Mugak ia pasaturik iritsi da SUPER AMARA Bera Bera Teldera eta ezin izan dio aurre egin Rocasari, plantilla osoarekin eta Kopak bultzaturik pista berria garaipenarekin estrenatuz (28-26), gipuzkoarrak lidergotik kentzeko.
Bigarren zatiko partzialak beregain izan arren, madrildarrak berdinketa baino ez dute lortzerik izan Burlatako Malkaitz Eskubaloia taldearen aurka, halere, puntu horrek lidergoa eman die Bera Berak Sinfin gainditu ostean (30-21).
Sinfín eta Malkaitz taldeei errespetu osoarekin, antza Bera Berak eta Club Balonmano Móstolesek Bidebietan gaur hasi den Zilarrezko mailara igotzeko faseko partidarik erabakiorra jokatu dute. Madrildarrak nagusitu dira (21-22) nahiz eta Eider Lizarbek azken jaurtiketan berdiketa izan du norgehiagoka amaitzeko segundu eskas batzu falta zirela.
Santanderreko Sinfiin taldeak Malkaitz Eskubaloia gainditu (17-25) du gaur Bidebietan Zilarrezko mailara igotzeko antolatu den igoera fasea.
SUPER AMARA Bera Bera hegazkinez iritsi da gaur Las Palmasera non bihar 19,30etan (Euskadiko orduan) Loterías Ligako 23. Jardunaldiari ekingo dion Rocasa Ace Gran Canaria bisitatuz (Ignacio García y Andreu Marín, Catalunya). Partidaren garrantzia dela eta Espainiako Federazioko web orrialdetik jarraitzeko aukera dago, marca.com edo Liga4sport.com.
