Gaur goizean Bidebietan, SUPER AMARA Bera Berako kapitain Alba Menéndez komunikabideen aurrean agertu da mezu garbia utziz: “partida zaila izango dela badakigu, talde indartsu delako baina lortzeko modua gaudela sinistuta gaude”. Gipuzkoarrek larunbatean Gascan (17etan) Corono Brasov izango dute aurkari bost goleko abantaila duena EHF Cupeko itzulera partidan.
Emozio handia biziko da larunbat honetan Gascan bi partida interesgarriekin. Batetik, 17etan SUPER AMARA Bera Berak Errumaniako Corona Brasov hartuko du, EHF Cupeko bigarren kanporaketaren itzulera norgehiagokan, joanekoan 35-30 emaitza iraultzeko erronkarekin Europan hurrengo urratsa eman ahal izateko. Eta ondoren, 20etan, IDK Gipuzkoak Durán Maquinaria Ensino taldearen aurka lehiatuko da Endesa emakumezkoen Ligako aurreneko garaipena lortze aldera.
Ermuan larunbatean, Euskal Ligan, Lacturale Bera Berak amore eman zuen 31-30 kadeteetan eta 21-22 irabazi zuen jubeniletan. Bestetik, senior taldeak ez zuen aukerarik eman Urdulizen 19-31.
Emaitzak
SUPER AMARA Bera Berako entrenatzaile Imanol Álvarez ziur da Corona Brasov taldearen aurkako EHFko kanporaketa iraultzeko gaitasunaz, bost goleko desabantaila izan arren (35-30). “Posible dela sinistitu gaude dagoeneko” adierazi du “jokua hobetuko dugulakoan” eta deia egin du “etxean jokatzen dugula nabaritu behar da”. Josean Gasca, larunbatean 17etan.
SUPER AMARA Bera Berak Josean Gascam urriaren 19an Corona Brasov taldeak gaur arratsaldean lortutako bost goleko abantaila irauli beharko du. Errumaniarrek baliabideen berri eman dute baina ahuleziak ere agerian utzi dituzte donostiarren maila handituz gero.
