Hamar partida jokatu zituzten Bera Bera Eskubaloiko harrobiko taldeek asteburu honetan, guztiak Gipuzkoako lehiaketei dagozkionak. Azpimarratzeko, Herrería Bidebieta Bera Bera jubenil taldearen garaipenari esker, datorren asteburuan Zumarragan punturen bat urratu beharko du Federazio garaikurra irabazteko.
Datorren maiatzaren 15ean 20 urte beteko dira Bera Bera RTk lehen titulua lortu zuela. Zaragozan izan zen, eta errugbi taldeak lortu zuen Santboianaren aurka, luzapenean argitu zen Kopako finalean. super amara Bera Berak Erreginaren Kopako elastiko ofiziala aurkeztu du, maiatzaren 10etik 12ra Illunben jokatuko dena, denboraldi hartan errugbi taldeak erabili zuenda gogoraraziz.
super amara Bera Berak lehen bi puntuak lortu ditu Caja Rural Aula Valladolid gaindituta, lehen zati bikain bati esker (10-17). Bigarren zatian, berriz, etxekoen oldarraldiari eusteko gai izan da garaipena lortze aldera (27-34).
Euskal Ligako lehiaketak amaituta, Gipuzkoako txapelketak aurrera jarraitzen dute, Kopa nahiz Aldundia txapelketak, alegia. Hortaz, kadeteetan Lacturale Bera Bera neskek eta Herrería Bidebieta Bera Bera mutilek Kopari helduko diote asteburu honetatik aurrera, Eibarren eta Errenterian, hain zuzen.
Bestetik, Bidebietan arituko dira larunbat arratsaldean jubenil mailako bi taldeak, Lacturale Bera Berak Leizaran hartuko du eta Herrería Bidebieta Bera Berak Urnieta.
Titulurako play-offa gaur hasiko da, lau egun ezberdinetan, gaur Atarrabiatik eta igandean A Guardatik. Replasa Beti Onak taldeak Atticgo BM Elche hartuko du gaur gauean (21etan) Indurain Anaiak kiroldegian, izan ere, elxetarrek EHF European Cupeko finalerdietako joaneko partida jokatuko baitute Rocasaren aurka igande eguerdian Telden.
