05 Apirila 2017

Euskal ligako senior mailan azken jardunaldia burutuko da ordutegi bateratuan, igandean 12,15etan, alegia. Bera Bera, Indupime Basauri, Jarrilleras eta Aiala Zarautz lauko finalerako sailkatu direnak baina oraindik ere aurreneko hiru taldeek txapeldun izateko aukera dute. Bera Berak bere esku du, izan ere, igandean Bidebietan GF Zuazo gaindituz gero lidergoa berretsiko du eta apirilaren 21etatik 23ra bitartean igoera fasea antolatzeko lehentasuna izango luke.
Harrobiko beste partida Bidebietan igandean bertan izango da. Jubenil mailan, Bera Bera Laranja jubenil taldeak Legazpiko Untzilla Abokatuak hartuko baitu 10,15etan.
Eta larunbatean Bera Bera Laranja kadete mutilen partida Hernanin 16,45etan.

04 Apirila 2017

Emakumezkoen eskubaloiko Loterías Ligako 20 jardunaldi igarota, asteburua eman diren emaitzen arabera SUPER AMARA Bera Berak lidergoan jarraitzen du partida bakarra galduta, Mecalia Atlético Guardés gipuzkoarreikiko bi puntura eta Rocasa hirugarren postuan zortzira.
Denboraldia amaitzeko hiru jardunaldi gelditzen direnean, hau da, hamabi puntu jokoan esan daiteke aurtengo Loterías Liga bi taldeen eskuetan dagoela: SUPER AMARA Bera Bera eta Mecalia Atlético Guardés.
Egutegiei erreperatuz gero, donostiarrak aurkari zuzenari egin behar diote visita apirilaren 22an eta Kopa ostean Godoy Maceira BM Porriño hartuko dute, Kanarietara bidaia egin, Prosetecnisa Zuazo Bidebietan eta Leónen amaitu. Bestetik, Mecalia Atlético Guardések Lasesarren jokatuko du larunbatean, donostiarrak hartu eta gero Valladolidera egingo dute bidaia eta azken hiru norgehiagoketan, Elche etxean, azken bidaia Valentziara eta amaitzeko KH7 BM Granollers A Guarda.
Ana Martínez
Lehen itzulian SUPER AMARA Bera Berak aise gainditu zuen (28-22) Mecalia Atlético Guardés Patri Elorza eta Ana Martínez baja izan arren, oraingoan, elxetarrak aukera asko ditu Montse Pucheren esanetara jartzeko.
Lehengo larunbateaan Madrilen Base Villaverde taldearen aurka, lehenengo aldiz denboraldi osoan lehenengo zatia galdu zuen (12-11) SUPER AMARA Bera Berak, batez ere lehenengo zatian erasoan galdutako baloi asko galdu zituelako eta bigarrenean, 25 jartiketetatik hamaika baino ez zituen gauzatu (%44a).

03 Apirila 2017

Asteburuko harrobiko partideetan denetarik egon da, nahiz eta garrantzitsuena izan zen senior mailako garaipena Errenterian, bere esku duena multzoko lider moduan bukatzea eta igoera fasea antolatzeko lehentasuna. Emaitzak: Infantil neskak BERA BERA URDINA 29-15 PITCH BIDASOA IRUN A BERA BERA TXURIA 34-29 BERA BERA LARANJA Kadete neskak BRAKYS PULPO K.E. 21-36 BERA BERA URDINA BERA BERA LARANJA 21-11 BERGARA K.E. Kadete mutilak BERA BERA URDINA 26-28 EREINTZA BEISSIER BERA BERA LARANJA 19-31 ARRASATE E.B. Jubenil neskak ORDIZIA ESKUBALOIA 23-24 BERA BERA LARANJA Senior neskak EREINTZA BARYMONT 25-30 BERA BERA

01 Apirila 2017

Bigarren zatiko zazpigarren minutuan, Fernández hegaleko jokalari madrildarrak 16-14 ezarri du markagailuan baina SUPER AMARA Bera Bera pistako lau jokalari zituen Judith Sansek bigarren aldiz kanporatua zelako eta aldaketa gaizki egiteagatik Tempranok ere bai, gainera atezaina taldea partidan mantentzen zuena zen. Baina egoera okerrenetan iritsi da gipuzkoarren erreakzioa, 0-3 partziala lortuz, Elorza eta birritan Marta Lópezen bidez, markagailua irauliz. Madrildarrak 14 minutu gola sartu gabe egon dira eta entrenatzaileak partida gelditu arren, gipuzkoarren hurrengo 0-3 partziala iritsi da kontraerasoan Sans eta Aramendia eta beste bat Lópezena, oso eraginkorra bigarren zatian 16-20 ezarriz baina partida hautsi ez duena.
Donostiarrak despistaturik atera dira, akaso partida garaizegi zelakoan, baina defentsan ez dira ondo sentitu, erasoak ez zuen asmatzen 5-1 defentsa gainditzen, kontraerasoak Encinas atezainak gelditu ditu hasieran eta Tempranoren geldiketak baino ez dute talde eutsi, Base Villaverde aurretik egon da markagailuan 42. minutura arte.
Puchek lehengo larunbateako hasierako zazpia errepikatu du, Marta López eskuin albokoan, Etxeberriarekin aldatuz. Erasoan Ederrak Sans ordezkatu du. Baina Base Villaverdek ondo mugitu du donostiarren defentsa, Cardador eta Lorena Montilla batez ere eta Andrea González piboteak mina egin dute. Gainera Sans eta Elorza kanporatu dituzte.
Baina Etxeberria, Elorza eta Ezkurdiak asmatu dute eta Base Villaverdek ez zuen bi goleko abantaila baina gehiago lortzen. Tempranok gelditzen jarraitzen zuen, Etxeberriak baloia lapurtu eta kontraerasoan sartu du gola eta atsedenera iritsi aurretik Elorza gerturatu du taldea 12-11.
Bigarrenean, hasi eta berehala, Marta Lópezek hartu du ardura, bi aldiz berdinketa lortuz baina norgehiagoka asko nahasi da bi kanporaketekin. SUPER AMARA Bera Berak, aldiz, 0-6 partziala lortu du baina ez du partida itxi, Encinas atezainaren aurrean eragindako akatsak aprobetxatzen jakin izan dute madrildarrek 3-0 partziala lortuz eta gol bakar batera kokatuz (19-20), baina Múgica aurretik eta ondoren, segundu gutxi falta zirela, Marta Lópezek asmatu dute 20-22 jarriz eta Donostiara puntuak eramaten lidergoan jarraitzeko, azken segunduan Base Villaverdek gol sartu arren.
Mecalia Atlético Guardések ere gol bakar batez irabazi dio Rocasari (26-25), hortaz, kanariarrekiko aldea zortzi puntukoa da eta antza Liga Loterías gipuzkoarren eta galizarren artean egongo da.
Fitxa: BM Base Villaverde 21, SUPER AMARA Bera Bera 22
BM Base Villaverde 21 (12+9): Encinas, Fernández (1), Lorena Montilla (4), Talavera (5), Andrea González (4), Natalia Montilla (3) eta Cardador (3) –titular- María González (1), Lorenzo, Belda, Ayllón, Garrido eta Iglesias (o.a.)
SUPER AMARA Bera Bera 22 (11+11): Temprano, Etxeberria (3), López (8), Ederra, Elorza (4), Menéndez eta Aramendia (2) –titular- Sans (2), Múgica (1), Ezkurdia (2), Zaldua, Lizarbe, Encina, Berasategi eta Zugarrondo (o.a.)
Epaileak: José Alberto Macías eta Ernesto Ruiz (andaluziarrak) Kanporatuak: Andrea González BM Base Villaverdetik eta Sans (2), Elorza eta Temprano SUPER AMARA Bera Beratik
Partzialak: 2-1, 4-3, 7-5, 8-6, 10-8, 12-11 –atsedenaldian- 14-14, 16-15, 16-18, 16-19, 17-20 eta 21-22