Bera Bera - Berriak

06 Iraila 2014

Bera Bera Eskubaloiak gaur goizean Guadalajarako Multiusos kiroldegian laugarren Superkopa bereganatu du Rocasa Ace Gran Canaria 23-20 gaindituz. Aitor Etxabururen jokalariak nagusi izan dira ia partida osoan eta Mar Valencia taldeare pare gelditu dira txapelketa honetan.
Norgehiagoka estua espero zen baina Bera Beraren hasierako defentsa gaindiezina izan da, kanariarren erasoa ito duelarik, Elorza eta Núñez erdian, Menéndez eta Azanza lagun eta Etxeberria eta Ziarsolo hegaletan kokaturik. Azanzak Ana Martínezi utzi dio lekua erasoan, Etxaburuk Arrojeria ezin izan du erabili belauna bihurritu zuelako azken entrenaldian.
Defentsaz gain, Bera Berak eraso posizionalean asmatu du Ziasoloren bi golei esker, Azanzaren beste batekin eta Menéndezen kanpoko jaurtiketa medio. 4-0 eta Rocasaren aurreneko gola hamargarren minutuaren atarian. Santanak Albaladejo eta Toscano atera du lehenengo lerrorako eta Etxaburuk talde osoa erabili du lehenengo zatian.
Gaur ere bikain aritu den Temprano atezainaren pasa luzea aprobetxatu du Pinedok 9-3 jartzeko 20. minutan. Baina eraso jokoa ilundu zaio Bera Berari, Navarrorekin topo egin duelako eta langa edo zutonekin. Rocasak, Lujanen ekarpenari esker (lau gol azkeneko minutuetan) tartea murriztu du.
Atsedenaldian (10-9) Bera Berak oso abantail interesgarria galtzen utzi zuela zirudien. Gainera, bigarren zatiarren hasieran, Rocasa aurretik jarri da 10-11 Toscanori esker baina segituan berdindu du Menéndezek. Bera Berak defentsa estutu du eta kontraerasora irtetzeko aukera izan du Pinedorekin (13-11). Lujanek partidari eutsi nahi izan dio baina Ziarsolok ez du penaltietan huts bakar bat egin. 16-15 markagailuan Bera Berak lehenengo zatian topo egin duen langara bidali du baloia Haridianek eta donostiarrek tartea ireki dute Ana Martínez, Pinedo eta Ziarsoloren bi golei esker (20-15). Gainera Tempranok bi penalti jarraian gelditu ditu Luján eta Davinia Lópezi.
Trojaolak Rocasa gerturatu du 21-18 baina Elorzak hutsunea aurkitu du kanariar defentsan 22-18 jartzeko.
Ondorioz, kontutan hartuta denboraldiko lehenengo partida ofiziala dela, Bera Berak norgehiagoka serioa egin du estruktura berdina mantentzen duen talde landu baten aurka.

Bera Bera 23 (10+13): Temprano, Etxeberria, Menéndez (3), Núñez (4), Elorza (1), Martínez (2) eta Ziarsolo (7, 5p) –titular-, Azanza (2), Pinedo (3), Múgica (1), Arizaga, Ezkurdia, Ederra, Convocadas, Arrojeria y Zugarrondo (p.s.)

Rocasa 20 (9+11): Navarro, Melania Falcón (3), Luján (6, 1p), Haridian Rodríguez (2), Almudena Rodríguez (2), Davinia López (1) eta Trojaola (3, 2p), Peña, Toscano (1), Albaladejo (1), María González (1) y Adriana González (o.a.)

Epaileak: Ignacio García eta Andreu Marín (Catalunya)
Kanporaketak: Núñez, Azanza eta Múgica Bera Beratik eta Albaladejo eta María González Rocasatik
Partzialak: 2-0, 4-1, 7-2, 8-3, 9-6, 10-9 –atsedenaldian- 11-11, 14-12, 16-15, 19-15, 21-17 eta 23-20

05 Iraila 2014

Bera Bera Eskubaloiak azken entrenaldi saioa burutu du gaur goizean Bidebietan, Guadalajarara Autobuses Davidekin irten aurretik, 20,30ak aldera iritsiko delarik.
Aitor Etxaburuk 15 jokalari eramango ditu, ohorezko mailako plantillako 14 eta lehenengo eta bigarren taldean arituko den Uxue Ezkurdia hegalekoa. Guadalajarako Multiusos izeneko kiroldegian bihar (12,30etan Teledeporte) erabiliko dituen baliabideak izango dira berriro ere Rocasa Ace Gran Canaria taldeari aurre egiteko, azken finaletan aurrean izan duten aurkaria, Porriño eta Alcobendaseko Kopatan eta iaz Gaskan Superkopan. Ignacio García eta Andreu Marín kataluniarrek zuzenduko dute finala, iaz Serbia eta Brasilek jokatutako Munduko finalean lan bikaina burutu zutenak.
Azken Kopako finalarekin konparatuz gero, Amaia Azanza, Maialen Múgica eta Maite Zugarrondo izango dira nobedadeak, ondorioz, Bera Berak baliabide gehiago izango ditu iazko partidarekin konparatuz gero, aurten bajak izan zirenak kontutan hartuta Adriana Castro baino ez zuen finala jokatu.
Superkopako seigarren finalean, gipuzkoarrek bihar Guadalajaran laugarren garaikurra eskuratu nahi dute, Mar Valencia taldea berdintze aldera. Lehiaketa honek 15. edizioa beteko du bihar eta donostiarrek 2008ko otsailean irabazi zuten lehenengo finala Cementos la Unión Ribarroja Bidebitan gaindituz (21-18). Bigarren garaipena 2012ko irailaren 1ean iritsi zen, Itxako berrituari Bidebietan aise irabazita (42-18) eta hirugarrena iaz Gaskan Rocasaren aurrean (25-24).
Halere, ez da erronka erraza izango, gainera badira ohorezko mailako hainbat entrenatzaile Rocasa Bera Bera baino aurretik ikusen dutena partida honetan. Kanariarrak ez bezala, Bera Berak aurpegi berriak ditu plantillan eta ilusioa berpiztuta historia egiten jarraitzeko.

04 Iraila 2014

Galiziar enpresa Zikok aurtengo denboraldirako jantzia prestatu dio Bera Bera Eskubaloiari, datorren larunbatean Guadalajaran Superkopako finalean hasiko dena. Donostiarrek urdina lehenengo kamiseta gisa mantentzen dute eta grisa iluna, bigarrena. Matxalen Ziarsolo, Eli Pinedo eta Ana Tempranok erakutsi dituzte kamisetak Zurriolako Deportes Apalateguin. Kapitainak urdina aukeratu du, hegaleko internazionalak grisa iluna eta atezai asturarrak horia. Tempranok hiru kolore erabiltzeko aukera izango du: berdea, horia eta beltza . Aipatzekoak dira, babesleek protagonismo handia dutela kamiseta berrian, klubeko logotipo handia agerian dago eta gaineran zenbakiak eta izena letra larriz baina eskuz idatzita dirudi. Azkenik, ezker sorbaldan @BalonmaBeraBera taldeko twitterren kontua. Zicok, era berean, entrenatzeko arropa, sudadera eta kalean ibiltzeko arropa ere prestatu du. Bera Berak Rocasaren aurka estrenatuko du kamiseta berria larunbatean (12,30etan).

04 Iraila 2014

Bera Beraren janzkera berriaren aurkezpenean, Aitor Etxaburu entrenatzailea komunikabideen esanetara egon da gaur goizean batez ere Superkoparen inguruko galderak erantzuten, datorren larunbatean (12,30etan, Teledeporte) Bera Berak eta Rocasak Guadalajarako Multiusos izeneko kiroldegian jokatuko dutena. Bihar Etxaburuk zuzentzen duen taldeak bostgarren astea beteko du. “Oraindik ez gaude nahi genuen lekuean baina bagenekien hemen egongo ginela, horregatik ez gaude urdurik” adierazi du Bera Berako entrenatzaile berriak. Etxaburuk dio “lanarekin hobetzeko aukera dugu. Gure indarguneak esfortzua eta defentsan egiten den sakrifizioak dira, partidak arlo horretan irabazi behar ditugulako eta gero joku azkarra eta kontraerasoa aprobetxatu”. Halere, uste du “pixkanaka pixkanaka gure joku modua definitzen joango gara baina jokalarien ezaugarriei erreparatuz, nire ustez eskubaloi zuzena egingo dugu, hutsuneak sortu behar duena, bertikaltasun bilatuz”. Horregatik eta hiru jokalari berri etorri direlako Azanza, Múgica eta Zugarrondo, Hondarribian bizi den entrenatzaileak ez du “faborito garbirik ikusten larunbatean, norbait esatekotan, nire ustez beraiek abantail txiki bat dutela”. Etxaburuk iritziari argudioak jarri dizkio. “Rocasak ia ez du aldaketarik izan, urte dexente daramate elkarrekin jokatzen, entrenatzaileak bezala, joku era oso nabaria da eta aurredenboraldian fisikoki taldea landu eta partidekin errendimendua bilatu dute”. “Nire ustez, taktikoki atzean gaude –jarraitzen du- baina fisikoki paretsu eta gogo-aldartea, bikaina dugu”. Etxaburuk dio denboraldi hasiera guztiak “konplikatuak dira, ez dakizulako oso ondo taldeak nola erantzungo duen, aurredenboraldiko lagunartekoetan ez dago lehiaketak eragiten duen estresa”. Horregatik, dio “lehenengo partida oso konplikatua eta zaila izango da, baina ere berean ilusioz beterik gaude titulo baten aurrean gaudelako”. Aurkariaren ezaugarrien inguruko iritzia eskatu diotenean, Rocasa aztertu duela agerian utzi du Etxaburuk. “Oso talde ausarta da, defentsan aukera ezberdinak lantzen dituelako eta ez du zalantzarik egiten, ondorioz, sistema bakoitzari erantzun pare bat prestatu behar ditugu”. “Defentsan 6-0 itxia edo 4-2 egin dezake, edo 3-2-1 aldatu edo 5-1 edo alboko jokalariari mista bat egin, hau da, oso talde landua da” adierazi du. “Horrez gain, kontraerasorako sistematika ezberdinak ditu eta eraso posizionala buruz jokatzen du” amaitu du. “Aurkariari errespetuaz” izatez gain, Bera Berak “ilusioa” du eta “gure indarguneak ustiatu nahi ditugu”. Taldea gaur arratsaldean entrenatuko da eta bihar goizean Bidebietan. Etxaburuk 16 jokalari eramango ditu Guadalajara, David autobusak arratsaldeko 3etan irtengo delarik.

04 Iraila 2014

Bera Berako kapitainek Gaudalajarako Superkopa ere izango dute gaur hizpide (larunbata, 12,30etan). Aurrendenboraldian esker txarreko bost asteko lana bete ostean, Matxalen Ziarsolok eta Eli Pinedok lehiatzeko gogokin daudela onartu dute. “Oraindik ez daukagu joku sentsazioak baina aurredenboraldi osoa igaro dugu Superkopako partidan zain” komentatu dute. Matxalen Ziarsoloren esanetan “oso partida estua” izango da. Eli Pinedo ados dago, “oso zaila, beraien aurka jokatzen dugunean badakigu partida bera ezagurrien ondora eramaten duen taldeak irabazioko duela”. Bere ustez, Rocasa “Ligako erasorik onena du eta, guk defentsa onenetariko bat”. Ziarsoloren ustez “gora behera handiko partida izango da, paretsu egongo gara, ez da alde handirik egongo” donostiarrek eta kanariarren azken partidak bezala. Iazko denboraldiarekin dauden aldea galdeturik,, Ziarsolok esan du “lehenengo lerrorako behar genitiuen jokalariak etorri dira” eta, bestetik, Pinedo adierazi du Etxabururekin “betiko filosofiarekin jarraitzen dugu eta gaizki egiten ditugun gauzak zuzendu nahi ditu; bere eskarmentua ondo etorriko zaigu”.