Denboraldi berriaren hasieran Naihara Elgarresta jubenila Euskadiko Selekziora joateko deitu dute, entrenamenduak urriak 25 eta 26ean Zarautzen eta Askartzan izango dira ZORIONAK
Datorren aste buruan talde guztiak etxean jokatuko dituzte bere partiduak. 2. Nazionalak igandeak 26an 12:00tan Bidebietan Bilboko La Salleren aurka jokatuko du. Jubenilak igandeak 26an 10,00etan Bidebietan Bilboko La Salleren aurka. Kadeteak larunbatak 25ean 17,30etan Gaskan Zarautzen aurka. Zorte on guztioi.
Partidu bikaina jokatuaz kadete taldeak Legazpia borrokalari bat erraz gainditu zuen. Jokalari aipagarriena talde aurkariaren atezaina izan zen geldiketa askorekin. Etxekoan 9 penalti huts egin zituzten, dudarik gabe eta joku azkar batekin erraztasun haundiarekin partidua irabazi zuten. Atsedenera 12-5 emaitzarekin heldu ziren, amaierako emaitzaren seinale. Etxkoen aldetik aipagarria Enara Martinez 10 golekin.
Jubenil taldeak azken momentuan galdu zuen oso parekatua zegoen partidu hau. Atsedenera 11na berdinketarekin heldu ziren. Aipagarriak Nahiara Elgarrestak lortutako 11 golak. Donostiakoak etxeko taldearen aurka jokatzen zuten lehen aldia zen eta ez ezagutze hau partiduaren gakoa izan zen .
2. Nazionalak liga Portugaleten lortutako garaipenarekin hasi du, Taldeko bost jokalarik ezin izan zuten jokatzera joan eta taldea bermatua ikusi zen. Taldearekin jokatu zuten jubenilak ekitaldi ona burutu zuten, partidu gogor batean, aurretik beste partidu bat jokatu zutela kontuan harturik. Atsedenera donostiakoak 10-14 emaitzarekin amaitu zuten, bigarren zatian aldea haunditzen joan ziren. Talde osoaren lana aipagarria izan zen, bereiziki jokalari jubenilak, atezainak eta Maite Jazcoz (bere debutean 4 gol lortu zituen) eta senior jokalariak Garbiñe Otaegui 6 golekin eta Amaia Otero 8 golekin.
