13 Martxoa 2017

Carlos Viver hautatzaile berriak deitu du gaur SUPER AMARA Bera Berako jokalari Esther Arrojeria, Espainiako goreneko selekzioko zerrenda osatzeko Nerea Penaren baja dela eta.
Goreneko selekzioarekin egingo du debuta usurbildarrak, lehengo udan Unibertsitateko selekzioarekin Munduko txapelduna izan ostean. Esther Arrojeria B selekzioarekin zegoen, Susana Pareja entrenatzailearekin, deia jaso duenean. Arrojeriak Maitane Etxeberria, Judith Sans eta Alicia Fernándezekin bat egingo du. Hungaria eta Kroazioko Eurokopatik ez zuten bat egiten Bera Berako lau jokalariak selekzioan, orduan, Eli Pinedo, Elorza, Temprano eta Núñez izan ziren zilarra lortu zutena. Horrez gain, denbora gehiago pasatu da selekzioan bi gipuzkoar bat egin gabe, orduan Tati Garmendia eta Eider Rubio izan ziren 2008ko maiatzean.
Guadalajaran entranatzen ari da goiz eta arratsaldez Espainiako selekzioa, bihar bi selekzioen arteko lagunartekoa jokatuko da: gorenekoa eta B selekzioa, alegia; ostegunean Bucarestera egingo dute bidaia Ambrós Martín entrenatzaileak zuzentzen duen Errumania aurkari izango dutelarik Izvorani hirian, ostiralean 18,45etan eta igandean 16etan. Itzulera, 20an.
Hortaz, B selekzioan Menéndez, Marta López eta Aramendia geldituko dira eta junior maila, Esloveniako Eurokopan egotea jokoan izango du Estitxu Berasategi junior selekzioarekin asteburuan A Coruñan.

12 Martxoa 2017

Akaso SUPER AMARA Bera Berak denboraldiko partidarik onena izan da, aise (17-34) nagusitu zaiolarik Rincón Fertilidad Málagari, sasoi onenean zegoen taldea, Carranquen Rocasa gainditzeaz gain, O Porriñon eta Barakaldon irabaztea lortu zuena eta Bidebietan jokatu zuenetik behin baino ez du galdu. Pucheren taldeak, berriz, partida borobila burutu du. Eraso jokuan, ere bai. Arrojeria zuzentzen, Elorza eta Fernández albokoetan, Aramendia eta Etxeberria hegaletan eta Ederra pibotean. Azken honek ireki du markagailua eta defentsan Sansek hartzen zuen bere lekua, Elorzarekin batera Nuria Benzal eta Bea Puertas jokalariengan arreta berezia jarriz, Paula García pibotearekin ondo baino hobeto elkar ulertzen dutelako, gipuzkoarrak iritsi arte. Defentsak lan ona egin du SUPER AMARA Bera Berak baina ez zuen kontraerasorik sortzen –Etxeberriaren bat izan ezik (1-4)-. Halere, ez zen arazo, eraso posizionalean, abiadura medio, donostiarrek hutsuneak aurkitu dituztelako, Esther Arrojeriak batez ere, lehenengo zatian sei gol ia modu berean gauzatu duelako. Elorzak ere asmatu du, bi gol sartuz, Ederrari asistentziak emanez eta defentsan. Hortaz, SUPER AMARA Bera Berak tartea ireki du segituan (5. min: 2-5) eta ondoren berretsi dena (10. min 3-9). Horren ostean, Temprano agertu da geldiketa bikainak egiten Pessoa brasildarraren aurren eta lehenengo zatian hiru penalti ere gelditu ditu. SUPER AMARA Bera Beraren erasoa eraginkorra zen, Diego Carrasco entrenatzaileak birritan gelditu du lehia eta azkeneko 15 minutuetan gipuzkoarrek bost kanporaketak jasan arren -Elorzak, bi- taldeak joku bolada onarekin jarraitu du, Puchek eserlekua mugituz, gaur murritzago, Zaldua gaixorik eta Berasategi, junior mailako selekzioarekin baja zirelako. Atsedenaldian (8-19), partida bideratuta zegoen baina donostiarrak disfrutatzen ari ziren pistan eta ez diote aukera izpirik eman nahi Rincón Fertilidad taldeari. Bea Puertas eta Méndez jokalariak saiatu dira baina ezin zuten defentsarekin, gainera Alicia Fernández piztu da bigarren zatian eta aipagarria izan da Marta Lópezekin egindako gola fly moduan. SUPER AMARA Bera Berak tartea handitzen jarraitu du, Puchek minutuak banatu ditu eta pistako jokalari guztiek gutxienez gola sartu dute. Hortaz, Carranque pista zailan lorturiko garaipen handia, etenaldira lidergoan bakarrik iritsi da SUPER AMARA Bera Bera Guardesekiko bi puntuko aldea mantenduz. Rincón Fertilidad Málaga 17, SUPER AMARA Bera Bera 34 Rincón Fertilidad Málaga 17 (8+9). Fernández, Pessoa (3 1p), Benzal (1), García, Puertas (2), Gutiérrez (2) eta López (3) –titular-, Méndez (4), Moreno (1), Torres, Vera, Cosano (1) eta Maestro (o.a.). SUPER AMARA Bera Bera 34 (19+15): Temprano, Etxeberria (3), Elorza (3), Ederra (2), Arrojeria (6), Fernández (8) eta Aramendia (3) –titular- Sans (3), Menéndez (1), López (1), Ezkurdia (1), Múgica (3, 2p) eta Zugarrondo (o.a.) Epaileak: Millán eta Quintanar (Catalunya) Kanporatuak: Cosano Rincón Fertilidadetik eta Elorza (3, gorria 41. min), Menéndez (2), López eta Fernández SUPER AMARA Bera Beratik. Partzialak: 1-4, 3-7, 4-11, 6-13, 7-16, 8-19 –atsedenaldia- 10-21, 10-21, 11-25, 13-28, 14-32 eta 17-34

10 Martxoa 2017

Bera Bera Eskubaloiko harrobiko taldeek hamar partida jokatuko dituzte asteburuan. Azpimarratzekoak dira, euskal ligan, jubenil eta senior taldeenak, hain zuzen. Bera Bera Urdina jubenil taldeak Etxebarrin irabaziz gero aurreneko postua bereganatuko luke eta sektoreetan lekua; senior taldeak, berriz, Bidebietan Aiala Zarautz aurkari zuzena hartuko du. Ordutegiak: Martxoak 11, larunbata Zarautz 11,15 Kadete mutilak Amenabar A vs Bera Bera Urdina Zarautz 12,45 Kadete mutilak Amenabar B vs Bera Bera Laranja Andoain 11,45 Infantil neskak Leizaran Eskubaloia C vs Bera Bera Txuria Bidebieta 13,30 Infantil neskak Bera Bera Urdina vs Aiala A Bidebieta 16,00 Kadete neskak Bera Bera Urdina vs Brakis Pulpo Bidebieta 17,45 Senior neskak Bera Bera Urdina vs Aiala Martxoak 12, igandea Bidebieta 10,00 Jubenil neskak Bera Bera Laranja vs Aiala Etxebarri 12,00 Jubenil neskak Kukullaga vs Bera Bera Urdina Paco Yoldi 10,30 Infantil neskak Bera Bera Urdina vs Hernani Paco Yoldi 12,00 Infantil mutilak Bera Bera Urdina vs Tolosa B

10 Martxoa 2017

Bihar larunbata (18,30etan) Málagan, El Carranque kiroldegian (Millán eta Quintanar, Catalunya), Loterías Ligako etorkizuna finkatuko duen partidari helduko dio SUPER AMARA Bera Berak. Gaindituz gero, Mecalia Atlético Guardésekiko bi puntuko aldea mantenduko du, izan ere, galizarrek asteazkenean Esencia 27 ULE Cleba León mendean hartu zuten, eta gipuzkoarren tartea erabakiorra izan daiteke txapelketa amaitzeko zortzi jardunaldien faltan. Montse Puche eta plantilla jakinaren gainean daude. “Partida oso garrantzitsua da guretzat” onartu du, Rincón Fertilidad “oso sasoi onenan dagoelako, Ligako bigarren itzulia bikaina burutzen ari da, hortaz, guztia eman beharko dugu norgehiagoka osoan zehar”. Bidebietan elkarren aurka jokatu zutenetik, Rincón Fertilidaden ibilbidea izan da: 9 garaipen, bi berdinketa eta porrota bakarra, laugarren postutik puntu bakarrera kokatuz. “Denboraldi hasieran jakin bagenekien taldea goruntz joango zela, orain jokalariek elkar ezagutzen dute eta urtea ondoen hasi duen taldea da, etxean are arriskutsuagoa dena”. Diego Carrascoren taldeak Rocasari El Carranquen, Porriñon eta Barakaldon irabazi du eta Kopako fase finalean egongo da iaz bezala, Aula Valladolid gaindituta. Montse Puchek Rincón Fertilidad deskribatu du. “Atezain bikainak dituzte: Virginia Fernández eta Cristina Maestro; hegaleko jokalariek portzentaje handia dute eta batzuk lehenengo lerroan ere aritzeko aukera dute, hemen ez dute kanpotik asko jaurtitzen baina oso borrokalariak dira, gainera adi egon behar dugu Bea Puertas eta, jakina, Nuria Benzalekin, oso sasoi onean dagoelako eta Paula García pibotearekin oso ondo konpontzen delako”. KH7 BM Granollersen aurrean bere taldeak emandako erantzunarekin pozik zegoen Puche, Laura Steinbachek maila igo zuen eta SUPER AMARA Bera Berak eskertu zuen amaieran. “Partida ona egin genuen, defentsan batez ere eta ondo etorri zitzaigun”. Puchek ohartarazi du taldea, izan ere, "Málagan, defentsan oso konzentrarurik atera behar dugu hasieratik, intentsitatearekin ea akatsak eragiten ditugun eta aprobetxatzen jakin”. Entrenatzaileak dio “gureari eutsiko diogu”, hau da, taldeak dituen birtuteei heldu “partida gogorra izango delalo, Rincón Fertilidad gogor defendatzen duelako”. Junior mailako konzentrazioa dela eta, talde bakoitzak baja bat du, SUPER AMARA Bera Beran Estitxu Berasategi alboko jokalari eta, bestetik, Rincón Fertilidaden aldetik Ana González hegaleko jokalaria. Hortaz, Puchek 14 jokalari eramango ditu eta horietatik zazpi igandean selekzio ezberdinekin bat egingo dute, gorenekoarekin (Sans, Etxeberria eta Fernández) eta B taldearekin (Marta López, Arrojeria, Menéndez eta Aramendia).