Behin-behineko lider jarri da super amara Bera Bra Lobas Global Atac Oviedo gaindituta gaur arratsaldean Florida Arenan, zati bakoitzari hasiera bikainak emanez (22-32, 12-14 atsedenaldian). Europa dela eta, Atticgo Elxek eta Costa del Sol Malagak datorren astean Elda eta Rocasaren aurka osatuko dute jardunaldia.
Liga erregularreko azken bidaia Autocares Davidek super amara Bera Bera Oviedora eramango du , non larunbatean Global Lobas Atac izango duen aurkari (Florida Arena, 19etan. Cristian Da Silva eta Luis García, valentziarrak). Costa del Sol Malagari eta Atticgo Elxi presioa egitea da asmoa, Europa dela eta, azken bi talde hauek datorren astean jokatuko dituztelako.
Kultura, Lankidetza, Gazteria eta Kiroletako Goizane Álvarez foru diputatuak Tati Garmendiari Carmen Adarraga 2024 saria eman dio “eskubaloiko jokalari, entrenatzaile eta zuzendari gisa egindako ibilbide bikaina osatzeaz gain, kirolean berdintasuna sustatzeko eta emakumeen talentuaren alde egiteko konpromisoagatik ere, eliteko kirolarien lehiaketa-baldintzak duinduz”.
Asteburuari begira, Bera Bera Urdina kadete nesken taldeak Gipuzkoako liga irabazteko aukera bikaina du, pasa den asteburuan Eibarren irabazita líder kokatu delako. Leizaran gaindituz gero, Bidebietan 11,15etan txapeldun izango litzateke.
Euskal Ligan, berriz, Leizaran ere izango da Bera Beraren aurkaria Andoainen, igandean 12,30etan. Lacturale Bera Bera kadete nesken taldeak bigarren gelditzeko borrokan Urdaneta hartuko du Bidebietan, larunbatean 16,10etan eta Herrería Bidebieta Bera Berak Bidasoari egingo dio bisita Artalekun, larunbatean 15,30etan.
Asteburu honetan kadete taldeak bereganatu dute protagonismoa. Bera Bera Urdinak garaipenaz gain, hiru goleko abantailarekin gainditu behar zuen MEK Eibar Eskubaloia eta horrela lortu zuen (24-27), liga amaitzeko partida bat falta delarik líder kokatuz.
Bestetik, Euskal ligan Lacturale Bera Bera nagusi izan zen Zarautzen (21-25) eta bigarren izateko borrokan sartuko da burubelarri lau bigarren fasea amaitzeko lau jardunaldi falta direla. Era berean, Herrería Bidebieta Bera Berak Urola RSA gainditu zuen Bidebietan (34-32) igande goizean. Eta leku berean seniorretan, Bera Berak Kukullaga mendean hartu zuen (27-20).
