AKABA BERA BERAk partidu bikaina jokatu zuen BIDEBIETAko POLIKIROLDEGIAn Holandako ZEEMAN VASTGOED SEW taldearekin Europako norgehigokan.
Nabarmenki nagusi izan zen AKABA BERA BERA partiduaren hasieratik bukaeraraino. Erasoan oso ondo ibili ziren, kontra-erasoan eta defentsan ere ederki aritu ziren. Partiduaren atsedenaldian markagailuak 19-5 markatzen zuen, egindako lanaren erakusle. Jokaldi ederrak ikusi ahal izan ziren etxekoen eskutik partidu osoaren zehar.
Amaieran, markagailuan 37-16 ikus zitekeen, eta lehenengo zatian jarritako erritmoa mantendu zuen etxeko taldeak.
Golegileak hauek izan ziren:MANUELA FIEDEL 5,PATRICIA PINEDO 3,TATI GARMENDIA 6,ESMERALDA LÓPEZ 6,LIBE ALTUNA 1,ZULAI AGIRRE 1,ITSASO EGAÑA 1,DAGMARA KOWALSKA 9,MATXALEN ZIARSOLO 5.
Bestalde, bertara gerturatutakoak 800 pertsona izan ziren.
Azken segunduetan, Susana Fraileren gol batek Akaba Bera Bera, ABF Kopako finalean egoteko ametsekin amaitu zuen. Amaiera hau bidegabekoa izan da donostiakoentzat, eta Nagore Zipitria, Verónica Valverde eta Esther Larreategi lesionatuak izan arren, taldeak ABF Kopako bi partidetan jokaera bikaina burutu du.
Golegileak: Tatiana Garmendia 8,Kowalska 5, Fiedel 4, Ziarsolo 4, Esme Lopez 2,Zulai Agirre 3.
Atzo, ABF Kopako bere lehenengo partiduan, AKABA BERA BERA S.C. ITXAKOri aldearekin nagusitu zitzaion. Lehendabiziko minutuetatik, eta defentsa ona, kontraeraso azkarra eta eraso eraginkorrei esker, markagailuan aurretik joatea lortu zuten, atsedenaldira markagailuan 8-18 alde zutela iritsi zirelarik. 20-33 emaitzarekin, AKABA BERA BERAk garaipen garrantzitsua lortu zuen, eta horrela, ABF Koparen finaletik hurbilago dago.
Gaur, gaueko 9tan AKABAB BERA BERAk ORSAN ELDA PRESTIGIOren aurka bere bigarren partidua jokatzen du.
AKABA BERA BERAk, abenduaren 27 a eta 30aren artean ABF Kopa jolastuko du Alikanten.Kopa honetan, 2003/2004 denboraldian lehendabiziko bost postuetan sailkatutako taldeek eta kopa antolatzen duen taldearen artean jokatzen da. Bi talde ezberdinetan banatzen dira sei taldeak. Koparen lehengo taldean jokatuko du AKABA BERA BERAk, ORSAN ELDA PRESTIGIO eta S.D. ITXAKOrekin batera. Bigarren taldea osatzen duten taldeak ASTROC SAGUNTO, CEMENTOS LA UNIÓN RIBARROJA eta MAR DE ALICANTE URBANA dira. AKABA BERA BERAk PETRER Polikiroldegian jokatuko du abenduaren 28an arratsaldeko 9tan S.D. ITXAKOren aurka. Abenduaren 29an berriz, arratsaldeko 9tan ORSAN ELDA PRESTIGIOren aurka jokatuko du polikiroldegi berean. AKABA BERA BERA lehenengo taldearen irabazlea suertatzen baldin bada bigarren taldearen irabazlearekin jokatuko luke abenduaren 30ean PITIU ROCHEL polikiroldegian arratsaldeko 7,30tan. Nagore Zipritia eta Verónica Valverde, belaunean duten lesioak direla eta etxean geratuko dira.
AKABA BERA BERA taldeak abenduaren bukaeran jokatuko duen ABF Kopa prestatzeko asmotan, hiru partidu jokatuko ditu honako aste honetan.
Lehenengoa, gaur, abenduak 15ean, arratsaldeko 20:00etan Bilbon jokatuko du ZUAZO taldearen aurka.
Bigarrena, bihar, abenduan 16ean, arratsaldeko 18:15etan GASKA POLIKIROLDEGIAN ITXAKO taldearen aurka.
Hirugarrena, larunbatean, abenduan 18an, arratsaldeko 16:15etan HERNANIKO POLIKIROLDEGIAN, CASTRO taldearen aurka.
