18. minutua zen, Lezotarra sartu berri zen pistan, Portillo hegalekoak gola egin zuen eta Loidik jarraian ziztu bizian jarri zuen berriz baloia jokoan, Arrojeriak abiadura eman zion eta eskubia aldera begiratu zuen non Maitane Etxeberria zetorren. Honek baloia hartu hiru urratsak egin eta Estela Carrrera gainditu zuen goitik. Markagailuak 10-6 adierazi zuen orduan, talde honen ligan 22.000 gola zelarik.
1991-92 denboraldian ohorezko mailan debutatu zuen Bidebietako talde honek atzokoa 814 partida ligan jokatu zuen.
Malenaren aitona
Ez da ohikoa atzerriko jokalarien arten, brasildarrak salbu, bigarren abizena erabiltzea. Horregatik atentzioa deitu zuen 14. Zenbakiko kamisetan Cavo Louzao agertzea. Keinu honekin Malenak amaren partetik aitona omendu nahi izan du osasun aldetik arazoak dituelako.
Arcos, 100 gol baino gehiago
Paula Arcosek atzoko partidan super amara Bera Berarekin ehun goleko langa gainditu zuen, sartutako lau golei esker. Guztira 103 daramazki. Ligan taldeko golegile nagusiena da, 82 golekin, Europan 14 egin zituen eta superkopan, zazpi. Ondoren Hernández eta Arrojeria ageri dira, elxetarrak 87 gol egin ditu, horietatik, 79 ligan eta Arrojeriak 82, ligan 71.
Silvak, hiru penalti gelditu
Maddi Aallak jokatu zuen baina penaltietan Silva atera zen. Lehen zatian ezin izan zuen baina bigarren zatian, bai. Alice Fernandes Da Silvak hiru penalti gelditzeko parada izan zuen atzo, Casasola, Malles eta Bono jokalariei izan zen.
