Kadeteak txapeldunorde Gipuzkoako Kopan
Pasan den larunbatean Zumaian, Bera Beraren kadete taldeak Gipuzkoako Kopako hiruko finala jokatu zuen. Gure neskek denboraldi osoan zehar erakutsitako maila onean aritu ziren berriro ere, nahiz eta txapeldunorde izatearekin konformatu behar izan.
Lehen azterketa ondo gainditu zuten, Elgoibar garaituz. Baina partidu erabakiorrean, ezinezkoa izan zen Zarautz indartsuari irabaztea, nahiz eta Bera Berak partidu txukuna egin eta saria jasotzeko merituak batu. Zarautz izan zen honenbestez Kopako txapeldun, baina bigarren geratzeak ere nahiko poziko utzi zituen Bera Berakoak. Zorionak!
