Basaurin ospaturiko promozioan, atzo Urduliz gaindituta (35-33), Herrería Bidebieta Bera Berak Euskal ligako bigarren faseari ekingo dio otsailaren 3tik aurrera. Sei taldek osatuko dute multzoa: Gran Camping Zarautz, Zaisa Bidasoa Irun, Urangadeko Zumaia Pulpo, Indupime Basauri eta Urola RSA. Egutegiko zozketa urtarrilaren 29an izango da.
Euskal Ligan jarraitze aldera Herreria Bidebieta Bera Bera kadete taldeak Basaurin du hitzordua, bat beharrean, hiru. Izan ere, Euskal Ligan zortzigarrenak izanda, bigarren fasea jokatu ahal izateko promozioari heldu behar diote, hau da, lau talde Basaurin elkartuko dira ostiraletik igandera bitartean. Herrería Bidebieta Bera Berak Andoango Leizaran izango du aurrean ostiralean 17,15etan; larunbatean, 12,15etan, Indupime Basauri izango da aurkaria eta igandean, Urduliz Eskubaloia, 10,30etan. Horietatik, hiru taldek lortuko dute Euskal Ligarako txartela.
super amara Bera Berako eskuin alboko jokalari Malena Cavok 24-25 denboraldirako kontratua ez berritzea erabaki du, Txapeldunen Ligako talde baten eskaintza dela medio.
Asteburuko emaitzen artean azpimarragarriena da Lacturale Bera Bera kadete taldeak Euskal Ligari heldu diola Orio gaindituta (19-18), seigarren gelditu da sailkapenean eta, ondorioz, promozioa saihestu dute.
Bestetik, senior mailan Bera Berak galdu egin zuen Bidebietan Ameztoi Zarautz taldearekin. Average delako mantendu du Nely Carla Albertoren taldeak baina sailkapena estutu da. Herrería Bidebieta Bera Bera kadete taldeak Basaurin jokatuko du asteburu honetan promozioa Euskal Ligako bigarren fasea jokatze aldera.
Gipuzkoako txapelketetan, garaipenak iritsi dira Bera Bera Laranja infantil nesken eta senior eta infantil mutilen taldeen esku.
Berriro ere super amara Bera Berak partidari hasiera kaskarra eman norgehiagoka zeharo zailduz, saiatu arren gaurkoan ez du iraulketa gauzatzeko modurik. Laura Hernandezek gora bidali du bere penalti jaurtiketa minutu baten faltan gol bakarrera jar zezakeena, eta, ondorioz, porrota jaso du etxean neurketa bakarra galdu duen Mecalia Atletico Guardesen aurka (31-18).
