Sekulako garaipena (28-29) lortu zuten gure jokalariek Elda Prestigio talde indartsuaren zelaian. Etxeko taldea oso indartsu hasi zen eta gure jokalariek nahikoa lan zuten Eldakoen erasoari aurre egiten. Defentsan bigun eta desajuste handiak zituzten Reyes Karreresek zuzentzen dituen jokalariek eta etxekoek ederki aprobetxatu zuten egoera lehen zatian bost goletako errenta izatera iritsiaz. Minutuak pasa ahala, ordea, Akaba Bera Berako jokalariak norgehiagokan sartzen joan ziren eta defentsan izandako hobekuntza nabarmenari esker partida parekatzen joan zen.
Bigarren zatian gauzak aldatu egin ziren. Lehia amaitzeko hamr minutu falta zirenean gure jokalariak markagailuan aurreratu ziren eta garaipena erdietsi zuen berdintasun handiko azken minututan.
Jokalari guztiek maila handia erakutsi bazuten ere, bereziki aipagarria Veronica Valeverdek y Dagmara Kowalskak aurkariaren ate aurrean erakutsitako abilezia, Jockelyn Tienstra atezainak azken hamar minutuetan eginiko lan bikaina ahaztu gabe.
Elda Prestigio: Aitziber Elejaga, Stephanie Cano (4), Beatriz Morales (7), Diana Box (1), Susana Fraile (5), Oana Soit (4), Silvana Ilic (5).
Akaba Bera Bera: Jockelyn Tienstra, Itxaso Egaña, Zulai Agirre (5), Tati Garmendia (1), Patri Pinedo (4), Veronica Valverde (6), Manuela Fiedel (4).
Dagmara Kowalska (9).
Partzialak: 2-1 / 6-3 / 8-4 / 9-7 / 11-9 / 14-11 (atsedenaldia). 17-15 / 19-18 / 21-20 / 22-23 / 26-26 / 28-29.
Akaba Bera Berak arazorik gabeko garaipena lortu zuen. Atsedenerako, 16-11 emaitzarekin, partidaren agintearekin egin ziren. Reyes Carrerek bigarren zatia ezohizko jokalariei minutuak emateko erabili zuen, eta ez zuten huts egin.
Golegileak hauek izan ziren: Tati Garmendia 5, Manuela Fiedel 6, Patri Pinedo 4,Itxaso Egaña 8,Verónica Valverde 1,Roxana Citu 2,Libe Altuna 6,Zulai Agirre 4.
Akaba Bera Berak Plusfec U.E. Lleida taldearen aurka neurtuko ditu indarrak larunbatean arratsaldeko 19:30etik aurrera Bidebietako kiroldegian. Kataluniako taldeak apustu gogorra egin zuen denboraldi hasieran ligako lau talde onenen artean sartu eta datorren denboraldian Europan jokatzeko helburuarekin baina gauzak ez zaizkio nahi bezala joan Antonio Bustok zuzentzen duen taldeari eta gaur egun hamargarren postuan sailkaturik dago. Maila oneko jokalariak eta talde polita osatu arren Lleidako taldeak irregulartasun handia azaldu du denboraldian zehar partida onak eta txarrak tartekatuaz. Horregatik, Akaba Bera Berako jokalariek euren mailarik onena eman beharko dute garaipena eskuratu nahi badute egun ona duenean talde arriskutsua baita kataluniarra.
Jokalariei dagokienez, talde donostiarreko zaletuek ongi ezagutzen duten Monica Nedelciu errumaniarraren presentzia azpimarra genezake, iaz Reyes Karrereren esanetara aritu baitzen. Gainontzeko jokalariei dagokienez, Isabel Bastero eskuin hegalekoa, Dolores Martin zentrala eta selekzioan aritzen den Goretti Castañeda 19 urteko pibote gaztea dira gehien nabarmentzen direnak. Ezin ahaztu ditzakegu Jurate Jankaitiene atezain lituaniarra, nazionalitate bereko Gabriele Mitkeviciute eta Mariko Komatsu korear txikia.
Espero dezagun gure jokalariek laugarren postuari eusteko ezinbestekoak zaizkien garaipena eta bi puntuak eskuratzea.
Jardunaldi borobila Akaba Bera Bera eskubaloi taldeek buruturikoa, maila guztietako taldeak nagusitu baitziren euren norgehiagoketetan. Larunbatean lehen taldeak Kanariar uharteetan 24 eta 29 nagusitu zela aipatzen bagenuen gauza bera egin zuten kadete, jubenil eta 2. Nazional mailako taldeek.
Kadeteei dagokienez, Arabako Consulting taldea mendean hartu zuten. Azken emaitza 24-19 izan zen eta goleatzaileak ondorengoak izan ziren: Garazi (8), Maria (7), Leire (6), Zuriñe (2) eta Alma (1).
Jubenilen taldea 20 eta 12 gailendu zitzaion Gasteizko Gasnalsa taldeari. Goleatzaileak Enara Martinez (7), Nahiara (5), Laura (4), Enara Otero (2), Jessy (1) eta Sara (1) izan ziren.
Amaitzeko, 2. Nazionaleko taldeak Elorrion jokatu zuen eta bi puntuak poltsikoratu zituen. Gol gutxiko norgehiagokan gure jokalariak 9 eta 12 nagusitu ziren. Goleatzaileei dagokienez, Lorena (5), Amaia (2), Leire (2), Bego (1), Idoia (1) eta Laura (1) izan ziren.
Akaba Bera Berak garaipena erdietsi zuen norgehiagoka zail batean. Aurreikusten zen bezala, etxekoek ez zuten erraztasunik eman baina gure jokalariek aurpegia eman zuten eta laugarren postuari eusteko balio duten bi puntu eskuratu zituzten.
Lehen zatian partida oso parekatua izan zen eta Reyes Karrerek zuzentzen dituen jokalariak bigun aritu ziren defentsan, etxekoek ederki aprobetxatu zutelarik barnekaldiak egiteko. Erasoan ere ez ziren fin aritu jaurtiketekin eta ondorioz berdintasuna nagusitu zen bai jokoan eta bai markagailuan. Atsedenaldian, markagailuak 13 eta 13 adierazten zuen.
Bigarren zatian, gure jokalariek defentsa ajustatu zuten etxekoen arriskua murriztu zutelarik. Jockelyn Tienstra atezainak ere sendotasuna eman zion defentsako jokoari eta erasoan ere Akabakoen jokoak gora egin zuen jaurtiketetan gehiago asmatuaz. Ondorioz, lau goletako errenta izatera iritsi ziren baina kanariarrek estutu egin zuten eta bi goletara murriztu zuten abantaila. Hain zuzen ere, hori izan zen norgehiagoka irabazteko klabeetako bat, hots, gol bakar bategatik izan bazen ere beti aurretik izatea markagailuan.
Partidaren amaieran Reyes Karrere gustura zen "garaipenak laugarren postuari eusteko balio duelako. Bagenekien ez zela erraza izango baina taldeak ongi erantzun du eta lehia azken minutuak arte erabaki ez badugu ere, garrantzi handiko bi puntu poltsikoratu ditugu".
BM. RO´CASA: Rodríguez, María Luján, Kvifte (4), Dumpiérrez (2), Nuñez, Trojaola (1), López (3), Krasnic (4), Negrín (4), Gemma Luján (6), Cristina Luján.
AKABA BERA BERA: Tienstra, Ugartemendia, Fiedel (3), Valverde (4), Pinedo (7), Garmendia (5), Altuna, Agirre (5), Egaña (1), Kowalska (4).
EPAILEAK: Fernandez / Permuy (Colegio Gallego).
PARTZIALAK: 3-2/5-6/6-7/8-8/9-11/13-13/14-18/17-22/18-22/21-24/22-25/24-29.
