Partida serioa jokatu du Super Amara Bera Berak Atarrabian, Indurain Anaiak kiroldegi gainezka zegoela, Gurpea Beti Onak Azparren Gestión mendean hartzeko (25-34, 13-17 atsedenaldian), Europako Txapelketak eragindako etenaldira sei garaipen eta porrot batekin iritsi delarik.
Super Amara Bera Berak Europako Txapelketan eragingo duen Ligako etenaldira iritsiko da Beti Onak taldearen aurka Atarrabiako Indurain Anaiak izeneko kiroldegian (Alejandro Hoz eta Alex Riloba, kantabriarrak). Imanol Alvarezek bere taldea ohartarazi du, “leku berezi batean jokatuko dugulako, gugandik oso gertu, Besançongo joaneko partidaren aurretik izango dugun saiorik onena, ez baitugu beste entrenamendurik edo bestelako partidarik aurkituko giro horrekin”.
Bera Berako harrobiko taldeek sei hitzordu izango dituzte asteburuan, horietatik lau Bidebietan. Senior taldeak Zuazo hartuko du larunbatean eta Lacturale Bera Bera kadete taldeak Orion lagunartekoa jokatuko du.
Ia hamar urte pasa dira Bera Bera emakumeen eskubaloiko ohorezko mailako azken partida Nafarroan jokatu zuenetik. 2013ko otsailaren 13an izan zen Lizarran, Itxako desagertu aurretik. Atarrabiako Beti Onak taldeak nafarren lekukoa hartu du eta Super Amara Bera Berak debutatuko du larunbatean (18etan) Indurain Anaiak izeneko kiroldegian.
Gaur arratsaldean EHFk Vienan duen egoitzan European Leagueko Q3 txapelketari dagokion zozketan, Super Amara Bera Berari ES Besançon frantziarra egokitu zaio, lehen partida Frantzian, abenduaren 3-4an izango dena eta itzulera Gascan, abenduaren 10-11n.
