Montse Pucheren kontratua bi urtez luzatu zuela adierazi eta gero, Bera Bera Eskubaloiak gaur goizean Eider Rubio aurkeztu du, madrildarraren laguntzaile gisa. Ibilbide berri hau “ilusio handiz” hartu du donostiarrak “Montseren ondoan lan egitea niretzat berria izan arren”. Rubiok jokatzeari 2012-13 denboraldi amaieran utzi zion eta Pucheren laguntzailea izan zen apirilean eta maiatzean.
Komunikabideen aurrean, Tati Garmendiak adierazi du “Eider Rubiorekin urtebeteko kontratua adostu dugu baina gure asmoa da arlo teknikoari ere eraginkortasuna ematea”. Bere ondoan, Montse Puche pozik bi denboraldi “denbora delako harrobiarekin lan egiteko eta behetik ohorezko mailara geroz eta jokalari igotzeko”.
Bera Berak datorren denboraldian izango duen taldeaz galdeturik, Puchek onartu du “defentsan indarra galdu dugu, akaso koska bat galdu dugu baina nire ustez erasoan hiru irabazi ditugu” Tania Yáñez eta Alicia Fernández golegileekin eta Judith Sans pibotearekin. “Orain gure indarguneak ezagutzea tokatzen zaigu eta ahalik eta etekin gehien ateratzea lehiaketa guztietan maila emateko”.
Atzo EHFko distribuzioa ezagutzera eman zuen Europako Federazioak. Antza, azaroako aurreneko kanporaketa gainditzea –uztailaren 21ean izango da zozketa- Bera Beraren eskura egongo da, halere, Puchek “pizgarria” den lehiaketan honetan “kanporaketaz kanporaketa hitz egitea nahiago du Danimarka, Hungaria, Errumania, Frantzia edo Alemaniako talde indartsuak egongo direlako”.
Ligako taldeegan eman den mugimenduaz, Pucheri deigarria sortatu zaio “Guardes osatzen ari den taldea, oso goian kokatuko duena”. Ligako egutegia uztailaren 27an zozketatuko da.
Europako Eskubaloi Federazioak 2015-16 denboraldiko EHF txapelketaren taula ezagutarazi du gaur goizean. Egindako banaketaren arabera, Bera Bera Eskubaloia 3. txandan sartuko da lehian, hau da, 32 taldez osaturiko kanporaketan, joaneako azaroaren 14 edo 15ean jokatuko dena eta itzulera, azaroaren 21 edo 22an.
Bera Bera taulako goiko aldean dago, ondorioz, hasierako kanporaketan lehiaketako talde indartsuak saihestuko ditu. Datorren asteartean, hilak 21, zozketa egingo da Vienan, eta donostiarren bi taldeen arteko kanporaketaren zain geldituko dira. EHFk ez du aurreneko txandan partidarik planifikatu hortaz bigarren txandari begira geldituko da Bera Bera, urriaren 17-18 eta 24-25ean burutuko dena.
Bera Berarekin batera izena eman dute EHFn, besteak beste, Danimarkako Randers, Silkeborg-Voel KFUM eta HC Odense, Errusiako Astrakhanochka eta Dinamo Sinara, Hungariako Dunajvarosi eta Siofok KC, Errumaniako ASC Corona Brasov eta HCM Roman, Frantziako Handball Cercle Nimes, Union Mios Biganos Begles eta Nantes Loire Atlantique, Turkiako Muratpasa BSK, Alemaniako HC Leipzig eta TuS Metzingen, H65 Höör suediarra eta Norvegiako Tertnes Handball.
Bera Bera da Espainiako taldea bakarra EHF, izan ere, Rocasak Challenge Cup aukeratu du eta Mecalia Atlético Guardés Cup Winners’ Cup (Errekopa) arituko da. Datorren urteari begira, EHF Cup eta Errekopak bat egingo dute.
Maitane Etxeberria eta Andrea Zaldua junir mailako Sagrario Santana hautatzailearen zerrenda definitiboan daude, Valentzian uztailaren 23ik abuztuaren 2ra bitartetan 19 urte azpiko Europako Txapelketan parte hartzeko.
Uztailean entrenaldi saio batzu egin ostean, atsedenerako egun gutxi batzu izan dituzte eta Bera Berako jokalariak junior mailako selekziora itzuliko dira datorren astelehen arratsaldean. Etxeberria eta Zaldua Valentzian konzentraturik geldituko dira, goiz-arratsaldean entrenatuko dira eta nazioarte mailako txapelketa batean parte hartu uztailaren 19tik 21era bitartean.
Bestetik, 19 urte azpiko Europako Txapelketan Espainiak Portugalekin egingo du debuta uztailaren 23an, hurrengo egunean Norvegia izango du aurrean eta hile 26an, Bielorrusia. Partida guzti hauek 19etan Arena kiroldegian. Aurreneko bi taldeek hurrengo fasera sailkatuko dira.
Espainiako eskubaloi Federazioaren bidez, Bera Bera Eskubaloiak datorren 2015-16 denboraldian EHF Cup lehiaketan parte hartzeko dokumentazioa bidali du.
Kroaziako Zagreb taldearen aurka 1993an debuta egin zuenetik birritan baino ez du huts egin Europan Bera Berak. EHF, Errekopa –Cup Winners’ Cup-, City Cup edo Champions Leaguen izan da eta lorpen handiena, Championseko multzoen fasean aritzeaz gain, Errekopan 2008an Errumaniako Brasov taldearen aurka jokaturiko finalerdia da.
EHFk inskripzioa berretsi eta gero uztailaren 21ean izango da zozketa. Iazko irizipideak kontutan izanda, Bera Bera hirugarren txandan sartuko litzateke, hau da, azaroan. Hilaren 14 edo 15ean joaneko partida jokatuko lukete donostiarrek eta itzulera 21 edo 22an. Kanporaketa gaindituz gero, final-zortzirenak 2016ko urtarrilaren 9 eta 16ra aurreratu dituzte martxoan kanporaketak ez daudelako.
Gaur arratsaldean gauzatu den kontratu luzapenarekin, Bera Bera Eskubaloiko kapitain Matxalen Ziarsolok klubean 16. denboraldia beteko du eta ohorezko mailan, 15. Ermuatik 17 urte zituela iritsi zen Bidebietara, bigarren taldean kokatu zen, belaunean lesio larria izan zuen Castelldefelsen –egungo zilarrezko ligan- eta Reyes Carrere entrenatzailearekin 2001-02 denboraldian sartu zen lehenengo taldean. Tati Garmendiaz aparte, klubeko bigarren golegile nagusia da, 1.404 gol sartu ditu Liga, Kopa, Superkopa eta Europan.
Matxalen Ziarsolo “oso pozik” ageri da “beste urtebete jarraitzeko”. “Nik ez dut sekulan pentsatzen 15 urte pasa direla, ez dut atzera begiratzen, jokatzen ari naiz eta etengabe bolada desberdinetan gaudenez eta taldean aldaketak ematen dira ez dago monotoniarik”.
Eskarmentu handiko kapitainak Bera Beran mugarria antzeman du. Bere ustez “aurreneko titulua irabazteak –L’Elianan 2007an Ribarrojari 25-22, apirilaren 1ean- hurrengo txapelketak ekarri zituen. Handik aurrera ligan helburua hobetzea zen, irabaztera iritsiz”. “Urte hauetan helburuak lortu ditugu eta jokatzen jarraitzeko gogokin nago” adierazi du.
Championsen bizitakoaz galdeturik, Ziarsolok onartu du “jokatzea emozio handia izan zen, Bera Berak bizitako unerik garrantsitsuenetarikoa, bidaiak eta partiden intentsitateagatik gogorra izan zen arren merezi izan zuen”. Oraindik gogoan du debutean “Vardarren aurka –azkenenko bi final fourrean izandako taldea- emaitza hobea lortu genezakeen”.
Bere burua “esperientzia duen gaztea” definitzen du eta belaunean duen lesioa errekuperatzen ari da. Ziarsolok uste du “taldean aldaketak egongo dira” altak eta bajak direla eta. Bere ustez “defentsa koordinatu beharko dugu, taldeak defentsarako sena du, jokalari onak arlo horretan eta entrenaldiak eta atezainekin nire ustez denborarekin hartuko diogula neurria helburuak lortzeko”. “Egin diren fitxaketan erasoan lasaitasuna emango digute, golegileak direlako”.
“Eta Montse Puchek gure eraso jokua aldatzen jarraituko du. Bere ideietara moldatzen hasi ginen, eraginkorra da, erasoan hobetu genuen baina oraindik falta zaigu” ohartarazi du.
Entrenatzaileaz galdeturik, “egondako bi hilabeteetan gustora egon ginen eta hobetzeko aukera dugu” adierazi du Ziarsolok.
