SUPER AMARA Bera Berak bihar asteazkena 19etan Bidebietan Helvetia Alcobendas hartuko du Kopako final-zortzirenetako itzulera partidan, bideratuta duen kanporaketa, izan ere Pabellón de los Sueños delako pistan (21-31) nagusitu zen. Ansoleaga eta Izquierdo epaile euskaldunek zuzenduko dute norgehiagoka.
Asteburuko emaitzen artean, azpimarragarrienak dira Euskal ligako bigarren fasean Lacturale Bera Bera kadete taldeak lorturiko garaipena eta kadete mutiletan Herrería Bidebieta Bera Berak bigarrena lortu zuen.
SUPER AMARA Bera Bera bizirik iritsi da azken jardunaldira arte EHF Cupeko final-laurdenak jokatze aldera, gaur Podravka Vegeta liderra gaindituta eta Danimarkan Nykobing Falster eta SCM Craiovak (20-20) berdindu ostean.
Gaur eguardian Podravka Vegeta taldearen aurka lorturiko garaipena (32-26) sinismen ariketa izan da, aurreneko aldiz egiten zuen defentsa irekiarekin asmatu duelako EHF Cupeko D multzoko liderraren aurka.
SUPER AMARA Bera Berak EHF Cupeko multzoen faseari etxean amaiera jarri nahi diote garaipen batekin (igandean Gascan, 12etan) Kroaziako Podravka Vegeta D multzoko liderraren aurka -Angelos Argyridis eta Christos Mouttas, Zipre-.
