Larunbat honetan Donibaneko Polikiroldegian Donibane Txapelketa ospatuko da eta partaideak Ereintza, Itxako (Lizarra) eta Bera Bera taldeetako jubenilak izango dira. Txapelketa 10:00tan hasiko da, denok denon aurka 30 minututako partiduak jokatuaz. 10:00etan Bera Bera - Ereintza, 10,45tan Ereintza - Itxako eta 11,30tan Itxako - Bera Bera.
Eskubaloiko sailak denboraldi honetan itxaron duen momentu bat bizi izan du. Azkenean Xabier Araiz (entrenatzailea) eta Oihana Balbas (jokalaria) ezkondu dira. Biak Bera Berakoak, bere erlazioa entrenamendu eta kantxan sendotu zuten. Zeremonia Errenterian, Agustinetako ermitan izan zen eta otordua berriz Donostiako jatetxe ezagun batean. Bertan jokalari eta arduradunak egon ziren eta festa goizalderarte luzatu zen. Orain Mexikoko ondartzetan egongo dira eguneroko lanera itzuli arte. ZORIONAK
Formazio arduradunek federazioan egindako kudeaketari esker, Angleteko teknikariak monitoreentzat burutzen ari diren klase teoriko praktikoetan parte hartzea lortu da. Angletek muga alde honetak egiten diren ekintzetan parte hartzeko azaldu duten gogoak, gestio hauek egitera bultzatu gaitu eta heziketarako ekintzen proiektu berriak bidean daude.
Heziketa arduradunek muga arteko kolaborazio hitzarmena berritu dute Anglet taldearekin, honekin elkarrekin lanean hirugarren urtea betetzen. Bi taldeen zuzendariak Angleten bat etorri dira hartutako akordiotan, bai kirol arloa eta bai tekniko arloan, aurrera egiten Donostian ospatuko den hurrengo bileran 2003-2004 denboraldia egingo diren lanen diseinua egingo dute.
Altzako Polikiroldegian (Donostian) Muga arteko Bera Bera txapelketaren edizio berria jokatuko dute kadete eta jubenil taldeak. Partaideak Bera Bera, Anglet eta Ermuako taldea (gonbidatu bezala) izango dira. Igandeak 21ean jubenil taldeak izango ditugu: 09:30-10:30tan Anglet-Bera Bera. 10,45-11,45tan Ermua - Anglet eta 12,00-13,00tan Bera Bera – Ermua. Igandeak 28an kadete taldeak jokatuko dute, talde berdinak ordutegi berdinarekin.
