24 Otsaila 2017

Jorge Dueñas junior mailako Espainiako hautatzaile berriak SUPER AMARA Bera Berako jokalari Estitxu Berasategi deitu du martxoan bi konzentrazio burutzeko, batetik, Hannover hirian Portugal, Frantzia eta Alemaniako selekzioekin txapelketa bat jokatzeko eta, garrantzitsuena, Europako txapelketan parte hartzeko aukera jokoan izango du A Coruñako Vila de Noia –Carballo herrian martxoaren 17tik 19ra bitartean.
Madrilen martxoaren 5ean egon beharko duenez, Usurbiltarra SUPER AMARA Bera Berak Málagan martxoraren 11n jokatu behar duen partidan baja izango da.
Usurbilgo alboko jolalariak aste honetan konzentrazioa burutu du José Ignacio Prades selekzionatzailearekin, halere, Jorge Dueñas eta Verónica Cuadrado dira junior mailako selekzioaren ardura hartu dutenak, Eslovenian aurten burutuko duen Europako txapelketan egoteko helbutu duena. Espainiak horretarako Galizan Errumanía, Islandia eta Lituania selekzioei aurre egin beharko die.

24 Otsaila 2017

Atsedenerako astia izan ostean eta Kopako final-zortzirenak kanpotik ikusita, SUPER AMARA Bera Bera bihar (19,30etan) itzuliko da Loterías Ligara Valentzian, Francisco José Gallardo eta Sergio Gallardo andaluziarrak zuzenduko duen partidan, 16. Jardunaldiari dagokiona.
Aurrean Canyamelar Valencia, puntuen premia duen taldea, azkeneko sei lehiak galdu dituena Kopakoa barne eta jaitsiera postuekiko zuen tartea murriztua ikusi duena, izan ere Base Villaverde puntu bakar batera du eta Esencia 27 ULE Cleba León, bira.
Patri Alonso, Nitsan Dunay, Nagore Saenz eta Asencio gaztea dira erasorako erreferentziak. Bestetik, Montse Puchek 15 jokalariekin egingo du bidaia Autocares Davidekin, Estitxu Berasategi junior mailako selekzioarekin egon arren deialdian sartu du, Donostia Eider Lizarbe utziz. Pucheren asmoa da “joku eta sentsazio onak berreskuratzea”. Partida Canyamelar Valencia vs SUPER AMARA Bera Bera linkan ikusgai izango da.
Asteak albiste ugari eman ditu, batetik, Tati Garmendia Espainiako zuzendaritza batzordeko kide izendatu dute eta selekzioetako deialdi ezberdinetan SUPER AMARA Bera Berako zortzi jokalari daude: Alicia Fernández, Judith Sans eta Maitane Etxeberria, gorenean; Susana Parejak zuzenduko duen B selekzioan Esther Arrojeria, Alba Menéndez, Marta López eta Leire Aramendia eta Estitxu Berasategi Jorge Dueñasen junior taldean.

23 Otsaila 2017

“Lau eguneko atsedenaldia oso ondo etorri zaigu, jokalariak pilak kargaturik etorri dira eta hiru asteetako ziklo honi heltzeko gogokin”. Martxoko etenaldia iritsi aurretik, SUPER AMARA Bera Berak Valentziara egingo du bidaia larunbatean puntuak behar dituen Canyamelar Valencia, horren ostean goraka datorren KH7 BM Granollers hartuko du Bidebietan (martxoaren 3an, 18etan) eta Málagaruntz abiatuko da Rincón Fertilidad talde arriskutsuaren aurka lehiatzeko. Montse Puchek onartu du hiru partida hauetan “SUPER AMARA Bera Bera ez du Loterías Liga irabaziko” baina adierazi du “erabakiorrak dira gure helburuak lortze aldera eta Aste Santura iritsi baino lehen hurrengo hiru partidei ahalik eta ondoen heltzeko”. Kopako final-zortzirenetako kanporaketetan eman diren emaitzez galdeturik, txapeldun gisa zortziko finalean den SUPER AMARA Bera Berako entrenatzaileak onartu du “harritu egin zait Prosetecnisa Zuazok Elxen galtzeak eta Mecalia Atlético Guardés eta Rocasa taldeen partida amaieran”. Galizarrek kanporaketea irauli egin zuten gol bakar batez Gijonen irabazteko eta Rocasak luzapena behar izan zuen Leonen. Larunbatean (19,30etan) El Cabañalen SUPER AMARA Bera Berak Canyamelar Valencia izango du zain, puntuen premia duen aurkaria, 2016ko azaroaz geroztik irabazi ez duena eta azken bost partidak galdu dituena bataz beste 19 gol sartu gabe. Larunbatean Kopatik at gelditu zen Granollersetik (23-20). Puntuak urratzeko duen beharraz gain -puntu bakarra ateratzen dio Base Villaverderi eta bi Esencia 27 ULE Cleba Leóni- Montse Puchek gogorarazi du “Bera Berarentzat ez ohi da pista atsegina”. Erasoan arazoak izan arren, gola duten jokalariak baditu Nitsan Dunay, Patri Alonso edo Nagore Saenz. Puchek, baina, bere taldea “gogokin ikusten du, lanerako jarrerara onarekin eta behar ditugun sentsazioak berreskuratzea nahi dugu”. Zentzu honetan, urte berriari errepaso jo dio Puchek “presio handiko partidekin, puntuak hartu behar genituen norgehiagokak izan ziren Rocasa eta Zuazoren aurka eta gero, agian, intentsitatea galdu genuen Leonen aurka eta Valladoliden, sentsazioak ez ziren onak izan eta horregatik Valentzian joku ona berreskuratu nahi dugu”. Montse Puchek plantilla osoarekin lan egin du aste honeta bi jokalari izan ezik, “bere sorbalda ondo jartzen jarraitzen duen” Ana Martínez eta Estitxu Berasategi, junior mailako selekzioarekin aritu dena Madrilen, deialdian sartu den euskaldun bakarra izan da usurbildarra.

23 Otsaila 2017

Espainiako Kiroletako Goi-Kontseiluan aurkeztu du Federazioak Carlos Viver emakumezkoen eskubaloiko hautatzaile berria, Jorge Dueñas ordezkatuz.
Aurkezpen ekitaldian hautatzaile kataluniarrak 17 jokalariez osaturiko zerrenda ezagutzera eman du, martxoaren erdialdean burutuko baitu aurreneko konzentrazioa. Deialdian dira SUPER AMARA Bera Berako Judith Sans, Maitane Etxeberria eta Alicia Fernández eta Espainaiko selekzioak Errumanian bi lagunarteko jokatuko ditu martxoaren 17 eta 19an.