendaseko Kopa bitartean, martxora arte hain zuzen, Yamiley Rodríguez ordezkatzeko ardura izan zuen. Aitor Etxaburuk hiru atezainekin entrenatzeko ohitura duenez zeregin horretan izango dira Ana Temprano, Maite Zugarrondo –abuztuaren 12an egingo du bat taldearekin-, Maria Akuña bera eta bertan izango da Udane Rodríguez ere bai, denboraldi borobila bete zuena jubenil taldean eta euskal ligan.
Olatz Ramon piboteak jakin badaki zer den egoera honetan egotea, aurredenboraldiko entrenaldietan eta lagunartekoetan, alegia. Azkenik, orain arte 2014. urtea iluna izan dutena, Lur Errekondo eta Eider Lizarbe Gascan izango dira. Aurrenekoak sorbaldan arazoak ditu eta eboluzioaren arabera erabakiak hartuko dira. Lizarbek, aldiz, triada izenekoa jasan arren (lotuilu hausturak –gurutzatua eta albokoa- eta meniskoa), antza ondo errekuperatu da eta taldekideen erritmora egokituko dela espero da.
Kontutan izanda lau jokalari abuztuko bigarren astean taldearekin bat egingo dutela eta Maitane Etxeberriarekin beste planifikazioa izango duela uztailean jubenil mailako selekzioarekin aritu delako, protagonismo handia izango dute jokalari hauek. Horrez gain, lehenengo plantilla 14 jokalariez osaturik dagoenez, aukera izango dute urtean zehar entrenaldietan parte hartzeko eta partidetako deialdietan sartzeko.

30 Uztaila 2014

Iñigo Urkullu lehendakariak, Cristina Uriarte Hezkuntza, Hizkuntza Politika eta Kulturako sailburua eta Joxan Muñoz Kulturako sailburu ordearekin batera, atzo arratsaldean harrera egin zien Bera Bera Eskubaloiari eta 2013-2014 ikasturtean arrakasta izan duten euskal klub eta kirolariei. “Zuen arrakastak ilusioa eta konfiantza ematen digu, energia positiboa eguneroko erronkei heltzeko. Horixe bera behar dugu aurrera egiteko. Euskal kirolaren indarra gure herriaren indarra da”, adierazi zuen Lehendakariak. Era berean, gogorarazi zuen “lehendabizikoz eta modu ofizialean euskal selekzio batek nazioarteko lehiaketa batean” parte hartuko duela. Hain zuzen ere, Basque Country sokatira-taldea da. “Horixe da Euskadik nazioarteko kirolean ofizialtasuna lortzeko lehendabiziko urratsa.” Matxalen Ziarsolo kapitainak adierazi zuen datorren denboraldian Bera Berak “helburu berdinak” izango dituela, “zoritxarren arazo ekonomikoak direla eta Championsa ezin izango dugu jokatu” baina “EHF bitartez Gipuzkoa eta Euskal Herriko izena ondo zabalduko dugu Europan zehar”. Eta Imanol Álvarez, orain arte entrenatzaile izandakoak "arrakasta berriak" iragarri zituen.

30 Uztaila 2014

Bera Bera Eskubaloia datorren astelehenean, abuztuak 4, martxan jarriko da Anoetako miniestadioan eta Josean Gasca kiroldegian goiz eta arratsaldean burutuko dituen saioak medio. Aitor Etxaburuk zuzenduko du lehenengo aldiz taldea eta zeregin horretan Garikoitz Garagarza izango du lagun.
Bost asteko prestakuntza betetzea da helburua, Superkopako finalera ahalik eta ondoen iristeko. Rocasaren aurka jokatuko baitute donostiarrek Guadalajaran irailaren 6an. Aurredenboraldiko lehenengo egunetan arlo fisikoa izango dute hizpide Iker Fernándezekin baina talde honi ezarri nahi dion joku estiloa ere landuko du Aitor Etxaburuk. Halere, lehenengo plantillako lau jokalari ez dira izango hasierako egunetan, izan ere, horietako lau: María Núñez, Ana Martínez, Maialen Múgica eta Maite Zugarrondo Portugalen izango dira Unibertsitate mailako Munduko txapelketan eta, bestetik, Maitane Etxeberriarekin planifikazio ezberdina eramango dute jubenil mailako selekzioarekin uztailean saio ugari izan duelako. Ondorioz, entrenatzaileekin batera Amaia Azanza izango da aurpegi berri bakarra.
Abuztuan bost lagunarteko jokatzeko asmoa du Bera Berak. Aurrenekoa, abuztuarren 16an Barakaldon bertako Prosetecnisa Zuazoren aurka. Ondoren, hilaren 20an Peñafielera abiatuko da Valladolideko Aula Culturalen aurrean jokatzeko; abuztuaren 27an Orion Kilomentroaken alde, Gipuzkoako selekzioaren aurka; abuztuaren 28an Elgoibarren Valladolideko taldearen aurrean eta 30ean Egian Frantziako Mios Biganosen aurka, egun Nely Carla Albertoren taldea.
Superkopa jokatu ostean, Bera Berak Ligako lehenengo partida irailaren 13an izango du Bidebietan KH7 BM Granollersen aurrean.

28 Uztaila 2014

Helvetia Alcobendasetik etorrita, 2014-15 denboraldiari begira Maite Zugarrondorekin atea osatu du Bera Bera Eskubaloiak. 25 urteko nafarrak Itxakon hasi zuen bere ibilbidea ohorezko mailan, besteak beste, Silvia Navarro internazionala ondoan izan zuen. Bost denboraldietan hiru Liga, bi Kopa eta EHF Cup eskuratu zituen. Ondoren, azkeneko bi denboraldiak Helvetia Alcobendasen eman ditu. Iruñarra Pontevedran dago Espainiako unibetsitate mailako selekzioarekin, Portugaleko Guimaraes hirian abuztuko lehenengo astean ospatuko den Mundiala prestatzen. Bertan dira gainera María Núñez, Ana Martínez, Maialen Múgica eta Bera Berako jokalari ohi Yamiley Rodríguez. Fitxaketa honekin Bera Berak ia itxitzat ematen du datorren erronkari heltzeko plantilla. Bajak izan zirenak (cuña, Yamiley, Castro eta Dunay) ondo bete dira, iaz protagonismo handia izan zutenekin: Esther Arrojeria eta Maitane Etxeberria eta taldera etorri direnekin: Maialen Múgica zarauztarra eta Amaia Azanza eta Maite Zugarrondo nafarrekin, alegia. Bost jokalari hauek eta Bera Berako ardatza: Ziarsolo, Pinedo, Menéndez, Elorza, Núñez, Arizaga, Ederra, Temprano eta Elorza oso talde sendoa osatzen dute, aurten Aitor Etxaburu eta Garikoitz Garagarzaren zuzendaitzapean, taldera aurten ere etorri direnak. Lehendakaritza harrera Iazko denboraldiko arrakastak direla eta: Liga, Kopa, Superkopa eta Euskal Kopa, Bera Bera Eskubaloiaren ordezkaritza bat Lehendakaritzan izango du harrera bihar, uztailak 29, izan ere Iñigo Urkullu Lehendakariak hartuko baitu taldea 17,30etatik aurrera.