Igandean 10,00etan Errenteriako polikiroldegian, donostiakoak azken emaitzen ondoren hirugarren postuan jartzea lortu duen Ereintzaren aurka jokatuko dute. Kadete taldeak liga amaiera honetan argi ibili beharko du sailkapeneko lider bezala jarraitzeko aldea mantentzeko.
Akabak berdinketa estu bat besterik ez zuen lortu Alikanten. Ala ere taldeak puntuak lortzen jarraitzen du eta urtarriletik ligan galdu gabe jarraitzen du.
Partidua oso berdindua izan zen atsedenera 13-10 emaitzarekin heldu arte. Bigarren zatian defentsak hobera egin zuen baina jaurtiketetako hutsegiteak garaipen berri bat lortzea galarazi zuen. Akabak Esme Lopez eta Manuela Fiedelen ez egotea asko nabaritu zuen.
Akaba Bera Bera Erreginaren Kopatik kanpo geratu zen Sagunto taldearen aurka galdu ondoren.
Espero zen bezala, Sagunto ez zen duela jardunaldi gutxi Gaskatik pasa zen talde berdina, eta aldiz Erreginaren Kopa, ustekabeak ohizkoak izaten diren txapelketa bat dela kontuan izanik.
Akabak hasiera batean partidua kontrolatua izan zuen 4-0 emaitzarekin, baina Saguntok donostiakoen defentsa apurtzea lortu zuen eta Kolevak azken segunduetan lortutako golaren ondoren partidua galdu zuten.
Manuela Fiedel jokalariaren lesioa tamalgarria izan zen, eskuin hatz erakusleko artikulazioan luxazio bat diagnostikatu diote eta 15 edo 20 egunetan txapelketatik kanpo egon beharko du.
Aipagarria Tienstra atezainaren ekitaldi bikaina.
Eric Baradat frantziako emakumezko selekzioaren entrenatzaileak konzentrazio bat antolatu du Angleten Akitaniako jokalarientzat. Eta gure klubak Anglet O. Hanball taldearekin mantentzen duen muga-arteko kolaborazio hitzarmenari esker, gure talde jubenil eta kadeteen aurka jokatzeko nahia azaldu du. Talde kadeteak Akitaniako selekzioaren aurka igandean 19:30tan jokatuko du eta jubenilak berriz astelehenean 19:30tan, bi partiduak Angleteko polikiroldegian.
Joaneko jardunaldian Ereintza eta Bera Bera jubenilen artean Errenterian jokatu behar zen partidua pistaren egoeragatik ezin izan zen jokatu. Bi taldeak ados jarri dira partidua Bidebietan jokatzeko, ostiralak 20ean, 17,45tan. Donostiakoak sailkapeneko lider bezala jarraitzeko garaipena lortu behar dute.
