Estadistika ofizialak ez daudenez, Garako kazetari Juan Carlos Elorza da iturria. Gorabeheraren bat egon daiteke, baina nonbait Matxalen Ziarsolok ligan 978 sartu ditu (aurtengo bost partidetan, 26); Superkopetan, 29; Kopan, 88 eta Europako kanporaketa ezberdinetan, 179.
Horrela, Esme López gainditu du baina Tati Garmendia urruti du, izan ere, egungo taldeko arduradunak 2.157 gol sartu zituen Bidebietan egindako 18 denboraldietan. Lehengo larunbatean Tati Garmendiak berak orkidea bat oparitu zion Matxalen Ziarsolri egindako lana aitortuz
Golegile nagusien zerrendan laugarren da Patri Pinedo 983 golekin baina gertu du ahizpa, Eli, 887 golekin, egun ligako golegile nagusiena 38 gol bost partidetan.
Konzentraturik eta defentsan nahiz erasoan asmatzen hasi dira gipuzkoarrak eta Núñez eta Menéndezen bi transizioei esker eta Zarauzko alboko jaurtiketa batek 3-0 aurretik jarri dira. Halere, azpimarratzekoa izan da defentsa oso ondo moldatu dela eta Ana Temprano kanpoko jaurtiketa guztiak irakurtzen zituela, batez ere Silvia Arderiusi asistentzi bikainak eman dituena.
Oviedoko atezailak oso zati bikaina bete du partida osoa jokatzera eraman duena. Ausas jokalariak seigarren minutuan sartu du lehenengo gola eta hirugarrena 16. iritsi da, madrildarrak erasoan arazoak zituztela seinale. Bera Berak lau goleko abantaila kudeatzen zuen baina Félix Garcíak ez bezala, Aitor Etxaburuk eserlekua mugitu du. Aurreneko zatian Ana Martínez izan ezik pistako jokalari guztiek jokatu dute, hau da, Bera Berako entrenatzaileak talde osoa mugitu du. Matxalen Ziarsolok ondo aprobetxatu du –Castelldefelesen lortutako golei esker Esme López aurreratu zuen historiako bigarren golegile nagusi bihurtuz- bi penalti gauzatu ditu eta baloia loratuz gol bikaina sartu du.
Bere taldea bi goletara utziko lukeen kontraeraso bat galerazi dio Tempranok Teresa Francési eta Bera Berak lau goleko abantailari heldu dio. Halere, madrildarrak Francés eta Aramendia hegaleko jokalarien golak aurkitu dituzte.
Lehenengo zati amaieran ezohiko jokaldi bat gertatu da. Etxaburuk hutsartea eskatu zuen 25 segundu falta zirela baina Núñezek ez zuen jasotzerik izan Elorzak bidalitako baloia eta Estela Carrerak kontraerasoa galerazteko Temprano atetik kanpo zegoela ikusi zuen eta bere areatik gola sartu zion. Atsedenaldian 13-8 beharrean, 12-9 zioen markagailuak.
Halere, jokaldi horrek ez zuen taldea beldurtu. Etxaburuk zazpikote titularra jarri du pista eta partida hasieran bezala gipuzkoarren aldea zabaldu dute Pinedo eta Arrojeria bitartez. Temprano indartsu agertu da atepean madrildarren lehenengo lerroen jaurtiketak urrutzen.
Bera Berak, baina, ez du partida hautsi nahiz eta bospasei goleko aldea izan. Albiste pozgarria izan da Ana Martínezek debuta egin duela Ligan. Alcobendas lau goletara gerturatu Bera Berak jokalari bat gutxiago izanda baina Arrojeriak lasaitasuna eraman du Bidebietara (22 min, 20-15).
Ondorioz, Bera Beraren garaipen berria egungo ligan, oraingo honetan, sailkapen nagusian aurrean izango den talde baten aurka eta, beste behin gipuzkoarren defentsaren erakustaldia.
Fitxa: Bera Bera 24, Helvetia Alcobendas 19
Bera Bera 24 (12+12): Temprano, Etxeberria (1), Menéndez (4), Elorza (4), Nüñez (3), Arrojeria (2) eta Pinedo (4) –titular- Ziarsolo (4, 2p), Ederra (1), Arizaga, Múgica, Azanza, Ezkurdia (1), y Martínez. Deialdian, Zugarrondo (o.a.).
Helvetia Alcobendas 19 (9+10): Carrera (1), Aramendia (2), Sans (5), De la Cruz (2), García, Ausás (2) eta Teresa Francés (5, 1p) –titular- Arderius (2, 1p), Prieto, Ferrer, Navas, María Francés
Epaileak: Carlos Luque eta Ignacio Pascual (Catalunya)
Kanporatuak: Elorza eta Menéndez (2) Bera Beratik eta Ferrer eta Sans Helvetia Alcobendasetik.
Partzialak: 2-0, 4-2, 6-2, 7-4, 10-6, 12-9 – atsedenaldian- 14-10, 16-11, 18-12, 19-13, 20-15 eta 24-19.
Gertaerak: Partida ataria, klubak orogarri bat eman dio Matxalen Ziarsolori Bera Berako golegile nagusien artean bigarren kokatu delako, Esme López aurreratuz.
Hortaz, EHF Cuepeko hirugarren txandarako (32 talde) aurkaria ezagutu du Bera Berak. Italiako txapeldun Jomi Salerno izango da, Donostian azaroaren 15-16an izango dena eta, aldiz, itzulera handik astebetera Salernon.
Europan 20 urte baino gehiago izan arren, gipuzkoarrek Italiako talde bat aurrean izango dute aurreneko aldiz. Ondorioz, Bera Berak 9. eta 10. jardunaldiei dagokien partidak aurreratuko beharko ditu. Bidebietan Cup Winners’ Cupen arituko den Mecalia Atlético Guardés hartuko du azaroaren 12aren ziuraski eta hurrengo astean Málagara egingo du bidaia bertako Clínicas Rincónekin jokatzera.
Iaz Champions Leagueko atarikoa antolatu zuen Jomi Salernok, Bera Beraren multzoa osatu zuelarik. Mazedoniako Vardarrek eskuratu zuen txartela, bertakoak aise menperatuz 35-16 eta ondoren Frantziako Fleury gaindituz. Era berean, italiarrek aukari gutxi izan zuten Rostoven aurka (41-18) eta, ondorioz, Cup Winners Cupeko bigarren txanda jokatu behar izan zuten, non Suizako Spono Nottwill gainditu zuten. Halere, ezin izan zuten Norvegiako Tertnes Bergen kanporatu bi partidak Italian jokatu arren eta joaneko norgehiagoka berdindu (33-33) eta gero. Itzuleran, norvegiarrak izan ziren nagusi 25-16.
Duela egun gutxi 2015eko Mundialerako sailkapen fasearen baitan, Italiako selekzioa birritan nagusitu zaio Mazedoniari. Jomi Salerno taldeak bi jokalari izan ziren bertan, Guiseppa Napoletano esker albokoa (Islandiako IBVri 6 gol) eta eskuin alboko gaztea Rita Trombetta (IBVri 9 gol).
Horrela, nobedadea Ana Martínez izango da, ligan debuta egingo duena. Bera Berak lehenengo lerroan beste baliabide bat irabazi du eta Aitor Etxaburuk Uxue Ezkurdia ere deituko du, ondorioz, denboraldiko lehenengo aldia da jokalari guztiak prest dituela.
Komunikabideei adierazi zien “etenaldia ondo etorri zaigu” baina, ere berean, bai berak bai Alcobendasen bi urte egin dituen Maite Zugarrondo ohartarazi zuten madrildarrak indartsu dira. “Erasoan nahiz defentsan baliabideak dituzte” zioen entrenatzaileak eta “guztia ematera datos” nafar atezainak. Zoritxarrez Helvetia Alcobendasekin aritzen den Nora Azurmendi donostiarrak oraindik mina hartuta dago eta ez du jokatzerik izango.
Bularreko minbiziaren aurkako borroka
Biharko partidan, Bera Berako plantillak besoko arrosa eramango dute igandean Bularreko Minbiziaren Nazioarteko Eguna delako. Minbizia ahal den azkarren hautematea oso garrantzitsua da eta ekimenarekin bat egingo dute jokalariek.
Urkabe produktuekin zozketa
Urkaberi esker, Bera Bera Eskubaloiak zozketa prestatu du biharko eta bertan kalitate handiko urdaitegiko produktu ugari eskuratzeko aukera dago. Atsedenaldian egingo da zozketa eta Bidebietan bertan produktuak izango dira.
