SUPER AMARA Bera Bera ostegunean arratsaldean Josean Gasca kiroldegian ekingo dio aurredenboraldiari eta, urtero bezala, harrobiko hainbat jokalari ere izango dira lanean abuztuan lehen taldearekin, kasu honetan hiru, Malen Morandeira, June del Campo eta Amaia Zolezzi.
Hirurek Guerreras Iberdrola Ligan debuta egiteko aukera izan dute, gainera. Ezker alboko jokalari Malen Moraindeirak iaz Zilarrezko mailan jokatu zuen Aiala Zarautzekin. Donostiarren asmoa bigarren taldea indartzea denez lehen taldearekin dagoen koxka murrizte aldera, Bidebietan geldituko da urnietarra. Berarekin batera, iaz entrentatzen eta debuta egiteko aukera izan zuten June Del Campo ezker hegalaria eta Amaia Zolezzi zentrala ere.