Super Amara Bera Berak Zubileta Evolution BM Zuazo hartuko du bihar, larunbata (13: 00etan), Gascan, Iberdrola 22-23 Guerreras Ligako liga erregularra itxiko duen partidan. Jokoan puntu premiarik ez dagoen arren, “bi taldeoi gustatuko zaigu irabaztea, eta derbia izango da datorrenerako prestatzeko”, Imanol Alvarezen iritziz.
Asteburuan Bera Bera Eskubaloiko harrobiko taldeek bi partida baino ez dituzte jokatuko, biak kadete mailakoak eta etxetik at. Lacturale Bera Bera kadete nesken taldeak egungo faseari amaiera jarriko dio Orion larunbatean 16etan, partida guztiak irabazi dituen Sukia Orio Eskubaloia liderraren aurka. Malagako Kopa prestatze aldera, partidarik aproposena.
Herreria Bidebieta Bera Bera mutilen taldeak ere faseari liderra bisitatuz amaituko du, Inmobiliaria Ezker Aldea BM Barakaldo, alegia. Larunbatean Barakaldoko Gorostiza kiroldegian goizeko 10,30etan.
super amara Bera Bera serio aritu da Naibc San Adrian (21-46) gainditzeko gaur arratsaldean Bilboko Recalde-El Fango kiroldegian. Ondorioz, Zubileta Evolution BM Zuazoren aurka Euskal Kopako final berri bat jokatuko du (data eta lekua zehazteke).
Super amara Bera Berak bihar asteazkena (20,30etan) Bilboko Recalde- El Fango kiroldegian Euskal kopako finalaurrekoari helduko dio NAIBC San Adrián, Zilarrezko mailako taldearen aurka.
Espainiako Eskubaloi selekzioak bihar larunbatean Vienan Munduko txapelketarako kanporaketako joaneko partidari ekingo dio Austriarekin super amara Bera Bera Maitane Etxeberria, Esther Arrojeria eta Paula Arcos jokalari eta Imanol Álvarez, José Ignacio Prades bigarren entrenatzaile bertan direla.
