Ereintza liderra gainditurik, Euskal Ligako Bera Berako taldeak Ameztoi Zarautzen aurka arituko da larunbatean Aritzbatalden. Hiru puntura daude zarauztarrak eta liga amaitzeko bi partida falta dira. Aurreneko bi taldeek Zilarrezko mailara igotzeko aukera dute eta berdinketa edo garaipena lortuz gero, Bera Berak ziurtatuko luke helburu hori. Galtzekotan, apirilaren 23era arte zain egon beharko luke Jarrilleras iritsiko baita Bidebietara.
Super Amara Bera Berak Kanaria Handira bidaiatuko du bihar, Liga erregularreko azken-aurreko jardunaldian Rocasaren aurka jokatzera (larunbatean, 21,15ean, TDP). Imanol Alvarezen iritziz, partida horrek ez du eraginik izango puntuei dagokienez, “baina bai probei eta sentsazioei dagokienez”.
Larunbatean Bidebietan Bera Berako euskal ligako taldeak Ereintza liderra gainditu zuen (19-13, 8-4 atsedenaldian), bi puntura gerturatuz (average delakoa alde dute donostiarrek). Horrez gain, Ameztoi Zarautz hiru puntura urrundu du Bera Berak Leioan galdu baitzuten zarauztarrek. Datorren asteburuan Aritzbatalden izango dute bi taldeek hitzordua, liga amaitzeko azkenaurreko partidan.
18. minutua zen, Lezotarra sartu berri zen pistan, Portillo hegalekoak gola egin zuen eta Loidik jarraian ziztu bizian jarri zuen berriz baloia jokoan, Arrojeriak abiadura eman zion eta eskubia aldera begiratu zuen non Maitane Etxeberria zetorren. Honek baloia hartu hiru urratsak egin eta Estela Carrrera gainditu zuen goitik. Markagailuak 10-6 adierazi zuen orduan, talde honen ligan 22.000 gola zelarik.
Imanol Alvarezek atarikoan zioen partida ofizialak baino entrenamendu hoberik ez dagoela, eta etxeko lanak beteta izan arren, super amara Bera Berak argi eta garbi gainditu du Conservas Orbe Rubensa Porriño (31-18, 17-10 atsedenaldian), lehen zatian erabakitako neurketan.
